Tuesday, June 16, 2009

ဖီဒဲလ် ကပ်စထရို၏ ကမ္ဘာကျော်လျှောက်လဲချက် အစ-အဆုံး

ဖီဒဲလ် ကပ်စထရို ရဲ့ ကမ္ဘာကျော် လျှောက်လဲ ချက်ရှည်ကြီးကို ဖတ်ပြီးသူတွေ ရော မဖတ်ရသေးသူတွေပါ တစုတစည်းထဲ ဖတ်လို့ ရအောင် နောက်ဆုံး နိဂုံး ချုပ် အပိုင်း ကို ဒီမှာပဲ တပါတည်း ဖေါ်ပြလိုက်ပါတယ်။
----------------------------------------------
စကားချီး..

ဖီဒဲလ် ကပ်စထရို ဆိုတာ တခေတ်တခါ က တောက်ပခဲ့ဖူးတဲ့ ကြယ်တပွင့်ပါ..။ အဲဒီခေတ်အခါတုန်းဆီက လွတ်လပ်ပြီးစ မြန်မာနိုင်ငံနဲ့ အရှေ့တောင်အာရှတလွှားက လူငယ် လူရွယ် အများစု လေးစားအားကျခဲ့ရတဲ့ .. တခြားကမ္ဘာ့ဒေသတွေက လူငယ်တွေကပါ မျက်ခြေမပြတ်စောင့်ကြည့် အကဲခတ်ခံခဲ့ရတဲ့ တော်လှန်ရေးလူငယ် တဦးဖြစ်ခဲ့ဖူးသူပါ။ နှောင်းလူငယ်တွေကတော့ ကပ်စထရို ဆိုတာ သေသည်ထိ အာဏာကို မစွန့်လွှတ်ချင်တဲ့ အာဏာရူးကြီး၊ တယူသန် တဇွတ်ထိုးကြီး၊ တိုင်းပြည်ကို တံခါးပိတ်ထားချင်သူကြီး၊ ပြည်သူတွေကို ထည့်မစဉ်းစားတဲ့တကိုယ်ကောင်းဆန်သူကြီးအဖြစ်၊ ကျူးဘားသမိုင်းစာမျက်နှာတွေကို အညိုရောင်နဲ့အုံ့မှိုင်း စေခဲ့သူကြီးအဖြစ်သာသိထားကြမှာပါး) ။
ခုတင်ပြသွားမဲ့စာစုလေးကတော့..သူ့ရဲ့ကမ္ဘာကျော်ခဲ့တဲ့လျှောက်လဲချက် တွေထဲက ထုတ်နှုတ်ထားတဲ့ အချက်အလက်တချို့ပါ..။ ကျမဆီမှာရှိနေတဲ့ ရန်ကုန်ဝိဇ္ဇာ-သိပ္ပံ တက္ကသိုလ် ဥပဒေပညာဌာနမှာ ကထိက အဖြစ်တာဝန်ထမ်းဆောင်ခဲ့ဖူးတဲ့ တရားရုံးချုပ်ရှေ့နေ စာရေးဆရာ မောင်ကိုယုရဲ့ ကမ္ဘာကျော် လျှောက်လဲချက်များ ဆိုတဲ့ စာအုပ်ထဲက ကောက်နှုတ်တင်ပြသွားမဲ့ ဖီဒဲလ်ကပ်စထရိုရဲ့ သမိုင်းဝင် လျှောက်လဲချက်ပါ။ အချိန်အခက်အခဲ ကြောင့်ရော..စာဖတ်သူတွေကို အားနာသောအားဖြင့်ပါ.. အပိုင်းလိုက်ခွဲပြီး တင်ပြပေးသွားပါမယ်။


နောက်ခံသမိုင်း

ဖီဒဲလ်ကပ်စထရိုသည် ကျူးဘားပြည်အိုရီယန်တီနယ်တွင် ၁၉၂၆ ခု သြဂုတ်လ ၂၃ ရက်နေ့၌အဘ ကြံစိုက် ပျိုးရေးလုပ်ငန်းရှင်လူချမ်းသာ၏ဒုတိယဇနီးသည်မှမွေးဖွားခဲ့သည့် တတိယမြောက်သား ရတနာဖြစ်သည်။ ငယ်စဉ်ကပင်ထူးချွန်ထက်မြက်သူတဦးဖြစ်ပြီး ၁၉၄၅၊ အသက် ၁၉ နှစ်အရွယ်တွင် ဟာဗာနာတက္ကသိုလ် တွင်ဥပဒေပညာကိုလေ့လာဆည်းပူးခဲ့ပါသည်။ ထိုစဉ်က ဟာဗာနား တက္ကသိုလ်သည် နိုင်ငံရေးလှုပ်ရှားမှုများတွင် အတက်ကြွဆုံးဖြစ်ပြီး ကတ်စရို ကျောင်းသားဖြစ်စဉ်ခိုက် ပိုမိုအားကောင်းလာခဲ့ပေသည်။ သူ၏အပြောအဟော ကောင်းမှုကြောင့် ခေါင်းဆောင်နေရာကို ဆောလျင်စွာရရှိခဲ့ပြီး သူခေါင်းဆောင်သည့် ကျူးဘား ကျောင်းသား လှုပ်ရှားမှုဖြင့် ကျူးဘားအစိုးရ၏ မတရားမှုများကိုတိုက်ပွဲဆင်နွဲခဲ့သည်။ ကျူးဘားအစိုးရ၏ဖောက်ပြန်မှု၊ လက်တင်အမေရိကန် နိုင်ငံများရှိ အစိုးရတို့၏ဖောက်ပြန်မှုများအားဆန့်ကျင်သော တိုက်ပွဲများကို တက်ကြွစွာ ခေါင်းဆောင်ခဲ့မှုကြောင့် အကြိမ်ကြိမ်ဖမ်းဆီးခြင်းခံခဲ့ရသည်။ (စာ ၁၈-၁၉)

၁၉၅၀ တွင် ဥပဒေ၀ိဇ္ဇာဘွဲ့ကိုရရှိခဲ့ပြီး ဟာဗာနာမြို့တော်တွင်ရှေ့နေတယောက်အဖြစ်အမှုလိုက်ကာ အသက်မွေး ၀မ်းကျောင်းခဲ့သည်။ သူလိုက်လံဆောင်ရွက်ပေးသောအမှုများမှာ နိုင်ငံရေးမှုခင်းများနှင့်ဆင်းရဲသား အလုပ် သမား၊လယ်သမားများဖက်မှလိုက်ပါဆောင်ရွက်ပေးခဲ့ခြင်းဖြစ်ပါသည်။ ၁၉၅၂ တွင် ရွေးကောက်ပွဲ ၀င်ရန်စီစဉ်ခဲ့ သော်လည်း အာဏာရှင် ဘာတစ္စတာကနိုင်ငံ့ အာဏာာကို လက်နက်ကိုင်သိမ်းပိုက်ခဲ့သဖြင့်၊ ရွေးကောက်ပွဲ ပျက်ခဲ့ရသည်။ ဘာတစ္စတာအား ထောင်ချ အပြစ်ပေးရန် ကပ်စထရို ကိုယ်တိုင် တရားစွဲခဲ့သော်လည်း တရားရုံးက ပယ်ချခဲ့သည်။ ဤသို့ဖြင့် လက်နက်ကိုင်တော်လှန်ရေး လမ်းစဉ်သည်သာလျှင် ကျူးဘားပြည်သူတို့၏ လွတ်မြောက်ရာလမ်းဖြစ်ကြောင်း ကတ်စထရိုနားလည်သဘောပေါက် ဆုံးဖြတ်ခဲ့ပြီး ကျောင်းသား ကျောင်းသူ လူ ငယ် ၂၀၀ တို့အား သင်တန်းပေးကာ လက်နက်ကိုင်တော်လှန်ရေး လမ်းစဉ်ကို စတင်ခဲ့ပါတော့သည်။

၁၉၅၃ ခု ဇူလိုင် ၂၆ ရက် အာရုဏ်ဦး အချိန်တွင် ကပ်စထရို ဦးဆောင်သော ကျောင်းသားသူပုန်တပ်က မွန်ကားဒါး စစ်စခန်းကို ၀င်ရောက်စီးနင်းတိုက်ခဲ့သည်။ သို့ရာတွင် ထိုတိုက်ပွဲမှာ ရှုံးနိမ့်ခဲ့ရပြီး သူပုန်ကျောင်းသား များစွာ အဖမ်းခံ၊ အသတ်ခံခဲ့ ရသည့်အပြင် ဆန်ရှာဂိုမြို့တွင် သွေးချောင်စီးခဲ့ရသည်။ သူပုန်ကျောင်းသားများအား ကူညီအားပေးသူများအားလည်း နှိမ်နင်းသတ်ဖြတ်ခဲ့၊ ဖမ်းဆီးချုပ်နှောင်ခဲ့ကြသည်။ ဘာတစ္စတာ၏ လက်နက်ကိုင်စစ်သားများနှင့် ပုလိပ်များက လမ်းပေါ်တွင် တွေ့သမျှကလေး လူကြီး မကျန် လူမဆန်စွာ ပစ်သတ်ခဲ့သည်။ ကပ်စထရိုမှာ တိုက်ပွဲဖြစ်ပွားစဉ်က လွတ်မြောက်ခဲ့သော်လည်း နောက်ပိုင်းတွင် တောထဲ၌ ခရီး ပန်းပြီး အိပ်ပျော်နေစဉ် ဖမ်းဆီးခြင်း ခံခဲ့ရသည်။

ဘာတစ္စတာအား ဆန့်ကျင်တိုက်ခိုက်သည့် လက်နက်ကိုင်ပထမတိုက်ပွဲ မွန်ကားဒါး အရေးတော်ပုံတွင် အရေးနိမ့် ခဲ့သော်လည်း၊ ဒုတိယတိုက်ပွဲဖြစ်သော တရားရုံးတွင်းတိုက်ပွဲတွင်မူ ကပ်စထရိုက အပြတ်အသတ် အနိုင်ရခဲ့လေ သည်။ တရားရုံးတွင်း၌ ကပ်စထရိုသည် သူ၏သူရသတ္တိထွန်းပြောင်မှု၊ သတ္တိရှိမှု၊ လေ့လာ ဆည်းပူမှု၊ တရား ဥပဒေတတ်ကျွမ်းနားလည်မှု၊ သမိုင်းနှင့် အဘိဓမ္မာပညာရပ်တို့တွင် ၀င်ဆန့်မှု၊ နိုင်ငံနှင့်လူမျိုးကိုချစ်မြတ်နိုးမှု၊ တရားမျှတမှုကို အသက်ပေးလိုလားမှု စသည်တို့ကို အထင်အရှား ပြသခဲ့လေသည်။ (စာ၂၀-၂၁)

၁၉၅၃ ခုနှစ် စက်တင်ဘာ ၂၁ ရက်နေ့တွင် ဆန်ရှာဂို တရားရုံးတွင် မွန်ကားဒါးအရေးတော်ပုံ၌ လုံးဝမပါဝင် မပတ်သက်ခဲ့သော ပုဂ္ဂိုလ်များအပါအ၀င် လူပေါင်း ၁၂၂ ယောက်ကို ရုံးတင် တရားစွဲဆိုခဲ့သည်။ ထိုရုံးတော်သို့ ထောင်မှ ပို့ဆောင်ရာတွင် ဖီဒယ်လ် ကပ်စထရိုအား တဦးတည်း ခွဲခြား၍ လက်ထိပ်ခတ်ပြီး လက်နက်ကိုင် အစောင့်အရှောက်ဖြင့် ပို့ခဲ့သည်။

