အပူသည်

ကယ်ပါ ယူပါ တစာစာ
ဆံပင် ဖွာလန်ချာ..

အပူမီးအုံး ရင်တွေ နုံး..
စိတ်ဓါတ် ကျ ဂျုံးဂျုံး ..

လမ်းမအလည်.. ထိုအပူသည်..
ဒုက္ခ ထပ်ပြီး ၀ယ်..

မစားမသောက် ည တွေပျောက်
သောက သေရည်သောက်..

 ပြေးဟယ်လွှားဟယ်.. ဘ၀ဈေးသည်..
သံသရာတကွေ့ဝယ်.. 

တောင်းရပန်ရ လိုချင်မှ အောက်ကျ နောက်ကျ ဘာကျကျ
ဒုက္ခ ဒုက္ခ သည်ဒုက္ခ လုပ်ယူလို့သာရ..

တပ်မက်မှုတို့စိတ်မှာယှဉ် .. လူသားပုထုဇဉ်..
တွေးမိပါ ရဲ့ စာတစ်စု.. မည်သူမပြု မိမိမှု... .။


မမသီရိ
၃ ဇွန် ၂၀၁၂

ပုံပြောပြမယ်..

မောင်လေးရေ မငို ပါနဲ့ ပုံပြောပြမယ် ကွဲ့
ညီမလေးရေ မငိုပါနဲ့ ပုံပြောပြမယ် ကွဲ့

နားစိုက်ထောင်လို့ မှတ်တော့ကွယ်
မမ ပြောပြမယ်..
..
(ရီလိုက်ရတာ ဖတ်ဖတ်မော
ရင်ဘတ်နောက်ကကျော...
လူ မိုက် တတော ရဲ့ .. မှတ်သားဖွယ်)
...
...

အရောင်မှိန်လေနိုး
ပြာပူနဲ့ တိုးတိုက်
မိုက်လိုက်တဲ့ ဒီလူတွေ
အဲဒီပတ္တမြား.. ပိုလို့တောင်ရဲသွား သတဲ့
..
..
အရှိန်အ၀ါ ညှိုးလေနိုး
တိမ်မိုး တွေ ကြိုးစားကာ
မိုက်ပါပေ့ ဒီလူများ..
အဲဒီနေမင်း ကတော့ သူ့ဖာသာ လင်း မြဲ တဲ့
..
..
အမျိုးပြုတ်လေနိုး
ဖိနစ်ငှက်ကို အတောင်ချိုး
အိုးထဲ ထည့်ဖို့ ကြံ
ငမိုက်သားတွေ ဖန်
အပြုံး မပျက် အဲဒီငှက်
အရောင်စုံ တောင်ပံဖြန့် ပျံဖို့ အသင့် တဲ့
...


အသိဥာဏ်..ပညာမဲ့
ငမိုက်သားတဖွဲ့
လျှောက်ရမဲ့ လမ်းပျောက်တော့
အကြံကုန် ဂဠုန် ဆားချက်
ပညာရှိတွေ ရယ်ပွဲ ဖွဲ့
...
...

ညီမလေး နဲ့ မောင်လေးရေ
မှတ်သား လိုက်တော့လေ..

မင်းတို ဘ၀မှာ ရှောင်လေ ရှား
အဲသလို ဘ၀ နဲ့ ငမိုက်သား ....။


မမသီရိ (၁၂.၉.၂၀၀၉)