6 ဂဏန်း ကို ပိုင်စိုးသူများ

 (ဒီ ပို့စ် ကို စထား ခဲ့ တာ ၂ နှစ်ကျော်ခဲ့ ပါပြီ. ခုတလော ဘလော့ထဲ အထဲ ၀င် အပြင် ထွက် မွှေ နှောက် ရင်း နဲ့ ဒီ draft ကို တွေ့ တာမို့ ပြီး စီး အောင် ဆက်ရေးပြီး အားလုံး အတွက် တင်ပေးလိုက်ပါတယ်)

ဟိုတလောက မခင်ဦးမေ ကို မွေးနေ့လက်ဆောင်စကားလေး ပါးတာတွေ့သွားတဲ့ ညီမငယ် ချိုသင်း က

ချိုသင်း: မမရေ မမkom ဆီမှာ ၇ ဂဏန်းသမားတွေအတွက် ပြောထားတာ ဖတ်ရတယ်။ မမနဲ့ မွေးနေ့ မွေးရက်တူတဲ့ ချိုသင်းကိုလဲ ပြောပြပါအုံး။ သိချင်လို့..
ဆိုပြီး ပြောလာ ပါတယ်... အဲဒီညီမလေး နဲ့ ကျမနဲ့ မွေးနေ့ မွေးရက် တူ နေတာမို့ ကျမ သူ့ကို (နှစ်တွေ ကွာနိုင်ပေမဲ့) အမွှာညီအစ်မလို ချစ်ခင်မိတယ် ..။ သူက သိချင်တယ် ပြောလာတော့ ကျမလေ့လာ ဖူးတာလေးတွေ ပြန်ပြောပြဖို့ ဖြစ်လာတာမို့ ဒီမှာပြောပြပေးပါမယ်.. ချစ်ခင်ရတဲ့ အဲဒီ ညီမငယ်လေး အတွက်ရော.. ကျန်တဲ့ ၆ ဂဏန်းဖွားတွေ အတွက်ပါ နှစ်သစ်ကူးလက်ဆောင် ပဲ ဆိုကြပါစို့....။

ခရစ်သက္ကရာဇ်အရ ၆ ရက် ၊ ၁၅ ရက် နဲ့ ၂၄ ရက် နေ့များမှာ မွေးဖွားသူတွေကို - ၆ ဂဏန်း သမားများ အဖြစ် သတ်မှတ်ကြပါတယ်၊ မွေးရက် လ နဲ့ မွေးနှစ် အာလုံးပေါင်းလိုက်လို့ ၆ ဂဏန်းသာ ရမယ် ဆိုရင် ပြီးပြည့်စုံတဲ့ ၆ ဂဏန်း စိုးမိုးသူများလို့ ခေါ်ဆိုနိုင်ပါတယ်။ ဥပမာ အနေနဲ့ - ၁၉၇၇ ခုနှစ် မတ်လ ၆ ရက်နေ့ဖွားသူ တစ်ဦး ကို တွက်ကြည့်ရအောင်ပါ။   ၆+၃+၁+၉+၇+၇ = ၃၃ = ၆ ရတဲ့အတွက် သူ့ ကို ၆ ဂဏန်း အပြည့်အ၀ ပိုင်ဆိုင်သူ လို့ ပြောရပါမယ်။ ဂဏန်းဗေဒ သုတေသီ အများစု က ၆ ဂဏန်း သမားတွေ ဟာ ကမ္ဘာပေါ် မှာ ဆန်းကြယ်ထူးဆန်းပြီး အများအားဖြင့် ကံကောင်းသူများလို့ သတ်မှတ်လေ့ ရှိကြပါတယ်။ တံခါ တရံမှာ ငွေမက်သူတွေ ဖြစ်နေတတ်ကြပေမဲ့ အချိန်အများစုမှာတော့ အနစ်နာခံပြီး ပေးဆပ်သူများ   ဖြစ်နေတတ်ကြပါသတဲ့။ သူများပြောတိုင်း မယုံတတ်သလို အရာရာတိုင်းကို အမြဲ ခွဲခြား စိတ်ဖြာ လေ့ ရှိတဲ့ အပြင် အများစုကသေချာစဉ်းစားပြီးမှ ဆုံးဖြတ်ချက်ချတတ်တယ်လို့ဆိုပါတယ်။ အကုန်လုံး အတွက် သေချာတာတစ်ခုက တော့ ၆ ဂဏန်းဖွား ကျားကျား မမ အကုန်လုံး လိုလို ဟာ တစ်ဖက်သား အပေါ် ဆွဲ ဆောင်နိုင်စွမ်း လွှမ်းမိုးနိုင်စွမ်း ရှိတယ် ဆိုပဲ။

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ) ရဲ့ ၆ ဂဏန်းသမားတွေ အကြောင်းရေးထားတာလေး ဒီမှာ ထပ်ပြီး တင်ပြပေးပါမယ် ။

 # ဝိသေသလက္ခဏာ

6 ဂဏန်းသည် ညနေဆည်းဆာ နှင့် နံနက်စောစော တို့တွင် ဆည်းဆာကြယ်အဖြစ်၎င်း၊ မိုးသောက်ကြယ် အဖြစ်၎င်း တွေ့မြင်နေရသည့် ''သောကြာဂြိုဟ်'' ပိုင်ဆိုင်သော ဂဏန်းသင်္ချာ ဖြစ်ပြီး ဓာတ်သဘော အရ ''မ ဓာတ်'' ၊ ''ရေ'' ဓာတ် ဖြစ်သည်။ ချစ်ခြင်းမေတ္တာ ၊ တဏှာပေမ ၊ အလှပတရား ၊ အနုပညာ ၊ သဘာဝတရား ၊ မိခင်ဆန်ခြင်း၊ လောကစည်းစိမ် နှင့် နူးညံ့သိမ်မွေ့သော အာရုံခံစားမှုများ၏ သင်္ကေပင်ဖြစ်လေသည်။ ထို ဝိသေသလက္ခဏာ များကြောင့် (6)ဂဏန်း နေ့ရက် ဖွားများသည် အောက်ပါစရိုက်လက္ခဏာများ ရှိတတ် ကြသည်။