ထို ပထမ ရုံးချိန်းအတွင်း အစိုးရရှေ့နေ၏ .. ဘာ့ကြောင့်တရားဥပဒေနည်းလမ်းကို အသုံးပြုပြီး ဥပဒေဘောင် အတွင်းမဆောင်ရွက်ခဲ့သလဲ....ဟူသည့်မေးခွန်းအားကပ်စထရိုက.... ရိုးရိုးနဲ့ရှင်းရှင်းပြောရရင် ကျူးဘားပြည်ဟာ လုံးဝလွတ်လပ်မှုမရှိလို့ပါပဲ။ မတ်လ ၁၀ ရက်နေ့ကစပြီးကျူးဘားပြည်မှာ ဘယ်သူမှ လွတ်လပ်စွာ ပြောဆိုခွင့်မရခဲ့ကြဘူး၊ ဥပဒေဘောင်အတွင်းက ဆောင်ရွက်ဖို့ ကြိုးစားခဲ့ပေမဲ့အစိုးရကအမြဲပဲပိတ်ပင်ထား ခဲ့ပါတယ်။ တရားခုံရုံးတွေမှာ ဘာတစ္စတာ အစိုးရကိုတရားစွဲဆိုခဲ့ပေမဲ့ ကျနော်တို့မျှော်လင့်ခဲ့သလို တရားရုံးတွေ ဟာဆုံးဖြတ်ချက်မပေးခဲ့ကြဘူး...... လို့ဖြေကြားခဲ့ပါတယ်... ဒီအရေးတော်ပုံမှာ နိုင်ငံရေးခေါင်းဆောင်တွေရဲ့ အဆက်အသွယ် မရှိခဲ့ရင် ဘာအကူအညီအထောက်အပံ့နဲ့ လုပ်ခဲ့သလဲ ... ဆိုတဲ့ မေးခွန်းကိုတော့... အကယ်၍ ကျနော်တို့ဆက်သွယ်မှု ရယူနိုင်မယ် ဆိုရင် ပြည်သူတွေနဲ့ ဆက်သွယ်မှုကိုသာ ရယူမှာပါ။ ပြည်သူတွေကလဲ ကျနော်တို့ကို အားပေးမှာအမှန်ပါပဲ၊ ကျနော်တို့မှာမဟာမိတ်ရှိပါတယ်၊ အဲဒီမဟာမိတ်ကတော့ ပြည်သူတွေပါပ... .လို့ ဖြေကြားခဲ့ပါတယ်။

ဒုတိယနေ့ ရုံးချိန်းတွင် ကပ်စထရိုက ရှေ့နေစားပွဲတွင် ထိုင်ခွင့်ပြုရန်တောင်းဆိုခဲ့ပါသည်။

တတိယနေ့ရုံးချိန်းဖြစ်သည့် စက်တင်ဘာလ ၂၆ ရက်နေ့တွင်တော့ ကပ်စထရိုအား တရားခွင် သို့ ထုတ်မလာ ခဲ့တော့။ ကပ်စထရို မကျန်းမာသောကြောင့် ရုံးတော်သို့ မလာနိုင်ကြောင်း ထောင်မှူးကအကြောင်းကြားသည်။ ဤတွင်တရားသူကြီးက လူမမာတရားခံ မျက်ကွယ်၌ တရားဆက်လက်စစ်ဆေးရန်ကျေညာလိုက်သည်၊ ထိုအခိုက် အမျိုးသမီးတယောက်၏ အသံသည် တရားရုံးတွင်းတနေရာမှ စူးရှကျယ်လောင်စွာ ထွက်ပေါ် လာခဲ့သည်။ .... တရားသူကြီးမင်းရှင့် ဒေါက်တာ ဖီဒယ်လ်ကပ်စထရို ကိုယ်တိုင် လက်ရေးဖြင့်ရေးသားထားတဲ့ စာတစောင်ကို ကျမယူလာပါတယ်.. ဒီစာဟာ မြင့်မြတ်ပြီးဂုဏ်သရေရှိတဲ့ တရားရုံးတော်သို့ ရည်ညွှန်းလိပ်မူထားပါတယ်... ဟုပြောပြီး ဆံပင်ထဲ၌ ၀ှက်ယူလာသော စာရွက်လိပ်လေးအား တရားသူကြီးချုပ်လက်သို့ ပေးအပ်လိုက်ပါတော့သည်။

----------------------------------------------------------------------
ထိုစာကို သယ်ယူလာသော အမျိုးသမီးမှာ မွန်ကားဒါး တိုက်ပွဲတွင် ပါဝင်ခဲ့သော အမျိုးသမီးရဲဘော် တယောက်ဖြစ် သူ ဥပဒေဘွဲ့ရမယ်လ်ဗာဟာနန်ဒက်စ် ဖြစ်လေသည်။ သူမသယ်ယူခဲ့သောစာထဲတွင် ဖေါ်ပြထားသော် အချက်များ မှာလည်း မှတ်သား ဖွယ်ရာ များ ပါဝင်ပါသဖြင့် ကမ္ဘာကျော် လျှောက်လဲချက် ကြီး၏ နောက်ခံဖြစ်ရပ်များ အား စာဖတ်သူတို့ ခြုံငုံမိစေရန် မူရင်း အတိုင်း ပြန်လည်ဖေါ်ပြပေးလိုက်ပါသည်။

အရေးပေါ်တရားခုံရုံးသို့

အထက်ဖေါ်ပြပါရုံးတော်၌ ဤအမှုတွဲ အမှတ် ၃၇ အရ ကိုယ်တိုင် ခုခံချေပခဲ့သူ ကျနော်ရှေ့နေ ဖီဒဲလ်ကပ်စထရို ရတ်စ်က အောက်ပါအတိုင်း လေးစားစွာ အဆိုပြုလျှောက်ထားပါသည်။

(၁) အာဏာပိုင်များက ကျနော့အား ဤတရားခွင်တွင် မရှိနိုင်စေရေးအတွက် မဟုတ်မတရားပိတ်ဆို့မှုများဖြင့် ကြိုးစား ပြုလုပ်နေကြပါသည်။ အကြောင်းရင်းမှာ ဂျူလိုင် ၂၆ ရက်နေ့ အရေးအခင်းကာလအတွင်း အာဏာပိုင်များ၏ ဖြစ်ရပ်မှန်များအား ဖုံးကွယ်လိုမှု၊ ကလိန်စေ့ ငြမ်းဆင် လီဆယ်ထားမှုများအား ပေါ်သွားမည် စိုးသောကြောင့် ဖြစ်ပါသည်။ ကျူးဘားပြည် သမိုင်းတလျှောက် ၌ ကြောက်မက်ဖွယ်ရာကောင်းသော ထိုနေ့က သူပုန်သုံးပန့်များအပေါ် ကျူးလွန်ခဲ့သည့် လူသတ်မှုများ၊ တုန်လှုပ်ချောက်ချားဖွယ်ရာ ရာဇ၀တ်မှုများကို မပေါ်ပေါက်လာစေရေး ဖုံးကွယ်ထားရန်လဲ ဖြစ်ပါသည်။ ကျနော်သည် ယနေ့နာမကျန်းဖြစ်သဖြင့် တရားခွင်သို့ တက်ရောက်နိုင်လိမ့်မည် မဟုတ်ကြောင်း လုပ်ကြံလည်ဆယ်ထားသည့် သတင်းတခု ကြားရပါသည်။ အမှန်အားဖြင့် ကျနော့တွင် မည်သည့်ဝေဒနာမှ မရှိပဲ ပကတိကျန်းမာလျက်ရှိပါသည်။ အာဏာပိုင်တို့သည် အလွန်ရှက်ဖွယ်ရာကောင်းသော အမူအကျင့်ဖြင့် ဤသို့ အယောင်ဆောင်လိမ်လည် လှည့်စား သည့်နည်းလမ်း ကို အသုံးပြုပြီး ရုံးတော်ကို စော်ကားနေပါသည်။

(၂) တရားရေးဌာနမှ ထောင်အာဏာပိုင်များသို့ ကျနော့အား ပြင်ပလောကနှင့် အဆက်အသွယ်ဖြတ်မှုများ မပြုလုပ်ရန် အကြိမ်ကြိမ် တားမြစ်ထားသည့်ကြားထဲမှ ပင် အာဏာပိုင်တို့သည် ကျနော့အား ပြင်ပလောကနှင့် လုံးဝ အဆက်အသွယ် ဖြတ်တောက်ထားပါသည်။ ဤသို့ပြုလုပ်ခြင်းမှာဥပဒေမဲ့ ရာဇ၀တ်ကျူးလွန်ခြင်းသာ ဖြစ်ပါသည်။ ကျနော်သည် ယခုအခါ ပြင်ပလောကနှင့် လုံးဝ အဆက်အသွယ် ဖြတ်ခံနေရပါသည်။ ၅၇ ရက် အတွင်းတွင် ကျနော်သည် ထောင်တွင်း၌ အလုံပိတ်ခံနေရပြီး.. နေရောင်ကိုပင် မြင်ခွင့်မရခဲ့ပါ။ မည်သူ့ကိုမှလည်း စကားပြောခွင့်မရပါ၊ ကျနော်၏မိသားစုကိုလည်း မြင်တွေ့ခွင့်မရပါ။

(၃) ကျနော့အားကျန်းမာရေး ပျက်စီးချို့တဲ့စေပြီး လုံးပါးပါးစေကြောင်း ကြံစည်လုပ်ဆောင်နေကြကြောင်း အသေအချာလေ့လာသိရှိရပါသည်။ ကျနော်လွတ်မြောက်ထွက်ပြေးသွားမည် စိုးရိမ်သောကြောင့် အကြီးအကျယ် လုပ်ကြံမှုများ၊ မမှန်သတင်းလွှင့်မှုများ၊ စီမံကိန်းအသွယ်သွယ်ဖြင့် အစွမ်းကုန်ကြိုးစားနေကြပါသည်။ ............................................................ အခြားနိုင်ငံရေးအကျဉ်းသား သုံ့ပန်းများသည်လည်း အလားတူပင် အသက်အန္တရယ်နှင့် ရင်ဆိုင်နေရပါသည်။ ထိုအထဲတွင် ဇူလိုင် ၂၆ ရက် လူသတ်ပွဲကြီးတွင် အကြွင်းမဲ့ သက်သေ များဖြစ်သော မိန်းကလေး ၂ ဦးလည်းပါဝင်ပါသည်။

(၄) ကျူးဘားပြည် ဆန်ရှာဂို ဆေးပညာ အဖွဲ့ချုပ်မှ ဥက္ကဌ ကဲ့သို့သော အရည်အချင်းနှင့်ပြည့်စုံပြီး ထင်ရှားကျော် ကြားသော ဆရာဝန်များဖြင့် ကျနော့အားချက်ချင်း စစ်ဆေးမှုပြုလုပ်ရန် အမိန့်ချမှတ်ပေးရေးအတွက် ရုံးတော် သို့ကျနော်မေတ္တာရပ်ခံပါသည်။ ဤရုံးတော်မှ အဖွဲ့ဝင်တရားသူကြီး တဦးကိုအထူးခန့်အပ်ပြီး နိုင်ငံရေး သုံ့ပန်းအကျဉ်းသမားများ၊ ထောင်နှင့် ရုံး အသွား အပြန်ခရီးတွင် လိုက်ပါ ပို့ဆောင်ပေးပါရန်ကိုလည်း ကျနော် အဆိုပြုပါသည်။ ဤအဆိုပြုလျှောက်ထားချက်အသေးစိတ်ကို ဒေသဆိုင်ရာ ရှေ့နေများအသင်း၊ နိုင်ငံလုံးဆိုင်ရာ အမျိုးသားရှေ့နေများအသင်း၊ တရားရုံးချုပ်နှင့် ဤရုံးတော်မှ ဤအချက်အလက်များအား သိသင့်သိထိုက် သည်ဟု ယူဆသော ဥပဒေ ဌာန အသီသီးသို့ ပေးပို့ပါရန်ကိုလည်း မေတ္တာ ရပ်ခံပါသည်။

ဤတရားခွင် ဇစ်မြစ် ရပ်တည်ချက်နှင့် အရေးကြီးပုံတို့က ဤရုံးတော်အား ထူခြားသည့်တာဝန်ဝတ္တရားများ ကိုပေးအပ်ထားပါသည်။ အကယ်၍ ကျနော်ကန့်ကွက်ထားသည့် အထက်ပါအခြေအနေဆိုးများ အောက်တွင်ပင် ဆက်လက်၍ အမှုကိုစစ်ဆေးသွားပါလျှင် တနိုင်ငံလုံးက ဤရုံးတော်ကို (အကျင့်ပျက်) အဖြစ် လှောင်ပြောင် သရော်စရာ၊ အထင်သေးအမြင်သေးစရာ၊ ကဲ့ ရဲ့ ရှုတ်ချစရာ ဖြစ်လာပါလိမ့်မည်။

