ဝိုင်နီပုလင်းလေး တလုံး...

တိမ်တွေကို အထူအပါးညှိကြည့်ဖို့
စိန်စီသောလမ်း လဲ
မလျှောက်လှမ်းလိုပါဘူး ကလေးလေး ရယ်...

မင့် မျက်ဝန်း ညိုညို တွေ
အဝေး က ငေး ရုံလေးပါပဲ....။

မင့် အပြုံး မှုန်မှုန်တွေ
အဝေး က ငေး ရုံလေးပါပဲ....။

မင့် ကိုယ်ငွေ့ နွေးနွေး
အဝေး က တွေး ရုံလေးပါပဲ...။

အသက်တွေသာ
တနေ့ ပြီး တနေ့ ကြီးလာခဲ့
နှလုံးသားလေး က နဂိုနေရာမှာ ရပ်တန့်
ခံစားလွယ်လွန်း သူ လူကလေး အတွက်
အကြင်နာ ၀တ်ရုံလေးတခု ခြုံပေးချင်တာက လွဲပြီး.....


လမင်း လမ်းလျှောက်ထွက်တဲ့ ည
ကြယ်ကြွေတွေ အတူကောက်
အိပ်မက်ဝိုင် ချိုချိုကို အိပ်မက်ထဲ ပဲ အတူသောက်
အိပ်မက်ထဲမှာပဲ ရောက်ခဲ့တဲ့မြို့မှာ
အိပ်မက်ထဲ မှာပဲ အတူတူ ရှိနေရုံက လွဲ ပြီး...


ကသစ်ပန်း နီနီ တွေ
အစီအရီ ပွင့်တဲ့ ရာသီတခု
တိမ် အကြွင်း အကျန်တွေ စုလို့ မြေသြဇာကျွေး
အိပ်မက်ထဲမှာပဲ ပြုစု မွေးထားတာက လွဲပြီး....


ကျမရဲ့ ချစ်ခြင်းမေတ္တာတွေ
မင့် ချစ်ခြင်း အကြင်နာတွေ ....
အတူတူ ရောဖောက် ရက်ထားတဲ့
ကော်ဇော ပြာပြာလေးတချပ် ..
အတူတူ ထိုးစိုက် အလှဆင်ခဲ့တဲ့
ရောင်စုံ ပန်းအိုးလေး တလုံး
ကျမ ထာဝရ သိမ်းထုပ်ပေးသွား မှာက လွဲပြီး....


တိမ်တွေကို အထူအပါးညှိဖို့
စိန်စီသော လမ်းကိုလဲ မလျှောက်ခဲ့ချင်..
(ကလေးလေး ရယ်.. )
မှန်တာပြော သစ္စာ လို့ဆိုခဲ့ရင်..
တို့...ဆံပင်တွေ သိပ်မဖြူ ကြခင်..
တွေ့ ကို တွေ့ ချင်တာပေါ့နော်...


တကယ်လက်တွေ့ဘ၀ မှာတော့
နေ့ဆိုတာတွေ
ည ဆိုတာတွေ
ဝေးကွာခြင်းရဲ့ သဘောတရားတွေ
တရွက်..စီ
တလွှာ..စီ
ခွဲခြား စိတ်ဖြာ ကြည့်လိုက် တဲ့ အခါ....


မင်းရဲ့ နာကျင် ကြေကွဲခြင်း အထွေထွေ
ကျမရဲ့ ဆူးပြွမ်းတဲ့ ဒဏ်ရာ ဗရပွ
အသီးသီး အ.သ.က.. အ.သ.က..
စီးကျလာတဲ့ နှလုံးသွေး ကိုယ်စီကို...
အနီရောင် ၀ိုင်ပုလင်းထဲ ထည့် .. ချိပ်ပိတ်..
နောင်ဘ၀ တခု မှာ အတူဖွင့်ကြဖို့ တံဆိပ်နှိပ်..


မျက်ရည်တွေ ကိုယ်စီနဲ့...တို့... .
တ်ိတ်တ်ိတ်လေး.. ငေးကြည့်နေကြ ရုံ.........။


မမသီရိ (၁၁.၈.၂၀၀၉)