# စရိုက်လက္ခဏာ

အနုပညာကို ခံစားထိသိလွယ်ကြပြီး နူးညံ့သိမ်မွေ့သော စိတ်ထားရှိကြသူများဖြစ်ကြသည်။ အရာရာတွင် နရီစည်းဝါးကျခြင်း (Hermony)၊ နေထားတကျရှိခြင်း (Order)၊ ငြိမ်းချမ်းငြိမ်သက်ခြင်း (Peace) များ ကို နှစ်သက်သောသူများဖြစ်တတ်ကြသည်။ သူတို့သည် ငြိမ်းချမ်းရေး နှင့် တရားမျှတမှု အလွန်တန်ဖိုး ထားသူများဖြစ်ကြပြီး ထို့အတွက် တိုက်ပွဲဝင်ကြရန် လည်း ဝန်မလေးကြသူများဖြစ်လေ့ရှိသည်။ မိမိနေ အိမ် နှင့် မိသားစုဘဝကို မြတ်နိုးကြသူများ ဖြစ်ကြပြီး မိမိနေအိမ်၊ ပတ်ဝန်းကျင်ကို သာယာလှပနေစေ လိုကြသူများ ဖြစ်ကြသည်။ လောကကြီးအတွင်း အားနည်းသူများ၊ ဖိနှိပ်ခံရသူများ၊ လူ့အခွင့်အရေး ဆုံးရှုံးနေကြသူများဘက်မှ မားမားမတ်မတ်ရပ်တည်လေ့ရှိကြသူများဖြစ်ကြသည်။ ပင်ကိုယ်သဘော အားဖြင့် နူးညံ့သိမ်မွေ့ ကြသူများ ဖြစ်သော်လည်း လိုအပ်လာလျှင် ကြမ်းတမ်းပြရန်လည်း ဝန်မလေးကြသူ များဖြစ်လေ့ရှိသည်။ (6)ဂဏန်းသမား အနုပညာဆန်သော တီထွင်ဖန်တီးမှုများကို ပြုလုပ်နိုင်စွမ်းရှိပြီး မိမိအလုပ် ကိုလည်း သေသပ်ကျနစွာ လုပ်ကိုင်တတ်ကြသူများဖြစ်ကြသည်။

# စီးပွားရေးနှင့်အလုပ်အကိုင်

(6)ဂဏန်းပိုင် သောကြာဂြိုဟ်သည် အနုပညာ၊ အလှအပတရား၊ ချစ်ခြင်းမေတ္တာ၊ လောကကို အလှဆင်ခြင်း တို့ကို ကိုယ်စားပြုသော ဂြိုဟ်ဖြစ်သောကြောင့် (6)ဂဏန်း သမားများသည် စာပေ ဂီတ ပန်းချီ ပန်းပု နှင့် အနုပညာအမျိုးမျိုး၊ ပိသုကာပညာ၊ ဖက်ရှင် ဒီဇိုင်းပညာ၊ စားသောက်ကုန် ထုတ်လုပ်ခြင်းပညာ၊ အမျိုးသမီး အလှပြုပြင်ရေးဆိုင်ရာလုပ်ငန်းများ၊ ရင်သွေးထိန်းကျောင်းရေးလုပ်ငန်းများ၊ သရုပ်ဆောင်မ်ာဒယ်၊  ဟိုတယ်နှင့်ခရီးသွားလာခြင်းဆိုင်ရာလုပ်ငန်းများ၊ နိုင်ငံခြားဘာသာရပ်ဆိုင်ရာလုပ်ငန်းများ၊ ပြုစုစောင့်ရှောက် လုပ်ငန်းများ ဖြင့် အကျိုးပေးတတ်ကြပါသည်။

# အချစ်ရေးနှင့်အိမ်ထောင်ရေး

များသောအားဖြင့်(6)ဂဏန်းဖွားများသည် အချစ်ရေးနှင့်အိမ်ထောင်ရေးကိစ္စများတွင် သိမ်မွေ့လေး နက်သော ခံစားချက်ရှိသူများဖြစ်လေ့ရှိသည်။ အချစ်ရေး အိမ်ထောင်ရေး နှင့် ပတ်သက်လာလျှင် ခံစား ချက် ပြင်းထန်တတ်ကြပြီး နှလုံးသားကို ဦးနှောက်ထက် ဦးစားပေးတတ် ကြသောသူများဖြစ်ကြသည်။ အချစ်စစ် နှင့် မေတ္တာစစ်တို့ကို တန်ဖိုးထားတတ်ကြပြီး မိမိ၏ အိမ်ထောင်ဘက်ကိုလည်း အလွန်တန်ဖိုး ထားကြသူများဖြစ်ကြသည်။