ကျူးဘား တနိုင်ငံလုံးက ဤတရားခွင်ကို အာရုံပြု ဂရုစိုက်ကြည့်နေကြပါပြီ၊ ဤရုံးတော်က သူ၏တရားစီရင် အာဏာပိုင်ခွင့်ကို တန်ဖိုးရှိရှိကာကွယ်သွားလိမ့်မည်ဟုလည်းကောင်း၊ သူ၏ဂုဏ်သိက္ခာကို ထိမ်းသိမ်းသွားလိမ့် မည်ဟု လည်းကောင်းကျနော်မြှော်လင့်ပါသည်။ တချိန်တည်းမှာပင် ဤကာလသည် ကျူးဘားပြည်သမိုင်းတွင် တရားရေးဆိုင်ရာအင်အားစုအတွက် ဂုဏ်သိက္ခာမှတ်ကျောက်တင်သည့် ကာလဖြစ်ပါသည်။ ယခုအချိန်ထိ ရုံးတော်၏ ဆောင်ရွက်ချက်များနှင့် တရားသူကြီး၏ အဆင့်အတန်းသည် ဤသမ္မတ နိုင်ငံ၏ ဂုဏ်ယူဖွယ် အကောင်းဆုံး၊ ဂုဏ်အရှိဆုံး တရားရုံးတော်အဖြစ် ကျနော်ကိုးစားယုံကြည်မိပါသည်။ ထို့ကြောင့်လည်း ကျနော်သည် ဤရုံးတော်၏ဆောင်ရွက်ချက်များအပေါ် မျက်စိမှိတ် အကြွင်းမဲ့ ယုံကြည်ချက်ဖြင့် ကျနော်၏ သဘောထားများအား ဤကဲ့သို့ အဆိုပြုလျှောက်ထားခြင်းဖြစ်ပါသည်။

ကျနော့ဖက်ကမူ ကျနော်၏ အခွင့်အရေးအတွက်ဖြစ်စေ၊ ကျနော်၏ဂုဏ်သိက္ခာအတွက်ဖြစ်စေ၊ ကျနော်၏ အသက်ကို ပေးလှူစတေးရမည်ဆိုပါလျှင်လည်း၊ အပြန်တထောင်စွန့်လွှတ်ရန် စတေးရန် အသင့်ရှိပါသည်။ ....စောက်နက်သောဂူတခုအတွင်းမှ တရားမျှတရေး အခြေခံသဘောတရားသည် စစ်တပ်တတပ် ထက်ပင် ပို၍အင်အားကြီးမားပါသည်...။

ဖီဒဲလ်ကပ်စထရို
၁၉၅၃ ခု၊ စက်တင်ဘာလ ၂၆ ရက်။
အိုရီယန်တီ ယာယီအကျဉ်းစခန်း။

မှတ်ချက်။ ။ ဤအဆိုပြုလျှောက်လဲချက်ကို ရုံးတော်သို့တင်ပြရန်အတွက် ဒေါက်တာ မယ်ဗာဟာနန်ဒက်စ် အား ကျနော့ကိုယ်စား တာဝန်လွှဲအပ်လိုက်ပါသည်။

..............................................................
..............................................................


ဤစာကြောင့် အာဏာပိုင်များသည် အထိနာအောင် အလဲထိုးခံလိုက်ရသည့်နောက်ပိုင်း နိုင်ငံရေး အကျဉ်းသား မှန်သမျှ တရားရုံးတော်သို့မ၀င်မီ ခြေဆုံးခေါင်းဆုံး လှန်လှော ရှာဖွေခြင်းခံရသည်။ စာကို ယူဆောင်လာခဲ့သူ အမျိုးသမီး ဒေါက်တာ မယ်ဗာဟာနန်ဒက်စ် အားလည်း အကျဉ်းထောင်အတင်း အလုံပိတ်ထားလိုက်သည်။ အလုံပိတ်ခြင်းခံရပြီးဖြစ်သော ဖီဒဲလ်ကပ်စထရိုအားလည်း ထောင်တွင်းရှိ ပိုမို အဆက်ပြတ် သောနေရာသို့ပို့လိုက်သည်။ စက်တင်ဘာ ၂၇ ရက်နေ့တွင် ရုံးတော်ခန့်ဆရာဝန် ၂ ဦးသည်ကပ်စထရိုအားသွားရောက်စစ်ဆေးမှုပြုရာပကတိကျန်းမာလျက်ရှိကြောင်းထောက်ခံချက်ပေးလိုက် သောကြောင့် တရားသူကြီးများက သူ့အား တရားရုံးတော်သို့ သွင်းရန်အမိန့်ချခဲ့သည်။ သို့ရာတွင် အာဏာပိုင်များက ခွင့်မပြုခဲ့ပေ။

ကပ်စထရို၏နောက်ကွယ်တွင် အောက်တိုဘာ ၁၆ ရက်နေ့တိုင်အောင် အမှုကို ဆက်လက်စစ်ဆေးသည်။ အောက်တိုဘာ ၁၆ ရက်နေ့ ရောက်မှပင် တရားသူကြီးများရှေ့မှောက်သို့ ကပ်စထရိုအားလာရောက် အစစ်ခံခွင့်ပြုခဲ့သည်။ သို့သော် တရားရုံးတွင်မဟုတ်ပဲ ဆေးရုံကြီးရှိ သူနာပြုဆရာမများ အပန်းဖြေ ခန်းတွင်ဖြစ်သည်။ ကပ်စထရို၏အသံကို ကျူးဘားပြည်သူများ မကြားရစေသောငှာ တရားခွင်ကို လျှို့ဝှက်စွာ စစ်ဆေးခဲ့သည်။ တရားခန်းခွင်အတွင်း၌ တရားသူကြီး ၃ ဦး၊ အစိုးရရှေ့နေ ၂ ဦး၊ သတင်းများအား စစ်ဆေး အတည်ပြုချက်ဖြင့် ပေးပို့ရသည့် သတင်းထောက် ၉ ဦးသာရြှိပီး လက်နက်ကိုင် အစောင့်အရှောက် ၁၀၀ စောင့်ကြပ်ဝိုင်းရံထားခဲ့သည်။

ဤတရားခွင်၌ ဖီဒဲလ်ကပ်စထရိုက နောင်တွင် ကမ္ဘာကျော်ခဲ့သည့် ၅ နာရီကြာသူ၏လျှောက်လဲချက် ရှည်ကြီးကိုလျှောက်လဲခဲ့ခြင်း ဖြစ်ပါသည်။

-----------------------------------------------------
ချိနဲ့ပြီးအချုပ်အနှောင်ခံနေရသည့်ကျနော်တို့၏တရားစီရင်ရေး

ဂုဏ်သရေရှိတရားသူမင်းခင်ဗျား..၊ တခါဖူးမျှမကြားဖူးသေးတဲ့ အခြေအနေတရပ်ကတော့ ပေါ်ပေါက် နေပါတယ်။ အာဏာပိုင်တွေက တရားခ့တယောက်ကို တရားရုံးရှေ့ ခေါ်ထုတ်ဖို့ ကြောက်ရွံ့ နေကြ ပါတယ်။ လက်နက်မပါတဲ့ တကိုယ်တည်းသီးခြားချုပ်နှောင်ထားခြင်းခ့နေရတဲ့၊ မဟုတ်မတရား စွပ်စွဲခြင်း ခံနေရတဲ့ အကာအကွယ်မဲ့ လူတယောက်ရဲ့ ယုံကြည်ချက်နဲ့ စိတ်ဓါတ်ကို ကြောက်လန့်တကြား ဖြစ်ပြီး တုန်လှုပ်နေတဲ့ အာဏာပိုင်အစိုးရ အဖွဲ့ရှိ ဒီအစိုးရဟာ တိုင်းပြည်ကိုသွေးနဲ့ရင်းပြီး အကြမ်းဖက် အုပ်စိုးနေတဲ့ အာဏာကို အကြမ်းဖက်ရယူထားတဲ့ အစိုးရဖြစ်ပါတယ်။ ဒီအစိုးရဟာ ကျနော့ဆီက အခွင့် အရေး မှန်သမျှကို ရုပ်သိမ်း ပိတ်ပင်ခဲ့ရုံမက၊ ကျနော့ကို တရားခံ အဖြစ်သူတို့စွဲဆိုထားတဲ့ အမှုကိုတောင်မှ တရားခွင်တင်ဘို့ ငြင်းဆန်ခဲ့တဲ့ အစိုးရဖြစ်ပါတယ်။ ဒီအချိန်ဟာ ပုဂ္ဂလိက တဦးချင်း လွတ်လပ်ခွင့်တွေကို ရုပ်သိမ်းထားတဲ့ကာလ၊ ငြိမ်ဝပ်ပိပြားရေးအမိန့် ကြီးကို အစွမ်းကုန်အသုံးပြုပြီး၊ ရေဒီယို သတင်းစာ စတဲ့ ဌာနတွေကိုလဲ ဖြတ်တောက် စစ်ဆေးချုပ်ချယ် နေတဲ့ ကာလဖြစ် နေရက်နဲ့ ဒီလိုကာလမျိုးမှာ တရားခံတယောက်ရဲ့အသံ တရားခံ တယောက်ရဲ့စကားကို အကြောက်ကြီး ကြောက်နေရလောက်အောင် ဒီအာဏာရှင်အစိုးရဟာ ဘယ်လောက်တောင်တုန်လှုပ် ချောက်ခြားဖွယ် ကောင်းတဲ့ ရာဇ၀တ်မှုကြီးမျိုးတွေကို ကျူးလွန်းပြီးပြီလဲ ဆိုတာကိုတော့ စဉ်းစားကြည့် ရင်မြင်နိုင်ကြမှာပါ။ အုပ်စိုးသူအစိုးရ ရဲ့ဆန္ဒအရ၊ တရားစီရင်သူတွေရဲ့ အားနည်းချက်အရ၊ ဥပဒေမဲ့နည်းလမ်းတွေ လျှို့ဝှက်လုပ်ကြံဖန်တီးချက် အမြောက်အများတွေရဲက အကျိုးရလဒ်ကတော .................. ခုဒီတရားခွင်မှာ ကျနော်ပြောသမျှစကား တွေ ဘယ်သူတွေကမှ မလေ့လာနိုင်အောင် မသိရှိနိုင်အောင်၊ ကျနော့အသံတွေကို ပိတ်ဆို့စီမံထားပါပြီ.....ဒီလိုဆိုရင် ကျနော်တို့ ဘာလို့ တရားလွှတ်တော်အဆောက်အဦကြီးကို ဘာကြောင့်ထားဘို့ လိုအပ်မှာလဲ။ ........လူကြီးမင်းများကို ကျနော်တခု သတိပေးရပါလိမ့်မယ်.ဒါကတော့ အစောင့်စစ်သားတွေ လှံစွပ်နဲ့ ထောက်ပြီး ၀ိုင်းရံထားတဲ့ ဒီအခန်းကျဉ်းလေးကနေ တရားဥပဒေစိုးမိုးရေးကိုဆောင်ရွက်တာဟာ ပညာမဲ့ရာ ကျလွန်းပါတယ်။ လူကြီးမင်းတို့ရဲ့ ဥပဒေကျင့်ထုံးက .. တရားခွင်ဟာ ပြည်သူ့ရှေ့မှောက်မှာစစ်ရမယ်၊ အများပြည်သူ နားထောင်ခွင့်ရှိရမယ်.. လို့ပြဌာန်းထားတယ်ဆိုတာ ကျနော်သတိပေးပါရစေ။ ခုတော့ တိုင်းသူပြည်သားတွေ အမှုစစ်ဆေးတဲ့ ဒီတရားခွင်နေရာကို မလာရောက်နိုင်အောင် တားမြစ်ခြင်းခံနေရပါတယ်။ ဒီကိုဝင်ရောက်ခွင့်ပြုတဲ့ ပြည်သူရယ်ဆိုလို့ အစိုးရရှေ့နေ ၂ ယောက်ရယ်၊ ကျနော့ပြောဆိုချက်မှန်သမျှ မရိုက်နှိပ်ဖို့ တားဆီးပြီး ဖြတ်တောက် ပိတ်ပင်ခြင်းခံထားရတဲ့ သတင်းစာတွေက သတင်းထောက် ၆ ယောက်ရယ် သာပဲ ဖြစ်ပါတယ်။ ကျနော့ရဲ့ တရားနာ ပရိတ်သတ်ဆိုလို့ ဒီအခန်းနဲ့ စင်္ကြ တလျှောက်မှာ ရှိနေတဲ့ စစ်သား စစ်ဗိုလ် ၁၀၀ လောက်သာ ရှိတယ်ဆိုတာ ကျနော်တွေ့ရပါတယ်။ သူတို့ရဲ့ လေးလေး နက်နက် နားထောင်မှုနဲ့ ယဉ်ကျေး သိမ်မွေ့မှုကို ကျနော် ကျေးဇူး ဥပကာရ တင်ရှိပါတယ်။ ကျနော့ ဆန္ဒအရ ပြောရရင် ဒီနေရာမှာ၊ ကျနော့ ရှေ့မှာ စစ်တပ်ကြီး တခုလုံးကို ရှိစေချင်ပါတယ်။ တနေ့ကျရင် အာဏာငန်းဖမ်းပြီး အကြင်နာမဲ့တဲ့ လူတစုရဲ့ လက်ချက်ကြောင့်၊ သူတို့ရဲ့စစ်ဝတ်စုံတွေပေါ်မှာ ပေကျံနေ တဲ့ ရှက်ကြောက်ဖွယ်ရာ သွေးစက် သွေးကွက်တွေကို ဒီစစ်တပ်ကြီးက ဒေါသအမျက်ချောင်းချောင်း ထွက်ပြီး ဆေးကြော သုတ်သင်ပစ်လိုက်ကြပါ လိမ့်မယ်။ ဒီမြင့်မြတ်တဲ့ စစ်သားတွေရဲ့ ပုခုံးပေါ်မှာ မတရား ဇက်ခွစီးကြတဲ့လူတွေဟာဖြင့် အဲဒီနေ့မှာ ကျဆုံးရမှာ ပါပဲ။ ပြည်သူတွေက ဒီမြင့်မြတ်တဲ့စစ်သားတွေပေါ် ခွစီးထားသူတွေကို ဆောလျင်စွာကပင် ဆွဲချသင့်ပါ တယ်။
(စာမျက်နှာ ၃၀၊ ၃၁၊ ၃၂၊ ၃၃)


