တိမ်ကိုနမ်းသော ခြေလှမ်းများ

(၁)

ကန္တာရတွေကျော်.. တောင်တန်းတွေပေါ်ဖြတ်
လျှိုအထပ်ထပ်ဆင်း.. မြက်ခင်း အတန်တန်လွှား
ထိမ်းချုပ်ခြင်း တာရိုးများ.. ကျိုးသွားပြီးတဲ့ နောက်
ရှည်လျားသော မုတ်သုန်အလွန် မှာ.....
တခွန်းသော သူ့စကား...ကျမနား..နား ကပ်
တိုးဖွဖွ ညင်သာသာ
..ညီမလေး ကို... ချစ်လိုက်တာ.. တဲ့..
ရွှေအပြားကုဋေ တသန်းမက
အဖိုးတန်လှ ဒီဆုလာဘ်.. နောက်ဆုံးတော့.. ကျမ ရခဲ့ ပြီ...

(၂)
အလွမ်းတွေရယ်
အနမ်းတွေရယ်
ကမ်းအလွန်မှာ ရောဖျော်ချလိုက်တော့
အပြာရောင် စမ်းချောင်းလေး
ဖြတ်ကူးပြေးပါပေါ့.. ကျမ ရဲ့ နှလုံးသား ကဗျာ..

(၃)
နှင်းတွေရယ်
အလင်းတွေ ရယ်
အာရုဏ်မှာ ပေါင်းဆုံဖြစ်ကြတော့
အ၀ါရောင်လမ်းကလေး
ပေါင်းကူးပေးပါပေါ့.. ကျမရဲ့ ရင်ခွင် မှာ..

(၄)
တံခါးတွေရယ်
စကားတွေရယ်
လွင်ပြင်အလယ် ဖွင့်အန်ချလိုက်တော့.
အကြင်နာအခန်းကလေးတခု
တယုတယ ဖြစ်လာပါပေါ့ ကျမ နားခိုရာ..

(၅)
အသာယာဆုံး လောက
သတ္တ ဒီကမ္ဘာ .. ကျမလောက်ပျော်တာ
ရှိမှာ မဟုတ်တော့...
လေအဟုန်စီးမျော..
သောသောသုန်သုန်..ရင်ခုန်စည်းချက်
ဘ၀ဂ်ထိယံ.. မိုး ဆီပျံလွှမ်း
နှစ်သန်း ခြောက်ထောင် ..ဂြိုလ်ကမ္ဘာတောင်တုန်ဟီး
ရှက်ရိပ် စီးကျ.. ပူနွေးသောပါးပြင် အလှ
သူမြင်ခွင့် ရခဲ့.....

လှိုက်မော ညိုးညံ
သူ့ ရဲ့ ချစ်ခြင်းဖွဲ့ ဗုံသံတွေ..
စည်းချက်မပါ.. ကျမ ကောင်းကင်ပေါ် ဖြာသွားတဲ့ခဏ...
တိမ်ကိုနမ်းသော ခြေလှမ်းများနဲ့..
အဲဒါ... ကျမ ချစ်သူရဲ့ ချစ်သူ.. ကျမ.. လေ....။

မမသီရိ
၁၅.၁၀.၂၀၀၉