# ကျန်းမာရေး

(6)ဂဏန်းသမားများသည်များသောအားဖြင့် ကျန်းမာရေးပုံမှန်အဆင့်လောက်တွင်သာ ရှိနိုင်ပါသည်။   ရေဓာတ် လွှမ်းမိုးမှု အားများခြင်းကြောင့် ရာသီဥတုပြောင်းလဲခြင်းကြောင့် ဖြစ်တတ်သော ရောဂါများ၊ ကူးစက်ရောဂါများအား သတိထားရမည်။ နှလုံး၊ လည်ပင်း၊ မျိုးပွားအင်္ဂါဆိုင်ရာရောဂါများ၊ အဖုအကြိတ်ေ ရာဂါများ ၊ ဆီးချိုရောဂါ ၊ လိင်အပျော်ကြူး ခြင်းဆိုင်ရာ ရောဂါများကို သတိပြုရမည်။

# ဘဝကံကြမ္မာ

(6)ဂဏန်းသမားများသည် ဘဝကံကြမ္မာသည် သူတို့နေထိုင်ရာ ပတ်ဝန်းကျင်အခြေအနေများ အပေါ်တွင် မူတည်ပြီး အရောင်ပြောင်းနိုင်လေသည်။ သူတို့သည် ''ငြိမ်းချမ်းခြင်း နှင့် လွတ်လပ် မျှတခြင်း'' များကို အလွန်တန်ဖိုးထားတတ်ကြသဖြင့် သူတို့ပတ်ဝန်းကျင် ၊ သူတို့နေထိုင်ရာ နိုင်ငံတွင် ငြိမ်းချမ်းခြင်း နှင့် တရားမျှတခြင်းများ ရှိပါက သူတို့၏ ဘဝသည်လည်း လိုက်လျော ညီထွေ တိုးတက်ကောင်းမွန်တတ်ကြပြီး ၊ ''ငြိမ်းချမ်းခြင်း နှင့် တရားမျှတမှု'' မရှိပါက သူတို့သည် အေးချမ်းစွာနေလိုသော သူများအဖြစ်မှ တိုက်ပွဲဝင်သူများ အဖြစ် ပြောင်းလဲသွားတတ် ကြသည်။ ထိုအခါ သူတို့ဘဝ ကံကြမ္မာတို့မှာ တည်ငြိမ်မှု မရှိတော့ချေ။ထို့ကြောင့် သူတို့သည် မိမိတို့ဘဝ ကြီးပွားတိုးတက်ရေးကို မဆောင်ရွက်နိုင်တော့ဘဲ အများအကျိုး ၊ အများကိစ္စများကို ဆောင်ရွက် ခြင်းဖြင့်သာ ဘဝတစ်ခုကို အချိန်ကုန်ကြရသည်လည်း များတတ်ကြသည်။

ထို့ကြောင့် (6)ဂဏန်းသမားများသည် ကမ္ဘာလောကကြီးငြိမ်းချမ်းသာယာနေသော အချိန်ကာလ များတွင် အနုပညာ အမျိုးမျိုးတို့ကို တီထွင် ဖန်တီးသူများအဖြစ် တွေ့ရတတ်ပြီး ကမ္ဘာကြီး တရားမဲ့ နေသော အချိန်များတွင်မူ တော်လှန်ရေးသမားများ၊ လက်နက်ကိုင်တိုက်ပွဲဝင်ကြသူများ၊ လူအခွင့်အရေး လှုပ်ရှား သူများ အဖြစ်တွေ့ရတတ်သည်။ ထိုအချိန်မျိုးတွင် မိမိဘဝတိုးတက်ကြီးပွားရေးများအတွက် ဂရုမစိုက်နိုင် တော့သောကြောင့်  မိသားစုဘဝ ၊ စီးပွားရေးဘဝများ မှာလည်း ပျက်သုန်းရတတ်တော့သည်။

ထို့ကြောင့် (6)ဂဏန်းသမားများသည် ဘဝတည်ငြိမ် အေးချမ်းစေရန် နေရာကောင်း ၊ အရပ်ကောင်းကို မှီခိုတတ်ရန်လိုပေသည်။ အေးချမ်းသာယာ ပတ်ဝန်းကျင် (နိုင်ငံ)များတွင် နေထိုင်ရလျှင် (6)ဂဏန်းသမား သည် အလွန်ထူးချွန်ပြောင်မြောက်သူများဖြစ်လာလေ့ရှိသည်။ (ဥပမာ- Apple ကွန်ပျူတာများ၏ ဖန်ဆင်းရှင် စတိဗ်ဂျော့ဘ် သည် ''ဆီးရီးယား'' လူမျိုးတစ်ဦးဖြစ်ပြီး ဆီးရီယားနိုင်ငံတွင် မွေးဖွားနေထိုင်ခဲ့လျှင် ကမ္ဘာကျော် တီထွင်သူတစ်ဦးဖြစ်ရန် မရှိပေ။ မိဘများက အမေရိကန်နိုင်ငံသို့ ပြောင်းရွှေ့နိုင်ခဲ့ခြင်း ကြောင့် စတိဗ်ဂျော့ဘ် ဟူသော ကမ္ဘာကျော် ပုဂ္ဂိုလ်တစ်ဦးဖြစ်လာခဲ့ရခြင်းဖြစ်ပေသည်)