ဘယ်ကျူးဘားပြည်သူတွေက သူတို့ရဲ့ဂုဏ်ရောင်ပြောင်မှုကို မထိမ်းသိမ်းပဲ နေပါ့မလဲ

................................................. ကျနောတို့ဟာ တပ်မတော်က စစ်သားရဲဘော်တွေကို ဖိနှိပ်စိုးမိုးသူတွေရဲ့ အလံကိုဖြုတ်ချပြီး၊ လွတ်လပ်ရေးတံခွန်အလ့ကို လွှင့်ထူဖို့ လက်ကမ်းရပါလိမ့်မယ်။ လူတစုရဲ့ အကျိုးစီးပွားကို ကာကွယ်ဖို့ မဟုတ်ပဲ တမျိုးသားလုံးရဲ့ အဓိက အကျိုးစီးပွားကိုသာ ကာကွယ်ဖို့ လက်ကမ်းရပါလိမ့်မယ်။ သူတို့ရဲ့ လက်နက်တွေကို နောက်ပြန်လှည့်ပြီး ပြည်သူတွေကို ပစ်ဖို့ မဟုတ်ပဲ၊ ပြည်သူတွေရဲ့ ရန်သူတွေကို ပစ်ဖို့ ဖြစ်ပါတယ်။ ပြည်သူတွေဆိုတာ သူတို့ရဲ့ သွေးရင်းသားရင်း မိဘရင်ေးတွဖြစ်တယ်။ သူတို့ကိုယ်တိုင် ပြည်သူတွေနဲ့ လက်တွဲလာ ဖို့ ဖြစ်ပါတယ်။ သူတို့ဟာ ကျနော်တို့ရဲ့ ညီရင်း အကို များ ဖြစ်ကြပါတယ်။ အာဏာပိုင်တွေက သူတို့ကို မျက်မှန်စိမ်းတပ်ထားပြီး ပြည်သူတေါကို အစိုးရရဲ့ ရန်သူများအဖြစ်ဆန့်ကျင်ခိုင်းတာကို သူတို့ ပြုလုပ်မဲ့အစား၊ ကိုယ့်တိုင်းပြည်ရဲ့ ပျောရွှက်ချမ်းမြေ့မှုအတွက်ရယ်၊ ကြီးပွား တိုးတက်ဖို့ အတွက်ရယ် ကိုယ့်အသက်ကို စွန့်လွှတ်စတေးရာမှာ အလွန်မွန်မြတ်ပြီး အလွန်အဖိုးတန်တဲ့ အတွေးအခေါ်ရဲ့နောက်မှာ ချီတက်ဖို့ ဖြစ်တယ်။ ကျနော်တို့ နောက်မှာ စစ်သားရဲဘော်ပေါင်းများစွာလိုက်လာ လိမ့်မယ်ဆိုတာ သံသယရှိနေသူတွေကို ကျနော်စကား တခွန်းမေးလိုက်ချင်ပါရဲ့.... ...အဘယ်ကျူးဘားပြည်သူဟာ သူတို့ရဲ့ ဂုဏ်ရောင်ပြောင်မှုကို အမြတ်တနိုး မထိမ်းသိန်းတတ်ဖူးလဲ၊ အဘယ်နှလုံးသားဟာ လွတ်လပ်ရေး အရုဏ်ဦးမှာ တက်ကြွတောက်လောက်မှု မရှိဘူးလဲ...........

.။...။.............။..................။...........................။.............. .ပြည်သူလူထုကြီးဟာ ခေတ်မီလက်နက်တွေနဲ့ အကြမ်းဖက် အုပ်စိုးထားတဲ့ လွှမ်းမိုး အုပ်စိုးမှုကို အကူအညီမဲ့ ဖြုတ်လို့မရနိုင်ဘူး ဆိူတဲ့ ဒဏ္ဍာရီပုံပြင်ကို ပျက်ပြားအောင် ကြိုးပမ်းမှုတွေ ရှိလာပါပြီ။ ..........။...........။ ....လက်နက်မဲ့ ပြည်သူတွေကို ခွန်အားချိနဲ့ပြီး အကြွင်းမဲ့အနုံချာဆုံး ဘ၀ ရောက်အောင် အညံ့ခံ အရှုံးပေးအောင်. ကိုယ်စိတ်နှစ်ပါး ဗုံးဗုံးကျအောင် စစ်ရေးအင်အားပြပွဲတွေ နဲ့ ဖန်တီးလုပ်ဆောင်နေပါတယ်။ ဒါပေမဲ့ ပြည်သူတွေက သူတို့ရဲ့ အခွင့်အရေးတွေကို ပြန်လည်ရယူမယ်လို့ သူတို့ဆုံးဖြတ်ချက်ချပြီးတဲ့ တချိန်မှာတော့ ဘယ်လက်နက်မျိုး၊ ဘယ်လို အကြမ်းဖက်မှုမျိုးကမှ ပြည်သူလူထူကို ချေဖျက် ဟန့်တားလို့ ရမှာ မဟုတ်တော့ပါဘူး၊...။
(စာ ၃၄၊ ၃၅)
----------------------------------------------------------------
ပြည်သူသာလျှင်အဓိက

...................... ။ ကျနော်တို့ဟာ ပြည်သူလူထုရဲ့ ထောက်ခံမှုကို အသေအချာ အာမခံချက်ရရှိထားပါတယ်။ ကျနော်တို့ပြည်သူတွေလို့ ပြောတဲ့နေရာမှာ စည်းစိမ်ဥစ္စာခံစားနေကြတဲ့ ရွှေမှုန်စား၊ ငွေဇွန်းကိုက်၊ လူ့မလိုင်တွေ ကို မဆိုလိုပါဘူး။ အဲဒီအမျိုးအစားတွေကတော့ ဘယ်လို ဖိနှိပ်ချုပ်ချယ်တဲ့ အစိုးရမျိုးကို မဆို၊ ဘယ်လိုအာဏာရှင် စနစ်မျိုးကို မဆို၊ ဘယ်လိုသက်ဦးဆံပိုင်စနစ်မျိုးကိုမဆို၊ ခရီးဦးကြိုဖို့၊ လက်ရှိသခင်အပေါ်ဦးညွတ်ဖို့၊ သူတို့ကိုယ် သူတို့ ရောင်းစားဖို့ အသင့်ရှိနေကြပါတယ်။ သူတို့ဟာ ဒီလို ပြည့်တန်ဆာဆန်တဲ့ အလုပ်မျိုးကို ရိုးမြေကျသည့် တိုင်အောင်လုပ်နေကြမှာပါပဲ။ သင်းချိုင်းကုန်းရောက်တဲ့ထိလဲ လုပ်ကြမှာပါပဲ။ လက်ရှိသခင်ကိုဦးညွတ်တဲ့နေရာ မှာသူတို့နဖူးကို မြေကြီးနဲ့တွေ့တဲ့ထိ တိုင်အောင်ဦးညွတ်ပါလိမ့်မယ်...။ (စာ ၄၆)
................



ကျနော်တို့ တော်လှန်ရေးတိုက်ပွဲအကြောင်းတွေ ပြောတဲ့နေရာမှာ ကျနော်တို့ဆိုလိုတဲ့ ပြည်သူတွေဆိုတာ ထုထည်ကြီးမားလှတဲ့ အပယ်ခံလူထုကိုဆိုလိုတာပါ။ ဒီလူထုဟာ ကတိပေါင်းများစွာကိုအပေးခံရပြီး၊ အဲဒီကတိ တွေအားလုံး တကယ်တမ်းလက်ဝယ်မရပဲ အနှပ်ခံနေရတဲ့လူထု ဖြစ်ပါတယ်။ ကတိသစ္စာ အဖောက်ကျူးခံရတဲ့ လူထုဖြစ်ပါတယ်။ .................................................။ မျိုးဆက် တဆက်ပြီးတဆက် ဘေးတော်အစဉ်၊ ဘိုးတော်အညွန့် မျိုးစဉ်တလျှောက်လုံး မတရားမှု၊မမျှတမှု အောက်မှာဒုက္ခခံစားခဲ့ရသူတွေ သရော်လှောင်ပြောင် ခံခဲ့ရသူတွေဖြစ်တယ်။ သူတို့ဘ၀မှာ အဖက်ဖက်က အကောင်းဆုံး အပြောင်းအလဲ ကို လိုလားတောင့်တ နေကြသူတွေဖြစ်တယ်။ ဒီပြောင်းလဲမှုတွေရဖို့အတွက်ဆိုရင် ဒီပြည်သူတွေဟာသူတို့ရဲ့အသက်ကိုပင်ပေးလှူဖို့ အသင့်ရှိကြပါတယ်။ သူတို့ဟာ တစုံတခုကိုယုံကြည်ပြီဆိုရင်၊ ဒါမှမဟုတ် တစုံတယောက်ကို ယုံကြည်ပြီဆိုရင်၊ အထူးသဖြင့် သူတို့ကိုယ်သူတို့ယုံကြည်လာပြီဆိုရင်၊ ခောတ်ဟောင်းကို ပြောင်းလဲနိုင်ရေးအတွက်၊ အခြေအနေ ဟောင်းကိုပြောင်းလဲ နိုင်ရေးအတွက် သူတို့ရဲ့ အသက်ကိုပင်ပေးဆပ်ဖို့အသင့်ရှိနေကြပါတယ်။ လုပ်ငန်းတခု ကိုစတင်ဆောင်ရွက်တော့မယ်ဆိုရင်၊ ပထမဦးဆုံး အခြေခံလိုအပ်ချက် ကတော့ သစ္စာရှိရေးနဲ့ ယုံကြည်ချက်ရှိရေးတို့ ဖြစ်ပါတယ်။ (စာ ၃၅၊ ၃၆)

...............................................................

ဒီပြည်သူတွေဟာ သူတို့ရဲ့ ကြမ်းတမ်းလှတဲ့ ဘ၀ ခရီးတလျှောက်မှာ ကတိလိမ်တွေ၊ သစ္စာဖောက်မှုတွေကို ကြုံတွေ့ခဲ့ရတယ်၊ ကြုံတွေ့နေဆဲလဲ ဖြစ်ပါတယ်။ ဒါကြောင့်မို့ ကျွန်တော်တို့ အနေနဲ့ ကတော့ ...ခင်ဗျားတို့လိုအပ်တာကို ကျွန်တော်တို့ပေးပါ့မယ်လို့... ပြည်သူတွေကိုပြောမှာမဟုတ်ပါဘူး။ ခင်ဗျားတို့ စွမ်းအားရှိသလောက်တိုက်ပွဲဝင်ပါ။ ဒီလို တိုက်ယူမှ လွတ်မြောက်ရေးနဲ့၊ ပျောရွှင်ချမ်းမြေ့ရေး ဆိုတာဟာ ခင်ဗျားတို့အတွက်ဖြစ်စေရမယ်။လွတ်လပ်ရေးနဲ့ ပျော်ရွှင်ချမ်းမြေ့ရေးဆိုတာ တိုက်ရဲသူတွေ အတွက်ပဲ... လို့ပဲ ကျွန်တော် ပြည်သူတွေကို ပြောချင်ပါတယ်..။ (စာ ၃၉)

...............................................................................

ကျနော်တို့ဖြေရှင်းရမဲ့ ပြသနာများ

တိုင်းပြည်ဟာ ဘုရားကယ်ပါ၊ သိကြားကယ်ပါ၊ နတ်ဒေ၀ါ အပေါင်းတို့ ကူညီညာဝိုင်းလို့ မှိုင်းမတော်မူပါလို့ ဒူးထောက်တောင်းပန်နေလို့ မဖြစ်တော့ဘူး၊ ဘယ်ဗေဒင် ဘယ်လက္ခဏာ၊ ဘယ်ထွက်ရပ်ပေါက် အင်းအိုင်ခလဲ ဘယ်နည်းလမ်းနဲ့မှလဲ ဆက်မသွားနိုင်တော့ဘူး၊ ခေါစာပစ်တဲ့ နည်းနဲ့လဲ မရတော့ဘူး၊ ဗလိနတ်စာကျွေးတဲ့ နည်းနဲ့လဲ မရနိုင်တော့ဘူး။ ကျူးဘားသမ္မတ နိုင်ငံရဲ့ပြသနာဟာကျနော်တို့ကိုယ်တိုင်တိုက်ပွဲဆင်တဲ့နည်းနဲ့ သာလျှင်ဖြေရှင်းနိုင်ပါလိမ့်မယ်။ ကျနော်တို့တိုင်းပြည်ကို လွတ်လပ်ရေးတည်ဆောက်ပေးခဲ့သူ၊ လွတ်လပ် သောသမ္မတနိုင်ငံအဖြစ်တည်ဆောက်ပေးခဲ့သူ၊ ကျနော်တို့ရဲ့လွတ်လပ်ရေးပိသုကာတွေလိုသူတို့ရဲ့ မျိုးချစ်စိတ်မျိုး၊ သူတို့ရဲ့သစ္စာသမာဓိရှိမှုမျိုး၊ သူတို့ရဲ့စွမ်းအင်မျိုးနဲ့ ကျနော်တို့ကိုယ်တိုင် တိုက်ပွဲဝင် မှသာလျှင် ဒီနိုင်ငံရဲ့ ပြသနာဟာ ပြေလည်လာပါလိမ့်မယ်။

..........................................

တော်လှန်ရေးအစိုးရရဲ့ လုပ်ငန်းစဉ်

.......... အစိုးရတရပ်ဟာ ပြည်သူတွေကို ကျောထောက်နောက်ခံပြုပြီး အစိုးရဌာန အသီးသီးမှာ ရှိတဲ့ အကျင့်ပျက် စရိုက်ပျက်၊ ဗြူရိုဂရက် အရာရှိဆိုးတွေကို ရှင်းလင်းပစ်ရမယ်၊ ဒီနည်းနဲ့ တမျိုးသားလုံးရဲ့ ကြည်ညိုလေးစားမှုကို ရယူရမယ်၊ ပြီးတော့ တိုင်းပြည်ကို ချက်ချင်း လက်ငင်း စက်မှုနိုင်ငံဖြစ်အောင် တည်ဆောက်ရမယ်၊ သေနေတဲ့ ကုန်လုပ်အရင်းအနှီးတွေကို သိမ်းပိုက် စုစည်းရမယ်၊ အမျိုးသားဘဏ်၊ စိုက်ပျိုးရေးဘဏ်၊ စက်မှုလုပ်ငန်းဘဏ်၊ တိုးတက်မှုဘဏ်တွေကို ဖွဲ့စည်းပြီး အဲဒီဘဏ်တွေက တဆင့် ဒေါ်လာသန်းပေါင်း ၁၅၀၀ ခန့် ကို လည်ပတ်နေ စေရမယ်၊ ဒီဧရာမ စီမံကိန်းကြီးတွေအတွက် နိုင်ငံရေးလုပ်စားသူတွေကိုဖယ်ရှားပြီး၊ ဒီလုပ်ငန်းတွေမှာတကယ် အရည်အချင်းပြည့်ဝသူတွေ၊ အကြွင်းမဲ့ တတ်သိနားလည်သူ ပါရဂူတွေ လက်ထဲ ကို အပ်ရပါမယ်....။
(စာ ၄၆-၄၇)
...................................

ဘဏ္ဍာငွေတွေ ဘယ်ကရမလဲ

ဒီစီမံကိန်းတွေအတွက်၊ပြုပြင်ရေးလုပ်ငန်းတွေအတွက် ဘယ်ကငွေရမှာပါလဲ....၊။ အစိုးရပိုင်ဘဏ္ဍာငွေတွေကို အလွဲသုံးစားမှု မှန်သမျှလက်စ သိမ်းပြီးတဲ့အခါ၊ လာဘ်ပေး လာဘ်ယူစံနစ်တွေ ဖျက်သိမ်းနိုင်တဲ့ခါ၊ ပြည်သူ့ဆန့်ကျင်ရေးအတွက် လက်ရှိဝယ်ယူနေတဲ့သနတ်တွေ၊ ဗုံးကျဲလေယာဉ်ပျံတွေ၊ တင့်ကားတွေ ၀ယ်စရာ မလိုတော့တဲ့ခါ၊ အစိုးရဟာ ပြည်သူတွေကို သတ်ဖြတ်ရေးထက် ပညာရေးဖွံ့ဖြိုးတိုးတက်အောင် ပြုစုပျိုးထောင် ပေးရေးက အရေးကြီးတယ်လို့ ယူဆတဲ့ အစိုးရ ရှိလာတဲ့ခါ၊ တောင်ပုံ ယာပုံ သုံးမကုန်အောင်ရှိတဲ့ ကျနော်တို့ ရဲ့ သယံဇာတ ပစ္စည်းတွေကိုအပြည့်အ၀ အသုံးချ လာနိုင်တဲ့ခါ၊ တိုင်းပြည်ရဲ့ဘဏ္ဍာငွေဟာ လိုသည် ထက်ပိုလာမှာ မလွဲပါဘူး။ (စာ-၅၀)
...............................................................................
..........................................................................................တကယ့်လူဆန်တဲ့ လူသားတယောက်ဟာ၊ အခွင့်သာတဲ့လမ်းကို ဘယ်တော့မှမရှာဘူး။ တာဝန်ရှိတဲ့လမ်းကိုသာရှာတယ်။ တာဝန်ကျရာလမ်းကိုသာ ရှာတယ် (မာတီ)။........................... (စာ-၅၁)

မျိုးဆက်သစ်တရပ်ရဲ့ လှုပ်ရှားမှု

ပြည်သူတွေကို လှုံ့ဆော်ပေးနိုင်တဲ့ မြင့်မားတဲ့အတွေးအခေါ်တွေကိုနားလည်လာတဲ့ အခါမှာ ကျဆုံးသွားခဲ့တဲ့ လူငယ်တွေရဲ့ သူရဲကောင်းအဖြစ်ကို သဘောပေါက်လာကြမယ်။ ကျနော်တို့ရဲ့ တကယ့်တိုက်ပွဲကို ဟန့်တား လိုက်တဲ့ အချက်ကတော့ ရုပ်ဝထ္တုပစ္စည်းအခြေအနေ အားနည်းချက်ပါပဲ။...............................
ကျူးဘားပြည်ရဲ့ကျူးဘားအမျိုးသားလူငယ်မျိုးဆက်သစ်တွေဟာ သူတို့ရဲ့ကိုယ်ပိုင်အတွေးအခေါ်နဲ့ ရက်စက် ဆိုးသွမ်းတဲ့ မတရားအုပ်စိုးမှုကို ဆန့်ကျင်ပြီး ထကြွတော်လှန်ခဲ့တဲ့ လှုပ်ရှားမှုတရပ်ဖြစ်ကြောင်း တပ်မတော်က စစ်သားတွေ မသိရှိအောင် အစိုးရက ဖုံးကွယ်ထားတယ်။ သွေးထိုး သွေးခွဲ ထားတယ်။

သေခြင်းနဲ့သာ ဘ၀ကို စတင်မယ်

သွားလေသူ ကျနော့ရဲ့ ရဲဘော်တွေအတွက် ကျဆုံးသွားကြပြီဖြစ်တဲ့ ကျနော့ ရဲဘော်တွေအတွက် ဘယ်လို လက်စား ချေမှုမျိုးကိုမှ ကျနော်မလိုချင်ပါဘူး။ ဘာကြောင့်လဲဆိုတော့ သူတို့ရဲ့ အသက်တွေက တန်ဖိုး မဖြတ်နိုင် အောင်ကြီးကျယ်မြင့်မြတ်လို့ပါပဲ။ လူသတ်သမားတွေဟာ ဒါကို ရင်းစားကျေဘို့အတွက်၊ သူတို့ရဲ့ ကိုယ်ပိုင် အသက်တွေနဲ့ ပေးဆပ်ရင်တောင်မှ ကြွေးမကျေနိုင်ပါဘူး။ တိုင်းပြည်အတွက် သူတို့ရဲ့ အသက်ကို ပေးလှူသွား ကြတဲ့အဖြစ်ကိုသွေးနဲ့ပြန်ဆပ်လို့မကျေနိုင်ပါဘူး။ ပြည်သူတွေအတွက် ပျော်ရွှင်ချမ်းမြေ့တဲ့၊သာယာတဲ့ ဘ၀တွေ ဖန်တီးပေးခြင်းဖြင့်သာလျှင် သူတို့ကို အထိုက်တန်ဆုံး ဂုဏ်ပြုချီးကျူးရာရောက်ပါလိမ့်မယ်။

ကျနော့ရဲဘော်များဟာ မသေပါဘူး။ ဘယ်တော့မှလဲ မေ့ဖျောက်လို့မရနိုင်ပါဘူး။ သူတို့ဟာ ယနေ့တိုင် အသက်ရှင်လျက် ရှိနေပါသေးတယ်။ ခါတိုင်းထက်ပိုပြီး လှုပ်ရှား ရှင်သန်လျက်ရှိပါသေးတယ်။ သူတို့ကို သတ်ခဲ့တဲ့ လူသတ်သမားတွေဟာ သူတို့ရဲ့ အနိုင်မခံ အရှုံးမပေး၊ လှေခွက်ချည်းကျန်အလံမလှဲတဲ့ အောင်ပွဲခံ စိတ်ဓါတ်မျိုးရယ်၊ ဒီစိတ်ဓါတ်မျိုးပေါ်ပေါက်စေခဲ့တဲ့ သူတို့ရဲ့ အတွေးအခေါ် ခံယူချက်တွေရယ်ကို အမြဲတမ်း တုန်လှုပ်ချောက်ခြား ဖွယ်ရာကောင်းအောင် ရှုမြင်နေရပါလိမ့်မယ်။ ဒါနဲ့ပတ်သက်ပြီး ပြောပြခဲ့တဲ့ ဂျိုဆေ မာတီရဲ့ စကားကို နားထောင်ကြည့်ကြပါအုံး...