# မိတ်ဘက် ရန်ဘက် ဂဏန်းများ

6 ဂဏန်းသည် - 1 , 2 , 4 , 8 ဂဏန်းများနှင့်မူ သင့်မြတ်လှခြင်း မရှိချေ။ သို့သော် 3 , 6 , 9 ဂဏန်း များနှင့်မူ သဟဇာတ ဖြစ်သည်ဟု ဆိုနိုင်သည်။ 5,7 ဂဏန်းများနှင့် အသင့်အတင့် ကောင်းကျိုးပေးနိုင်ပါသည်။ ထို့ကြောင့် မိမိနှင့် တည့်သောဂဏန်း မွေးဖွားသူ များနှင့် ပေါင်းသင်းဆက်ဆံခြင်း၊ ထိုနံပါတ်များများပါသော အိမ်နံပါတ်၊ ကားနံပါတ် များကို ရွေးချယ်ခြင်း ၊ အရေးကြီးသော ကိစ္စများ လုပ်ဆောင်ရန် နေ့ရက်များအတွက် မိတ်ဘက် ဂဏန်းများကို ရွေးချယ်ခြင်းဖြင့် ကောင်းကျိုးများ ပိုမိုရရှိ စေနိုင်သည်။

# ကံကောင်း/ကံညံ့ ဖြစ်စေနိုင်သော အသက်ပိုင်းများ

6 ဂဏန်းသမားများသည် (ယေဘူယျအားဖြင့်) မိမိအသက်ကို တစ်လုံးတည်း ပေါင်းခြင်းဖြင့် 1, 2, 4, 8 ဂဏန်းများဖြစ်နေပါက ထိုအသက်ပိုင်းများသည် များသောအားဖြင့် ကံမကောင်း တတ်ချေ။ 3, 6, 9 ဂဏန်းကျသော နှစ်များတွင်မူ ကံကောင်းမှု ထူးခြားမှုများ ကြုံရတတ်ပါသည်။

(သို့သော်အထက်ပါအသက်ပိုင်းများသည်''ပုံသေ''နည်းမဟုတ်ပါ။ အကြမ်းဖျဉ်းမျှသာဖစ်ပါသည်။ ယေဘူယျအားဖြင့် မှန်ကန်တတ်သောကြောင့်သတိပြုနိုင်စေ ရန် ဖြစ်ပါသည်)။ မြန်မာ့ မဟာဘုတ် နည်းစံနစ်ဖြင့် ''ကောင်းသော သက္ခတ် ၊ ဆိုးသော သက္ခတ် ၊ ဘုမ္မိကြီး ၊ ဘုမ္မိလေး ကျခြင်း ၊ သက်ရောက် နှင့် ဂြိုဟ်စား ပက္ခတ် မိခြင်း/ မမိခြင်း စသော အချက်များဖြင့် တိုက်ဆိုင်ရန် လိုအပ်ပါသည်)

# 6 ဂဏန်းသမား ကမ္ဘာကျော်ပုဂ္ဂိုလ်အချို့
6 ရက်ဖွားကမ္ဘာကျော်များ

•  Mr.Bean အမည်ဖြင့် ကမ္ဘာကျော်သူ ဟာသသရုပ်ဆောင် ရိုဝင်အာကင်ဆန်
•  ပန်းချီ ၊ ပန်းပု ၊ ပိသုကာ နှင့် သိပ္ပံပညာ စွယ်စုံပညာရှင် မိုက်ကယ်အိန်ဂျလို
• ဟောလီဝုဒ် မင်းသားကြီးဘဝမှ အမေရိကန်သမ္မတဖြစ်လာသူ ရော်နယ်ရီဂင်
•  ဆိုဗီယက်ယူနီယံ၏ အကြီးအကဲဟောင်း ယူရီအင်ဒရိုပေါ့ဗ်
•  ပြင်သစ်နိုင်ငံသူ အာဇာနည်သူရဲကောင်းလေး ဂျူန်းအော့အာ့ခ်
•  ဘောလုံးသမား အကျော်အမော် ရော်ဘင်ဗန်ပါစီ
•  ဟောလီဝုဒ် အက်ရှင်မင်းသားကြီး ဆီဗက်စတာစတားလုံး
•   ခေတ်သစ် စိတ်သရုပ်ခွဲ ပညာရှင် - ဒေါက်တာဆစ်ဂမန်ဖရွိုက်
• ကမ္ဘာကျော် စာရေးဆရာကြီး ဆာဝေါ်လတာစကော့  
• ဗြိတိသျှ ဝန်ကြီးချုပ်ဟောင်း - တိုနီဘလဲယား 
• အမေရိကန် သမ္မတ တစ်ဦးဖြစ်သူ – ဂျော့ခ်ျ ဘုရှ် (စီနီယာ)
•  

15 ရက်ဖွား ကမ္ဘာကျော်များ 

•   မိုနာလီဇာ'' ပန်းချီကား ဖန်တီးရှင် ပန်းချီဆရာကြီး လီယိုနာဒိုဒါဗင်ချီ 
•  ယူရေးနပ်စ်ဂြိုဟ်ကို စတင်တွေ့ရှိခဲ့သူ နက္ခတ်ပညာရှင် ဝီလီယံဟာရှဲလ်
•  ''ဂေါ့ဖားသား'' ဝတ္တုဖြင့် ကမ္ဘာကျော်ခဲ့သူ စာရေးဆရာကြီး မာရီယိုပူဇို
• စာရေးဆရာမကြီး အာဂါသာခရစ္စတီး
• အမေရိကန် လူမည်းများ၏ အခွင့်အရေးတိုက်ပွဲဝင်ခဲ့သူ မာတင်လူသာကင်း 
• ဒုတိယကမ္ဘာစစ် ဂျာမဏီစစ်ဗိုလ်ချုပ်ကြီး အာဝင်ရွန်းမဲလ် 
• Laurance of Arabia ဟု ကျော်ကြားခဲ့သူ စစ်ဘုရင် T.E လောရင့်စ် 
• နက္ခတ်တာရာကြည့် မှန်ပြောင်းကို တီထွင်ခဲ့သူ နက္ခတ်ပညာရှင် ဂလီလီယို
•  

 24 ရက်ဖွား ကမ္ဘာကျော်များ

•   အမေရိကန် တီထွင်သူ ၊ လူထူးဆန်း သန်းကြွယ်သူဌေးကြီး ဟောင်းဝပ်ဟူး
•  Apple ကွန်ပျူတာများ၏ ဖန်ဆင်းရှင် မှော်ဆရာကြီး စတိဗ်ဂျော့ဘ်
•  နာမည်ကျော် အဆိုကျော် နှင့် သရုပ်ဆောင် ဂျနီဖာလိုပက်ဇ်
• အီရန် ဘာသာရေးခေါင်းဆောင် အယာတိုလာခိုမေနီ
• ကမ္ဘာကျော် ''တက်ကျမ်း'' စာရေးဆရာကြီး ဒေးလ်ကာနက်ဂျီ 
• ကမ္ဘာကျော် စာရေးဆရာကြီး အလက်ဇန်းဒါးဒူးမား 
• ပါလက်စတိုင်း လွတ်မြောက်ရေးခေါင်းဆောင် ယာဆာအာရာဖတ် 

အောက်မှ ဖေါ်ပြထားတဲ့ ကမ္ဘာကျော်၊ နာမည်ကျော် တွေ ကတော့ စိုးမိုးဂဏန်း ၆ ရသူတွေပါ

Celebrities and Famous People with Life Path Number 6

Albert Einstein March 14, 1879
Eleanor Roosevelt October 11, 1884
Britney Spears December 2, 1981
John McEnroe February 16, 1959
Goldie Hawn November 21, 1945
Ian Fleming May 28, 1908
James Brown May 3, 1933
James Dean February 8, 1931
Justin Timberlake January 31, 1981
Victoria Beckham April 17, 1974
Donald Sutherland July 17, 1935
Jennifer Lawrence August 15, 1990
John Lennon October 9, 1940

Galileo Galilei February 15, 1564
Stephen King September 21, 1947
Bruce Willis March 19, 1955
Christopher Reeve September 25, 1952
Christopher Walken March 31, 1943
Clive Owen October 3, 1964
Ben Affleck August 15, 1972
Michael Jackson August 29, 1958
Eddie Murphy April 3, 1961
Howie Mandel November 29, 1955
James Dean February 8, 1931
Heather Locklear September 25, 1961

Jessica Alba April 28, 1981
Jude Law December 29, 1972
Michael Caine 14 March 1933
Sylvester Stallone July 6, 1946
Robert De Niro August 17, 1943
Robert Pattinson May 13, 1986
James Brown May 3, 1933
Lenny Kravitz May 26, 1964
Nicole Scherzinger June 29, 1978
Stevie Wonder May 13, 1950
Federico Fellini January 20, 1920
Thomas Edison February 11, 1847

ကဲ ဒီလောက် ဆို- ၆ ဂဏန်းသမားတွေ အကြောင်း တီးမိ ခေါက်မိ ရှိလောက်ကြပြ ထင်ပါရဲ့၊ နောက်ဆက်တွဲ အနေနဲ့ ၂၀၁၄ ခုနှစ် ထဲ အတွက် အကြမ်းဖျဉ်း ခန့်မှန်း ဟောကိန်းလေး တွေ တွက်ပေး ပါမယ်။

၆ ဂဏန်း သမား အများစု အတွက် ၂၀၁၄ ဟာ အလွန် ကံကောင်းလှ တဲ့ နှစ် တစ်ခု မဟုတ်ပါဘူး၊ အများစု အတွက် ရန် နှစ် လို့ ပြောလို့ ရပါတယ်။ ငွေ ကုန်ကြေးကျ နဲနဲများမယ်၊ ကျန်းမာရေး ချူခြာမယ်၊ လုပ်ငန်း အကြံအစည်တွေ ထင်သလောက် မပေါက် မြောက်နိုင်သေး။ ကိုယ် မလုပ်ချင်တာတွေ ပဲ ဆက်တိုက် လုပ်နေရပြီးတော့ လက်အောက်ငယ်သားတွေ ကြောင့် စိတ်အနှာင့် အယှက်များမဲ့ နှစ်ပါ။ အထက် လူကြီး တွေ ရဲ့ သဘောကျ မြှောက်စားတာ ခံ ရပေမဲ့ မနာ လိုသူတွေ များ ပါမယ် တဲ့။ 

၂၀၁၄ ဇန်န၀ါရီလ နဲ့ အောက်တိုဘာ လတွေ ထဲ မှာ လူကြီး မိဘ တွေ ရဲ့ ကျန်းမာရေး အလေးပေး ရပါမယ်။ 

ဖေဖေါ်ဝါရီလ နဲ့ နိုဝင်ဘာ လတွေ ဟာ စန်း အပွင့်ဆုံး လတွေ ဖြစ်ပြီး ချစ်သူရီးစား ရတတ်တယ်၊ လက်ထပ် ခြင်း ကိစ္စ ကြုံတတ်တယ်၊ ရာထူတိုးခြင်း လုပ်ငန်း အဆင်ပြေခြင်းတွေ ရှိပါမယ်၊  

မတ်လ နဲ့ ဒီဇင်ဘာ လတွေ မှာတော့ နိုင်ငံခြား ခရီး ဒါမှ မဟုတ် ပြည်တွင်း ခရီးရှည်တွေ ပေါ်လာတတ် တယ်၊ 