ကျဆုံးသူတွေရဲ့ အုတ်ဂူပေါ်မှာ ကျနော်တို့ငိုစရာမျက်ရည်ဟာအတိုင်းအဆရှိပါတယ်။ ကျနော်တို့ဟာ ကျဆုံး သူတွေရဲ့ အုတ်ဂူမှာကျမျက်ရည်မစဲ ဖြစ်စရာမလိုပါဘူး။ သူတို့ရဲ့ အလောင်းတွေပေါ်မှာ ငိုကြွေးတမ်းတနေမဲ့ အစား တိုင်းပြည်အပေါ်မှာထားရှိခဲ့တဲ့ သူတို့ရဲ့ အနန္တမေတ္တာနဲ့သူတို့ရဲ့ ထွန်းပြောင်မှုကိုသာ ကျနော်တှို အောက်မေ့ဆင်ခြင်ကြပါစို့။ တိုင်းပြည်ချစ်စိတ်ဟာ ဘယ်တော့မှပြိုလဲပျက်စီးမသွားပါဘူး။ ဘယ်တော့မှ ဖောက်ပြန်ပြောင်းလဲ သွားခြင်းလဲ မရှိပါဘူး။ ဘယ်တော့မှ မျှော်လင့်ချက် မကုန်ဆုံးပါဘူး။ ဘယ်တော့မှလဲ မှေး မှိန်မသွားပါဘူး။ ဘာကြောင့်လဲဆိုတော့ ကျနော်တို့ခေတ်မှာအာဇာနည်သူရဲကောင်းတွေရဲ့ဗိမာန်ဟာ အလှပဆုံး၊ အတောက်ပဆုံးဗိမာန်တွေအဖြစ်ပြောင်းလဲတည်ရှိလာခဲ့ပါပြီ။ ကျေးဇူးရှင်အဖနိုင်ငံရဲ့လက်ပေါ်မှာ အာဇာနည် ရဲဘော်တယောက်ကျဆုံးသွားတဲ့အခါ သေခြင်းတရားဟာ လမ်းဆုံးကိုရောက်သွားပါပြီ။ အဲဒီအခါကျရင် ထောင်နံရံတွေ ပြိုလဲ ပွင့်ထွက်ပြီး နောက်ဆုံးမှာဘ၀သစ်တွေ တဖန်မွေဖွားခြင်းဖြင့် အသစ်စတင် လာပါပြီ။

-------------------------------------------------------------
စိုးမိုးချယ်လှယ်သူတွေကို သူပုန်ထနိုင်ခွင့်

ဖွဲ့စည်းအုပ်ချုပ်ပုံအခြေခံဥပဒေမှာပြဌာန်းထားတဲ့ပုဒ်မ ၄၀ အရ သူပုန်ထပိုင်ခွင့်အခွင့်အရေးဟာ ယနေ့ထက်တိုင် တရားဝင်နေပါသေးတယ်။ ဒီပြဌာန်းချက်ဟာ နိုင်ငံတော်ကြီး သာမန်အခြေအနေအတိုင်း ပျော်ရွှင်ချမ်းမြေ့နေတဲ့ အခါ ပြုလုပ်ဖို့ပေးထားတဲ့ အခွင့်အရေး မဟုတ်ပါဘူး။ အုပ်ချုပ်ပုံ အခြေခံစည်းမျဉ်းဥပဒေနဲ့ ဆက်သွယ်နေတဲ့ ဒီအချက်ဟာ အပြောကျယ်တဲ့ ပင်သမုဒ္ဒရာပြင်ရှိ သဘောင်္တစင်းမှာ တပ်ဆင်ထားတဲ့ အသက်ကယ်လှေကလေး တစင်းနဲ့ တူပါတယ်။ သဘောင်္တစင်း ခရီးစဉ်အတိုင်းသွားနေတုန်းမှာ ရန်သူတွေက အလစ်ဝင်တိုက်ခိုက်ပြီး ရန်သူရဲ့ တော်ပီဒိုဒဏ်ကို ခံရစဉ်အခါကျမှ သာလျှင် အသက်ကယ်လှေကို ရေပြင်ပေါ်ချရသလိုပါပဲ ကျနော်တို့ရဲ့ အခြေခံအုပ်ချုပ်ရေးစည်းမျဉ်း ဥပဒေဟာ တစုံတယောက်သောသူရဲ့ သစ္စာဖေါက်မှုကိုခံရပြီး ပြည်သူ တွေဟာ သူတို့ရဲ့ ရပိုင်ခွင့်အခွင့်အရေးတွေကို အရုပ်သိမ်းခံရတဲ့အခါ အခြေခံ အုပ်ချုပ်ပုံ စည်းမျဉ်းဥပဒေ က ပေးထားတဲ့ အခွင့်အရေးတခုသာ ကျန်ပါတော့တယ်။ အဲဒီအခါင့်အရေးကိုတော့ ဘယ်လို တန်ခိုး အာဏာမျိုးနဲ့မှ ဖျက်သိမ်းဖို့ မရနိုင်ပါဘူး။ ဒီအခွင့်အရေး ကတော့ ဖိနှိပ်မှုနဲ့ မတရားမှုကို ခုခံတော်လှန် ဘို့အခွင့်အရေး ဖြစ်ပါတယ်။

ဂုဏ်သရေရှိ တရားသူကြီးမင်း ခင်ဗျား.. မတရားလွှမ်းမိုး အုပ်စိုး သူတွေနဲ့ သူတို့ရဲ့ အုပ်စိုးမှုကို ဆန့်ကျင်ပြီး သူပုန်ထပိုင်ခွင့်ဟာ ရှေးအခါထဲက ယနေ့ထိ တိုင်အောင် ဘာသာ အယူဝါရှင် အားလုံး၊ အတွေး အခေါ်ရှင် အားလုံး၊ ခံယူချက် သဘောထားရှင်အားလုံး တို့ က အသိအမှတ်ပြုထားတဲ့ အခွင့်အရေး တခု ဖြစ်ပါတယ်။

တရုပ်ပြည်မှာ ရှေးပဝေသဏီက သက်ဦးဆံပိုင် ဘုရင်မင်းများ လက်ထက်မှာတောင်၊ ဘုရ်တပါးဟာ ကြမ်းကြမ်း တမ်းတမ်း ရက်ရက်စက်စက် ငါ့မင်း ငါ့ချင်း အုပ်ချုပ်လာခဲ့ရင် သူ့ကို တော်လှန်ဖြုတ်ချပြီး စိတ်သဘောထား ကောင်းမွန် သင့်မြတ်တဲ့ မင်းသားတပါးကို အစားထိုး နန်းတင်ဖို့ အုပ်ချုပ်ပုံ အခြေခံ စည်းမျဉ်းဥပဒေသဘော တရား ရှိခဲ့ပါတယ်။

ရှေးအိန္ဒိယ တိုင်းပြည်က အဘိဓမ္မာဆရာတွေဟာ ငါ့မင်းငါ့ချင်း အာဏာရှင်တွေကို တက်တက်ကြွကြွ ဆန့်ကျင်တော်လှန်ဖို့ဝါဒ သဘောတရားတွေပေးခဲ့ကြတယ်။ သူတို့ဟာ တော်လှန်ရေးကိုတရားမျှတတဲ့ လုပ်ငန်းအဖြစ်သဘောထားပြီး ဒီသဘောတရားကိုလဲ လက်တွေ့အကောင်အထည်ဖေါ် လုပ်ဆောင်ခဲ့ကြပါတယ်။ ဆိုရိုးစကား တခုကတော့... လူများစုရဲ့ ထင်မြင်ယူဆချက်ဟာ ရှင်ဘုရင်ထက်ပိုပြီး အင်အားကြီးတယ်။ တန်ခိုးထက်တယ်။ ကြိုးမျှင်ပေါင်းမြောက်များစွာနဲ့ ကျစ်ထားတဲ့ ကြိုးတချောင်းဟာ ကေသရာဇာ ခြင်္သေ့တကောင်ကိုတောင်မှ ဒရွတ်တိုက် ဆွဲခေါ်နိုင်စွမ်းရှိပါတယ်.. တဲ့..။

ဂရိပြည်မြို့တော်ကနိုင်ငံတွေရယ်၊ ရောမပြည်သမ္မတနိုငငံ ခေတ်တုန်းက ဆိုရင် မတရားစိုးမိုး ချယ်လှယ်သူ တွေကိုအကြမ်းဖက် လုပ်ကြံသတ်ဖြတ်မှုကို လက်ခံ ခဲ့ရုံသာ မကသေး၊ ဒီအခွင့်အရေး ကိုလဲ အကာအကွယ်ပေး ခဲ့တယ်။

အလယ်ခေတ်တုန်းက ဆိုရင် ဆားလစ်ဗာရီနယ်က ဂျွန် ရေးခဲ့တဲ့ ... နိုင်ငံ့ ခေါင်းဆောင်ဆိုတဲ့ စာအုပ်ထဲမှာ... မင်းသားတပါးဟာ တရားဥပဒေနဲ့ အညီ မအုပ်ချုပ်ပဲ မတရားသဖြင့်စိုးမိုး ချယ်လှယ် အုပ်ချုပ်လာမယ် ဆိုရင်၊ ဒီမင်းသား ကို အကြမ်းဖက်ဖြုတ်ချရေးဟာ မွေးရာပါ အခွင့်အရေးဖြစ်တယ်။ တရားမျှတမှုလဲ ရှိတယ် လို့ ရေးသားခဲ့ဖူးပါတယ်။ သူက မတရားလွှမ်းမိုး အုပ်ချုပ်သူတွေကို အဆိပ်ကျွေး သတ်တာထက်၊ ဒါးနဲ့ ခုတ်သတ်တာကို ပိုပြီး ထောက်ခံတယ်။

စိန့်သောမတ်စ် အီကွီးနတ် ဟာ သူ့ရဲ့ သဘောတရားရေး ကျမ်းစာအုပ်ထဲမှာ မတရားစိုးမိုး ချယ်လှယ်မှု သဘောတရားကို ဆန့်ကျင် ပယ်ချ ကန့်ကွက်ခဲ့တယ်။ ဒီမတရား လွှမ်းမိုး အုပ်ချုပ် ချယ်လှယ်သူတွေကို ပြည်သူတွေက ဖြုတ်ချပစ်ရမယ် ဆိုတဲ့ ခံယူချက်ကို အခိုက်အမာ ထူထောင်ရေးသား သွားခဲ့တယ်။

မာတင်လူသာ ဆိုတဲ့ ခရစ်ယာန် သာသနာ ခေါင်းဆောင်တဦးက အစိုးရအဖွဲ့ဟာ တရားဥပဒေကို ဖေါက်ကျူးပြီး မတရားစိုးမိုး ချယ်လှယ်သူ အဖြစ်ကျဆင်းဆုတ်ယုတ်သွားရင်၊ အအုပ်ချုပ်ခံပြည်သူတွေဟာ ဒီအစိုးရကို နာခံဘို့တာဝန်က လွတ်ကင်းသွားပါပြီ လို့ ပြောခဲ့ပါတယ်။ ဓမ္မဆရာ ဖိလစ်မယ်လင်သွန်ကလဲဘဲ အစိုးရတွေသက်ဦးဆံပိုင်ဖြစ်လာရင် ဒီအစိုးရကို တော်လှန်ဖို့အခွင့်အရေးရှိရမယ်လို့ အတိအကျအခိုင်အမာ ဖွင့်ဆိုခဲ့တယ်။ ပြုပြင်ရေးဆိုင်ရာ အထင်ရှားဆုံး တွေးခေါ်ရှင်တဦးဖြစ်သူ ကယ်လ်ဗင် ကလဲပဲ နိုင်ငံရေးအတွေးအခေါ်နဲ့ပတ်သက်ပြီး ပြည်သူတွေဟာ ဘယ်မတရားမှုကို မဆို ဆန့်ကျင်ဘို့ လက်နက်ဆွဲ ကိုင်နိုင်ခွင့် ရှိတယ်ဆိုတာ သာဓကတွေ နဲ့ အဆိုပြုခဲ့ပါတယ်။ အားပေးခဲ့ပါတယ်။ ဒုတိယမြောက်ဖိလစ်ဘုရင် လက်ထက်မှာ စပိန်ယေရှု ခရစ်ယန် သာသနာ့ ခေါင်းဆောင်တဦးဖြစ်တဲ့ ဂျိုအန်မာရီယာနာ ဟာ သူ့စာအုပ်ထဲမှာ ဘုရင်ခံ သို့ မဟုတ် ဘုရင်တယောက်ဟာ အာဏာကို အလွဲ သုံးစားပြုလာပြီဆိုရင်၊ မတရား သိမ်းပိုက်ထားရင်၊ ဒါမှမဟုတ် ရွေးကောက်တင်မြှောက်ခံထားရတာတောင်မှ မတရား စိုးမိုး အုပ်ချုပ်လာပြီဆိုရင် ပြည်သူတယောက် ဟာ တိုက်ရိုက်ဖြစ်စေ၊ သွယ်ဝိုက်တဲ့ နည်းနဲ့ဖြစ်စေ၊ အနိမ့်ဆုံးဖြစ်နိုင်တဲ့နည်းနဲ့အကြမ်းဖက် ဆန္ဒပြဘို့ နှောက်ယှက်ဖို့ လိုအပ်တယ်လို့ တင်ပြခဲ့ပါတယ်။