ဧပြီလ ထဲမှာ အိုး အိမ်၊ အိမ် ခန်း အသစ် ၀ယ်ရ တတ်မျိုး၊ ပြုပြင်ရတတ်မျိုး၊ စက်ပစ္စည်း ယာဉ် ကား စတဲ့ ပစ္စည်းတွေ ၀င်တတ်ပါတယ်၊ ထီ ၀ါသနာပါသူတွေ အတွက် ထီ ပေါက် ကိန်း ကြုံတတ်ပြီး မိဘ ဆွေ မျိုး များ ဆီက အမွေ တွေ လဲ ရတတ် ပါတယ်။ 

မေ လ ထဲ မှာ တော့ ရေလမ်း ခရီး သွား ရမယ် ဆို သတိ ထားရမှာ ဖြစ်ပြီး အပူလောင် ခြင်း အပူ ရှပ် နဲ့ ပူပင် စရာ ကိစ္စလေးတွေ ရှိတတ်ပါတယ်။ အနည်းဆုံး ဆီပူ၊ ရေနွေးပူ လောင်တတ်တာမျိုးတွေ ရှိနိုင်ပြီး ထိခိုက် မှုတွေ လဲ သတိပြုရပါမယ်။

ဇွန်လ ကတော့ လုပ်ငန်း သစ် လုပ်ရတတ်ခြင်း၊ ဘ၀ သစ် စ ရတတ်ခြင်း စတဲ့ ကောင်းကျိုး ရှိ တဲ့ အစပျိုးခြင်း ရှိတယ်ပါမယ်။

ဇူလိုင်လ နဲ့ သြဂုတ်လတွေဟာကံကောင်းတဲ့လတွေ ဖြစ်ပြီးတော့ သင်တန်းအခွင့် အလမ်းတွေ ပေါ်တတ်ခြင်း၊ ရာထူးတိုခြင်း၊ အလုပ်သစ် ပြောင်းရခြင်း၊ အကျိုးဖြစ်ထွန်းစေတဲ့ ခရီးတို၊ ခရီးရှည်တွေ ရှိနေပါလိမ့်မယ်။ 

စက်တင်ဘာ လထဲ မှာတော့ ငွေက အလုံးအရင်း ၀င်လိုက် အလုံးအရင်း ထွက်လိုက် ဖြစ်နေ ပေမဲ့ ကျန် ကိစ္စ တွေ ကတော့ ကံကောင်း နေပါမယ် တဲ့။

အားလုံးကို ချစ်ခင်လေးစားတဲ့

မမသီရိ်

၁၈ မတ် ၂၀၁၄

ကဗျာဆရာရဲ့မိဖုရား

အိပ်ယာအခင်းဖြူလွလွပေါ်မှာ
ငြိမ်သက်စွာလဲလျောင်း
ဖြူလျော်အားလျှော့ ဖျော့တော့သောမျက်ဝန်းများ ..

အနောက်ဖက်နားဆီက မြက်ရိုင်းတောမှာ
ပိုးကောင်တွေ စီစီ ညံ ဟိုပျံ ဒီလွှား မရပ်မနား

တစ်ခြမ်းသာ ပ နိုင်တော့တဲ့ ဆုတ် သော လ
သူပေးသမျှ အလင်းရောင်မှာ နာကျင်မှုတွေ နဲ့ နက်မှောင်လို့
ကောင်းကင်က ကျယ်ပြောလွန်းလှတယ်
ဖျောက်ဆိပ်ကြယ်တွေ ခိုးခိုး တောက်ပ အဲဒီ ညမှာ

စီရင်ချက်ကျခဲ့ပြီ လို့ ထင်နေတဲ့ ကဗျာဆရာဟာ
ဆောက်တည်ရာမဲ့
သူ့ချစ်ခြင်း နဲ့ အကောင်းအတိုင်းဖြစ်လိုခြင်းသာ သိ
မျက်ရည်ပြည့်လျှံ 
ကွဲ အက် ပဲ့တင်သံ တွေ .. ဝေးဝေးက အမြန်လမ်းပေါ် ပြေးလွှား ..

သက်သာလိုသက်သာငြား...
ကဗျာဆရာဟာ.. သူ့ ရင် ကို ဆွဲ ဖွင့် ..
စူးစူးနင့်နင့် ဟစ်ကြွေး.. (သူ့မိဖုရားအတွက်) သူ ရေးသီ ဖူးသော ကဗျာများ..
တစ်လုံးချင်း..
တစ်ကြောင်းချင်း.
တစ်ပိုဒ်ချင်း..
တစ်ပုဒ် ချင်း..
ပြီးတော့ .

တစ်လုံးချင်း..

တစ်လုံးချင်း...

တစ်လုံးချင်း..

လ မင်း.. လိုက် ငို...
ကြယ်စင်တွေ  ငို .
ပိုးကောင်လေးတွေ ငို..
မြက်ရိုင်းတွေ ငို..
ညဥ့်နက်နက် ထဲ ညဥ့်ငှက်တွေ ငို..
ပုစဉ်းရင်ကွဲတွေ ငို...
နံရံပေါ် က ပန်းချီကား လဲ ငို.. 
အညို နုနု ခန်းဆီးတွေ ငို..
တောင်တန်းနိမ့်နိမ့် လေးတွေ ငို..
ရောင်စုံ စက္ကူပန်းတွေ ငို..
လေနုအေးအေး လေး လဲ ငို..

နောက်ဆုံး ...

ကဗျာဆရာ ရဲ့ မိဖုရား ဟာ...
မျက် လွှာ အသာ ပွင့်... ကဗျာဆရာ့ ချစ်ခြင်း ဖြင့်.
အသစ် ရှင်သန်ထမြောက် လာ.. 
ဖြည်း ..
ဖြည်း ..
ညင် ..
ညင် ..
သာ..
ကဗျာဆရာ့ နှုတ်ခမ်း အပေါ် မှာ
အနမ်း ပွင့်တွေ ကြွေကျ
ကုန်စင်အောင် သွန်မှောက် ချ လိုက်တော့တယ်... ။


မမသီရိ
၆.၃.၂၀၁၄

(ကဗျာဆရာ နဲ့ သူ့ရဲ့ မိဖုရား - ၂၁ ဖေဖေါ်ဝါရီ ၂၀၁၄ အတွက်)

ကံ့ကော် ၊ နွေဦး၊ အချစ်

နွေဦး ဟာ ကံ့ကော် ကြောင့် ပိုမွှေးသလား
ကံ့ကော် က နွေဦးကြောင့် ပိုမွှေးသလား



နွေဦးရေ..
ကံ့ကော်ရေ..
သံသာဟစ်ကြွေး ဥသြကလေး လဲ ကျမ ချန်မထားလို..ပေ..

အလွမ်းတွေ .
လေပြေ မှာ ၀တ်မှုန်ဝေ ဝေ နဲ့ ပါလေရော့

နှစ်ကိုယ် ဆိုပေမဲ့ တစ်စိတ် ထဲဖြစ်ပါရစေ
နှစ်ယောက် တစ်ဘ၀ တည်ဆောက်ကြမဲ့နွေ ..။

မမသီရိ
၂၆ ဖေဖေါ်ဝါရီ ၂၀၁၄

သံလွင်ခက်

ပန်းချီဆရာ ပန်းချီဆွဲ
ကဗျာဆရာ ကဗျာရေးပြီး
အဆိုတော်က သီချင်းဆိုတဲ့အခါ
ကမ္ဘာကြီး ငြိမ်းချမ်းတယ်..

မြင်ရတဲ့စည်းရိုးများ
မမြင်ရတဲ့ စည်းရိုးများ
တံတိုင်းတွေ မလိုပဲ လုံခြုံသွားတဲ့အခါ..

ရင်ထဲမှာ ပန်းတွေပွင့် ကျည်ဖူးတွေသံချေးတက်
အဲဒီနေ့နယူးယော့ခ် မြို့တော်က ကွေးနေတဲ့သေနတ်ကြီး
အချစ်ရေ . တို့တွေ အတူတူ သွားချိုးမယ်....။

မမသီရိ
၂၁ ဇန်န၀ါရီ ၂၀၁၄

ထာဝရ ကြယ်

ဖေဖေါ်ဝါရီ . နှင်းစီဆဲ ဒီလ

ဆယ့်သုံး ရဲ့ ကြယ်စင် 

ရာဇ၀င်အစဉ်မြဲ လင်းဆဲထာဝရ။

မမသီရိ

၁၃ ဖေဖေါ်ဝါရီ ၂၀၁၄

ဆောင်း

အပြင်မှာဆောင်း ရင်မှာဆောင်း
လွမ်းလွန်းလို့ကောင်း အဲဒီဆောင်း
မောင့်ရင်ခွင်မောင်း နွေးဘိတောင်း။


မမသီရိ
၎ ဖေဖေါ်ဝါရီ ၂၀၁၄ 

ချစ်ညီမ ဘလော့ဂါခင်လေးငယ် ရဲ့ ဖေ့စ်ဘွတ်ခ် စတေးတပ်စ်မှာ ရေးဖြစ်ခဲ့တဲ့ ကဗျာပိစိလေးပါ
ပြန်ဖတ်တော့ ကိုယ့်ငါးချဉ်ကိုယ်ချဉ် သဘောတကျ တွေ့မိရလို့ ဘလော့ပေါ်ဆွဲတင်ခဲ့ပါတယ်။

အလွမ်းဝတ်ရုံ

 လျှောကျသွားတဲ့ ညနေဆည်းဆာ
ဟိုဝေးဝေးမှာ ငှက်တစ်အုပ်
လှိုင်းလွန့်လွန့်လေးတွေပြေးနေတဲ့ မြစ်ရဲ့ တစ်ဖက်ကမ်း
လေပြေက အဲဒီ အနား အရောက်သွားနိုင်သလား
မေ့လျော့ ထားခဲ့ရက်သူဆီ ..
ရွှေရည် ရွှေသွေး ပုဇွန်ဆီ နီနီပြေး..
ကျမကောက်ယူထွေးပွေ့မိတာမှန်သမျှ..
ပန်တော်ကျ သတိရခြင်းများ..သာ..
ဟိုးသက်တံနောက်နားဆီ သီ နေတဲ့ မိုးတိမ်တွေက
မာယာကော့ဖ်စကီးရဲ့ ဘောင်းဘီကို မ၀တ်ထားကြ.

လမင်းကြီး ကိုချောင်းကြည့်ဖို့
ကျမ ပြတင်းဝ လှလှပပ ကြီး အသုံးချကြ..
ခဏလောက်စီးခွင့်ရမလား..
သူ့အနား ကျမ ၀ိဥာဉ်ဖြစ်ဖြစ် သွားချင် ရဲ့..