ပြင်သစ်စာရေးဆရာကြီး ဖရန်ကွိုက်ဟော့တ်မင်း ကလည်း အစိုးရနဲ့ပြည်သူကြားမှာ ပဋိညာဉ်တခုရှိတယ်။ ဒါကတော့ အစိုးရဟာ သူ့ရဲ့ ပဋိညာဉ် သဘောတူညီချက်ကို ဖောက်ကျူးခဲ့ရင်၊ ဒီလိုဖောက်ကျူးပြီး မတရား လွှမ်းမိုးအုပ်စိုးခဲ့ရင်၊ ဒီအစိုးရမျိုးကို ဆန့်ကျင်ပြီး ပြည်သူတွေက ပုန်ကန်ထကြွ နိုင်တယ်လို့ရေးသားခဲ့တယ်။

၁၇ ရာစုအစောပိုင်းက ဂျာမာန်သပဒေ ပညာရှင်တဦးဖြစ်တဲ့ ဂျွန်အောဟပ်စ် ဟာ သူ့ရဲ့ .. နိုင်ငံရေးစစ်တမ်း ဆိုတဲ့ ကျမ်းကြီးမှာ နိုင်ငံရဲ့ အမြင့်ဆုံးအချုပ်အခြာ အာဏာပိုင်ဖြစ်တဲ့ အစိုးရဟာ တိုင်းသူပြည်သားတွေရဲ့ စေတနာ့ဝန်ထမ်း တင်မြှောက်မှုက ပေါက်ပွားလာတာဖြစ်တယ်။ ဒီအစိုးအာဏာ ရဲ့ ပင်စည် မဏ္ဍိုင်ကပြည်သူဖြစ် တယ်။ အဲဒီတော့ အာဏာရအစိုးရဟာ မတရားဥပဒေမဲ့မှု၊ မတရား လွှမ်းမိုးချယ်လှယ်မှု လုပ်ငန်းတွေကို လုပ်လာမယ်ဆိုရင်၊ ပြည်သူတွေကလဲ သူတို့ရဲ့ အစိုးရအပေါ်ကို နာခံရမဲ့ တာဝန်ကို ရှောင်လွှဲ နိုင်ခွင့်ရှိတယ်။ သူတို့တော်လှန်ပုန်ကန်မှုဟာ တရားမျှတတယ် လို့ အတိအလင်းဖေါ်ပြထားတယ်။

ဂုဏ်သရေရှိ တရားသူကြီးမင်းများ ခင်ဗျား....
ဒီအတိုင်းဆိုရင် ကျနော်ဟာ ရှေးပဝေသဏီက သာဓကတွေ၊ အလယ်ခေတ်က ဥပမာတွေ၊ မျက်မှောက် ခေတ်သစ် ရဲ့အစပိုင်းကာလက ဥပမာတွေကိုဖေါ်ပြပြီးခဲ့ပါပြီ။ ဒီဥပမာတွေဟာ ဘာသာအယူဝါဒအားလုံးက စာရေးဆရာတွေရဲ့ ရေးသားချက်တွေထဲ က ကောက်နှုတ်ဖေါ်ပြခဲ့တာဖြစ်ပါတယ်။ ဒါတွေထက်ပိုပြီးပြော ရရင်တော့ သူပုန်ထပိုင်ခွင့်ဟာ ကျူးဘားလူမျိုးရယ်လို့ စတင်ပေါ်ထွန်းလာခဲ့ကတည်းက အမြစ်တွယ်လာခဲ့တဲ့ အခွင့်အရေးဖြစ်ပါတယ်။ လွန်ခဲ့တဲ့ အနှစ် ၅၀ က ပုန်ကန်မှုတရပ်ရဲ့ ရလာဒ်ကြောင့် လူကြီးမင်းတို့ဟာ ကျူးဘားအမျိုးသား တရားသူကြီးရဲ့ ၀တ်စုံကို ဒီကနေ့ ၀တ်ဆင်လာနိုင်ကြတာဖြစ်ပါတယ်။ အဲဒီဝတ်ရုံတွေဟာ တရားမျှတမှု အရေးတော်ကို ပေးအပ်ထားတာ မဟုတ်ပါလား......................။

---------------------------------------------------------------
အစိုးရသစ်တရပ် ဖွဲ့စည်းရေး

.......................................................... အဲဒီတော့.. မတရားလွှမ်းမိုးအုပ်စိုးမှုကိုဆန့်ကျင်ပြီး အုံကြွ နိုင်ခွင့်၊ သူပုန်ထနိုင်ခွင့်ဟာ နောက်ဆုံးပိတ် တရားတဲ့ အခွင့်အရေး အဖြစ်ပါရှိလာပါတော့တယ်။ ဒီအခွင့်အရေးဟာ နိုင်ငံရေး လွတ်လပ်ခွင့်ရဲ့ အခြေခံ သဘောတရားလဲ ဖြစ်လာပါတော့တယ်။

နောက်ကြောင်းပြန်ပြောရမယ်ဆိုရင် ၁၉၄၉ ခုနှစ်က ဂျိုမီလ်တန်ဟာ .. နိုင်ငံရေးအာဏာဟာ ပြည်သူတွေရဲ့ လက်ထဲမှာရှိတယ်၊ သူတို့ဟာ ဘုရင်တွေကို နန်းတင်နိုင်တယ်၊ နန်းချနိုင်တယ်၊ ပြီးတော့ မတရားဖိနှိပ်စိုးမိုး ချယ်လှယ်သူတွေကို ဖြုတ်ချဘို့ သူတို့တာဝန်ဖြစ်တယ်... လို့ပြောခဲ့တယ်။

ဂျွန်လော့ဒါကတော့ အစိုးရနဲ့ ပတ်သက်တဲ့ သူ့ရဲ့စာတန်းမှာ .. လူတွေရဲ့ သဘာဝ အခွင့်အရေးကို ဖေါက်ကျူးလာတဲ့ခါ ပြည်သူတွေဟာ ဒါကို နှိပ်ကွပ်ဖို့၊ ဒါမှ မဟုတ် အစိုးရကိုပြောင်းလဲ ပြစ်ဖို့ တာဝန်ရှိတိယ်၊ အခွင့်အရေးလဲ ရှိတယ်။ မတရားမှု နဲ့ အာဏာမပိုင်တဲ့ အင်အားစုကို ဆန့်ကျင်ဖို့ နောက်ဆုံးနည်းလမ်းက တော့ အတိုက် အခံ ပြုဖို့ ပါပဲ တဲ့.....။ (စာ ၅၉၊ ၆၀)

....................................................................

ကျော်ကြားလှတဲ့ ပြင်သစ်တို့ရဲ့ လူ့အခွင့်အရေး ကျေငြာ စာတမ်းမှာတော့ ..အစိုးရသည် ပြည်သူတို့၏ အခွင့်အရေးကို ချိုးဖောက်လာပါလျှင် အုံကြွ ပုန်ကန်မှုသည် ပြည်သူတို့အတွက် အမွန်မြတ်ဆုံးသော အခွင့်အ ရေးဖြစ်တယ်။ ......... တစုံတယောက်သော ပုဂ္ဂိုလ်သည် အချုပ်အခြာ အာဏာကို သိမ်းပိုက်လုယူပါက ထိုပုဂ္ဂိုလ်အား လွတ်လပ်သည့်ပြည်သူအများစုက သေဒဏ်ပေးရမယ်လို့ ရေးသားထားပါတယ်။

ကျနော်ဟာ ကျနော်ရဲ့ ရှုမြင်သုံးသပ်ချက်တွေကို တရားမျှတကြောင်း အလုံအလောက် တင်ပြခဲ့ပြီးပြီလို့ ယုံကြည်ပါတယ်။ ကျနော့ကို ထောင်ထဲမှာ ၂၆ နှစ် အကျဉ်းချထားဖို့ ဂုဏ်သရေရှိ အစိုးရရှေ့နေကြီးက တောင်းဆို လျှောက်လဲခဲ့ပါတယ်။ သူလျှောက်လဲခဲ့တဲ့ ဆင်ခြေ တွေ ထက် ကျိုးကြောင်းခိုင်လုံတဲ့ အကြောင်း အကျိုးတရားတွေ ကို ကျနော် လျှောက်လဲခဲ့ပါပြီ။ ပြည်သူတွေရဲ့ လွတ်လပ်မှုနဲ့ ပျော်ရွှင်ချမ်းမြေ့မှု အတွက် တိုက်ပွဲဝင်နေသူတွေ ကို အားလုံးက ထောက်ခံကြပါတယ်။ ပြည်သူတွေအပေါ် ဖိနှိပ်သူ၊ အဓမ္မပြုကျင့်သူ၊ အသနား အကြင်နာမဲ့သူ၊ လုယက်ဖျက်ဆီးသူတွေ ကို ဘယ်သူမှ မထောက်ခံပါဘူး။ ဒါကြောင့် ကျနော်ဟာ ကျိုးကြောင်းတရားတွေ အမြောက်အများနဲ့ တင်ပြလျှောက်လဲ ပြီးဖြစ်တဲ့အပြင် ဒါတွေကိုဂုဏ်သရေရှိ အစိုးရ ရှေ့နေကြီးက ဘာတခုမှ ငြင်းချက် မထုတ်နိုင်ပါဘူး။ လက်ရှိ အာဏာရှိ လူကြီးမင်းများ ဘယ်လို လုပ်တရားတယ် လို့ ဆိုနိုင်ပါ့မလဲ။ သူဟာ ပြည်သူတွေရဲ့ အလိုနဲ့ ဆန့်ကျင်ပြီး အာဏာကို ရရှိခဲ့သူ ဖြစ်တယ်။ ပြီးတော့ သမ္မတ နိုင်ငံ ရဲ့ တရားဥပဒေကိုဖောက်ကျူးပြီး လက်နက်အင်အား နဲ့ သစ္စာဖောက်မှုကို အသုံးပြု အာဏာ ရရှိလာခဲ့သူ ဖြစ်တယ်။

သွေးချောင်းစီးမှု၊ ဖိနှိပ် ညှင်းပမ်းမှု၊ စက်ဆုပ်ရွံရှာဖွယ်ရာ ကောင်းမှုတို့နဲ့ပြည့်နေတဲ့ အစိုးရမျိုးကို တရားဝင် အစိုးရအဖြစ် လူကြီးမင်းတို့ ဘယ်လိုများ သတ်မှတ်နိုင်ပါ့မလဲ။ .....................သူတို့ရဲ့သွေး သူတို့ရဲ့ အသက်သွေးတွေပေးလှူ ပြီး သူတို့ရဲ့ တိုင်းပြည်ကို ကယ်တင်ဖို့ ကြိုးစားခဲ့ကြတဲ့ နိုင်ငံသားတွေကို ထောင်တွေဆီ ပို့ဖို့ တရားရုံးတော်တွေမှာ ဘာအခွင့်အရေး ရှိပါသလဲ။ ဒါတွေ အားလုံးဟာ တမျိုးသားလုံး ရဲ့ မျက်စိထဲမှာတော့ ဧရာမ ယုတ်မာမှုကြီးပါပဲ။ ပြီးတော့ တော်ဖြောင့်မှန်ကန်တဲ့ တရားစီရင်ရေး အခြေခံသဘော တရားအရဆိုရင် ဒါတွေအားလုံးဟာ စက်ဆုပ်ရွံရှာဖွယ် ကောင်းလှတဲ့ ဧရာမ ဒုစရိုက်မှု ကြီးပါပဲ။


နှစ်ကြိမ်တိုင် အဓမ္မ မတရားပြုကျင့်ခံရတဲ့ တရားစီရင်ရေး

ဂုဏ်သရေရှိ တရားသူကြီးမင်း ခင်ဗျား၊ အပြစ်ကင်းပြီး သာမန်နိုင်ငံသား တယောက် ဖြစ်တဲ့ ကျနော်ဟာ တနေ့သောအခါက တရားဥပဒေ ချိုးဖောက်ပြီး၊ ကျနော်တို့နိုင်ငံ ရဲ့ အခြေခံစည်းမျဉ်း ဥပဒေ ကို အစိတ်စိတ်အမွှာမွှာ ဆုတ်ဖြဲ ပစ်ခဲ့တဲ့ အာဏာ ရူးလူတစုအပေါ်အပြစ်ပေးဖို့ ရုံးတ်ာကို ရောက်လာခဲ့ပါတယ်။ ဒါပေမဲ့ အချည်းနှီး ဖြစ်ခဲ့ရတယ်။ ခုဆိုရင် ကျနော်ဟာ တရားမ၀င်တဲ့ အစိုး ရကို ဖြုတ်ချဖို့ ကြိုးစားခဲ့တဲ့အတွက် တရားဝင် အုပ်ချုပ်ပုံ အခြေခံစည်းမျဉ်း ဥပဒေ ကို ပြန်လည်ထိမ်းသိမ်းရန် ကြိုးစားခဲ့တဲ့အတွက် တရာဒခံ တယောက် ဖြစ်နေရပါပြီ။ ကျနော်ဟာ ၇၆ ရက်တိုင်တိုင် ဘယ်သူနဲ့မှ စကားပြောခွင့် မရှိပဲ အချုပ်ခံခဲ့ရတယ်။ ကျနော့ရဲ့ သားနဲ့တောင်မှ စကားပြောခွင့်မရခဲ့ပါဘူး။ ဒီမြို့တော်တလျှောက် စက်သေနတ်ကြီးတွေ ကိုင်ထားတဲ့ အစောင့် ၂ ယောက်နဲ့ လာခဲ့ရတယ်။ ကျနော့ကို လျှို့ ၀ှက်စွာ စစ်ဆေးဖို့ အစောင့်အကြပ်နဲ့ ပိတ်ဆို့ပြီး၊ ဒီဆေးရုံကို ခေါ်လာခဲ့ပါတယ်။ ပြီးတော့ ထို ဥပဒေ ကို လက်ထဲမှာ ကိုင်ထားတဲ့ အစိုးရ ရဲ့ ရှေ့နေက ကျနော့ ကို ၂၆ နှစ် ထောင်သွင်း အကျဉ်းချထားရန် စီရင်ချဖို့ ဟန်နဲ့ ပန်နဲ့ တောင်းဆိုလျှောက်လဲနေပါတယ်။ အရင်က ကျနော် ဟာ အာဏာရူး အစိုးရတစုကို တရားစွဲခဲ့တဲ့ ဖြစ်ရပ်တုန်းက ရုံးတော် ဟာ သူပြုသင့်တာကို မပြုနိုင်ခဲ့ပါဘူး။ ဘာကြောင့်လဲဆိုတော့ လက်နက်အင်အားနဲ့ အစိုးရက သူတို့ ကို ပိတ်ပင်ထားခဲ့လို့ ဖြစ်ပါတယ်။ အာဏာနဲ့ တားဆီးထားလို့ အဲဒီတုန်းက တရားမျှတ စွာ လုပ်ဆောင်မပေးနိုင်ခဲ့ဘူးလို့ လူကြီးမင်းများ ဖြေကြားကောင်း ဖြေကြားပါလိမ့်မယ်၊ ကောင်းပါပြီ ခင်ဗျား ဒီလို ဆိုရင် ၀န်ခံလိုက်ပါ..။ ဒီတခါတော့ ကျနော့ကို အပြစ်ပေးဖို့ လူကြီးမင်းများ ကို အာဏာနဲ့ အတင်း အဓမ္မ စေခိုင်းလိမ့်မယ်..။ ဒါကို ၀န်ခံပါ..။ ပထမ အကြိမ်တုန်းက အပြစ်ရှိသူကို အပြစ် ပေးနိုင်စွမ်း မရှိခဲ့ပါဘူး.. အခုတော့ လူကြီးမင်းတို့ ဟာ အပြစ်ကင်းသူကို အပြစ်ပေး ရတော့မယ်..။ ဒီလိုသာ ဆိုရင်တော့ တရားစီရင်ရေးကို စောင့်ရှောက်နေတဲ့နတ်သမီးဟာ နှစ်ကြိမ် တိုင်တိုင် အဓမ္မ ပြုကျင့် ခံခဲ့ရပါပြီ။


သမိုင်းက ကျနော့ကို မှတ်ကျောက်တင်ပါလိမ့်မယ်

ကျနော့ရဲ့ ခုခံလျှောက်လဲချက်အယူခံကို နိဂုံးချုပ်ပါတော့မယ်၊ ဒါပေမဲ့ ရှေ့နေတွေပြုလုပ်နေကျအတိုင်း ကျနော် အဆုံးမသတ်ပါဘူး။ ကျနော်ဟာ တရားခံ အဖြစ် လွတ်မြောက်ဖို့ မတောင်းဆိုပါဘူး။ ကျနော့ကို လွှတ်ပါလို့ အယူမခံပါဘူး။ ........................................... လူဆိုး သူခိုး ရာဇ၀တ်ကောင်တယောက်ဟာ ဒီနိုင်ငံမှာ သမ္မတဖြစ်နေလေတော့ သစ္စာသမာဓိ ရှိတဲ့သူတွေဟာ ထောင်ချရင်လဲ ခံရမယ်။ သေရင်လဲ သေရမယ်ဆိုတာ နာူလည် သဘောပေါက်နီိုင်ပါတယ်။ လူတိုင်းလူတိုင်းအတွက် ထောင်ကျတာဟာ ကြမ်းတမ်းသလို ထောင်ဆိုတာဟာ ယုတ်မာတဲ့ ညှင်းပမ်းနှိပစက်မှုတွေ သူရဲဘောကြောင်တဲ့ ခြိမ်းခြောက်မှုတွေနဲ့ ပြည့်နှက်လို့နေပါတယ်။ ဒါပေမဲ့ ကျနော် ထောင်ကို မကြောက်ပါဘူး။ ကျနော့ ညီအကိုတော်တွေ ရဲ့ အသက်ကို ရက်ရက်စက်စက် သတ်ဖြတ် ဖျောက်ဖျက်ခဲ့တဲ့၊ စတေးခဲ့တဲ့ မတရား အုပ်စိုး ချယ်လှယ်သူတွေနဲ့ သူတို့ရဲက ဒေါသမီးလျှံ ကို ကျနော် နဲနဲ လေးမှ မဖြုံသလို၊ ထောင်ကိုလဲ ကျနော် မမှုပါဘူး။ ကျနော့ကို ပြစ်ဒဏ် စီရင်ချက်သာ ချလိုက်ပါ။ ကျနော် ဂရုမစိုက်ပါဘူး၊ သမိုင်းကသာ ကျနော့ ကို မှတ်ကျောက်တင်ပါလိမ့်မယ်။


အယ်ဒီတာ့မှတ်ချက်။ ။ စီရင်ချက် ထုတ်သောအခါ ကပ်စထရိုကထောင်ဒဏ် ၁၅ နှစ်အပြစ်ပေးခံခဲ့ရပြီး၊ သူ၏ညီမှာ ထောင်ဒဏ် ၁၃ နှစ် ချမှတ်ခံရသည်။ သို့ရာတွင် ၁၉၅၄ ခုနှစ်တွင် အာဏာရှင် ဘာတစ္စတာ က ရွေးကောက်ပွဲ ကျင်းပရန်ကျေငြာခဲ့ပြီး၊ ထိုရွေးကောက်ပွဲ အတွက် မဲဆွယ်ပွဲ တိုင်းတွင် ကပ်စထရို အား လွှတ်ပေးရန် တောင်းဆိုသံက သောသော ညံနေခဲ့ရာ အာဏာရှင်ဘာတစ္စတာမှာ ပြည်သူတို့၏ တောင်းဆိုချက်ကို ကြံ့ကြံ့ မခံနိုင်တော့ပဲ မလွှဲသာ မရှောင်သာဖြင့် ၁၉၅၅ ခု မေလ ၁၅ ရက်နေ့တွင် လွတ်ငြိမ်းချမ်းသာခွင့်အမိန့်ကို ထုတ်ပြန်ခဲ့ရလေတော့သည်။


ဒီလောက်ရှည် ပို့စ်အရှည်ကြီးကို စိတ်ဝင်တစား စောင့်ဖတ်ခဲ့ကြသူတွေ ကို ကျေးဇူး တင်ပါတယ်။
ကမ္ဘာကျော်ခဲ့တဲ့ ဒီလျှောက်လဲချက်ရှည်ကြီးကို ကပ်စထရို တင်သွင်းစဉ်က သူ့အသက် ၂၇ နှစ်သာ ရှိပါသေးတယ်။ ဒီလျှောက်လဲချက် မိန့်ခွန်းရှည်ကြီးဟာ အဲဒီခေတ်တုန်းဆီက လွတ်လပ်ရေး လှုပ်ရှားနေကြတဲ့ ကိုလိုနီ တိုင်းပြည်တွေက လူငယ်တွေ နဲ့ နိုင်ငံရေး လှုပ်ရှားသူတွေအတွက် တန်ဖိုး ကြီးလှတဲ့ ရှေ့ဆောင်လမ်းပြ အဆိုအမိန့်တွေ ဖြစ်ခဲ့ပါတယ်။ အာဏာရှင်တွေ အုပ်စိုးနေတဲ့ တိုင်းပြည်တွေက အစိုးရတွေ အတွက် ရှက်လန့်တကြား၊ ကြောက်လန့်တကြား ဖြစ်သွားစေခဲ့တဲ့လျှောက်လဲချက်ရှည်ဆိုလဲ မှားမယ် မထင်ပါဘူး။ သူ့ရဲ့ လျှောက်လဲ ချက်က ၅ နာရီကျော်ကြာ်ခဲ့တာမို့ ကမ္ဘာပေါ်က အရှည်ကြာဆုံးလျှောက်လဲချက်တွေထဲက တခုအပါ အ၀င်ပါ။ ကျမအနေနဲ့ ကတော့ အဲဒီအထဲကမှ ကျမနှစ်သက် တဲ့ အစိတ်အပိုင်းတွေကိုပဲ ကောက်နှုတ်တင်ပြခဲ့တာပါ။ ဒီလျှောက်လဲချက်ရှည် ကြီးကို English လို မူရင်းအတိုင်း ဖတ်ချင်ရင်တော့ ကျမတင်ပြထားခဲ့တဲ့ အပိုင်း (၂) မှာ မှတ်ချက်ဝင်ပေးသွားတဲ့ ကိုမျိုးမြင့်မောင် ရဲ့ မှတ်ချက်ထဲက အတိုင်း ဒီမှာ (http://www.marxists.org/history/cuba/archive/castro/1953/10/16.htm) သွား ဖတ်နိုင်ပါတယ်။

မမသီရိ

3 comments:

NADINE said...

မိမိသီရိရယ်.............
ဖတ်လိုက်ရတာ မောလို့... ရေးလည်းရေးနိုင်တယ်နော်.

ဒီညတော့ကော်ဖီမသောက်နဲ့တော့နော်....
သန်းခေါင်းယံညဉ့်လွဲအိပ်မပျော်ဖြစ်ပြီး .. ပိန်ပိန်ချပ်ချပ်ဝါးခြားပြားဖြစ်သွားမှာစိုးလို့.....

(ခင်ဗျားတို့လိုအပ်တာကို ကျွန်တော်တို့ပေးပါ့မယ်လို့... ပြည်သူတွေကိုပြောမှာမဟုတ်ပါဘူး။ ခင်ဗျားတို့ စွမ်းအားရှိသလောက်တိုက်ပွဲဝင်ပါ။ ဒီလို တိုက်ယူမှ လွတ်မြောက်ရေးနဲ့၊ ပျောရွှင်ချမ်းမြေ့ရေး ဆိုတာဟာ ခင်ဗျားတို့အတွက်ဖြစ်စေရမယ်။လွတ်လပ်ရေးနဲ့ ပျော်ရွှင်ချမ်းမြေ့ရေးဆိုတာ တိုက်ရဲသူတွေ အတွက်ပဲ..)
(တရားဥပဒေ ချိုးဖောက်ပြီး၊ ကျနော်တို့နိုင်ငံ ရဲ့ အခြေခံစည်းမျဉ်း ဥပဒေ ကို အစိတ်စိတ်အမွှာမွှာ ဆုတ်ဖြဲ ပစ်ခဲ့တဲ့ အာဏာ ရူးလူတစုအပေါ်အပြစ်ပေးဖို့ ရုံးတ်ာကို ရောက်လာခဲ့ပါတယ်)
သေ၂ချာ၂ ကို ဖတ်သွားပါတယ်.မမသိရီ...

လေးစားလျှက်
(နဒင်း)

နဒင်း said...
This comment has been removed by a blog administrator.
NADINE said...

Pls Delete 2nd Cmd....

urs Nadine