ဘာမှမဖြစ်နိုင်တော့တာ ကျမ ဘာမှမဖြစ်ချင်တော့
ကျမ က ပုထုဇဉ် ..
တစ်ကိုင်းမှာ နှစ်ကောင်ပဲ နားမယ် .
စားစား သွားသွား..
နဲနဲလောက်ပဲ ဖြစ်ဖြစ် သူမသိသင့်ပေဘူးလား ရှင်တို့ရယ်..
ကျမ ကို နားလည်မပေး ပါနဲ့
ကျမ ကိုနားလည်မပေးပါနဲ့
ကျမ ကို နားလည်မပေးပါနဲ့
ကျမ ဘာကိုမှ နားလည်မပေးနိုင်
ကျမ ဘာကိုမှ နားလည်မပေးနိုင်
ကျမ ဘာကိုမှ နားလည်မပေးနိုင်

တွယ်တာခြင်းပေါင်းမြက်တွေ ရပ်လိုက်တော့ တစ်ခြံလုံးမပွားမီ
သူရော ကျမပါ
တစ်ယောက်အသဲ တစ်ယောက်ခွဲဖို့ လုံလောက်သောအကြောင်းတရားကိုယ်စီရှိထား...

အဲဒီတိမ်တွေ လွန်လေပြီးတဲ့နောက်မှာတော့
ကျမရဲ့ ကိုယ်ပိုင်ဝတ်စုံ အလွမ်းလွှာရုံကလေး ကောက်ခြုံ
(တစ်သက်လုံးအတွက်)
တိတ်တိတ် ကလေးပေါ့  ကမ်းစပ်နားဆီက ကျမထွက်ပြေးခဲ့ပါတယ်.. ။

မမသီရိ
ဇန်န်ဝါရီ - ဖေဖေါ်ရီ ၂၀၁၄

မြို့ပြအမောတွေရဲ့အလယ်

မြို့ပြကခက်ခဲလိုက်တာလို့
မပီမသ နဲ့ တစ်စုံတစ်ယောက်က ငြီးတွားတယ်

နေပူတယ်..
ရေကိုတောင် ၀ယ်သောက်မှ ရတယ်
အိမ်တွေ အားလုံး တံခါးတွေ သော့ခတ်ထားတယ် ..
ခြံဝင်းတွေ အကုန်လုံး လုံခြုံအောင် ကာရံလို့
လူတွေ ကို ပြုံးပြ လို့ မရဘူး (အရူးထင်သွားနိုင်) .

လူတွေဟာ သုတ်သုတ်ပျာပျာ နဲ့
ချွေးတလုံး လုံး ဘတ်စ်ကားတွေ ဟာ
အသက်ပေါင်းမြောက် များစွာ ကို  မထီမဲ့မြင် ဆော့ကစားလို့
လူတွေအကုန်လုံးနီးပါးက အရောင်းဈေးသည်
ကုန်ရောင်းတယ်
ငါးရောင်းတယ် အသားရောင်းတယ်
ပန်းရောင်းတယ် ကွမ်းရောင်းတယ်
သတင်းစာရောင်းတယ် ဂျာနယ်ရောင်းတယ်
လူရောင်းတယ်
ဦးနှောက်ရောင်းတယ် ..
အချိန်တွေရောင်းတယ်
အသွေးအသားတွေ ရောင်းတယ်
စိတ်ကူး စိတ်သန်းတွေရောင်းတယ်  ..
ဝယ်တယ် ရောင်းတယ် တစ်ထွာသာရှိတဲ့ပင်လယ် ..


လျှောက်လမ်း ပလက်ဖောင်း ဟာ 
ဘုရားစူးရပါ့စေရဲ့ တွေ့ကို မတွေ့ နိုင်တော့ဘူးကွယ်
ရပ်နားစရာ ရှားပါးလာတဲ့ မြောက်များစွာသော ကားများ..
အိမ်မပိုင် ဘူး ကား ပိုင်တဲ့ ယဉ်ကျးမှုထွန်းကား
ကူးစက်ခံလိုက်မှန်း မသိပဲ နဲ့ ဆေး မမီ နိုင်တော့ တဲ့ အနေအထား

ကလေးမကလေး တွေ ရဲ့ စကပ်က တိုပြီးရင်းတိုလာတယ် ..
နီုက်ကလပ်ထဲ မှာ ကလေးတွ များပြီးရင်းများလာတယ်..
အလုပ်များတဲ့ ဦးလေးကြီးတွေ ပွားပြီးရင်း ပွားလာတယ်..(ကောင်မလေးတွေနဲ့)
တောင်ပုံ ရာပုံ ငွေ တွေ ဟာ စုရပ်တချို့မှာ ထိမ်းသိမ်းဖို့ရာခက်ခဲ
လမ်းကြို နောက်ဖေးကြား ဆန္ဒပြ လူတန်းစားမှာ အိပ်ကပ်တွေ အကုန်လုံး အပြဲ

တချို့ကလေးတွေက  ပန်းရောင်းတယ်
တချို့ကလေးတွေ က ဘီယာဗူးခွံ ကောက်တယ်
တချို့ကလေးတွေက အရက်ဘား မှာ လုပ်တယ်
တချိုကလေးမလေးတွေက မိဘအတွက် ငွေရှာ တယ်
တချို့ကလေးတွေက ဂိမ်းဆိုင် ထဲမယ်
တချှိုကလေးတွေက ကစားကွင်းတွေမှာ ပျော်ရွှင်လို့ရယ်
မြို့ပြဟာ တတ်နိုင်သူ ကလေးတွေအတွက် ရွေးချယ်စရာ ကျောင်းတွေ ပေါလွန်းတယ်..
တစ်လ ကို ကျပ် သိန်း တစ်ဆယ် နှစ် ဆယ်
မတတ်နိုင်သူ ကလေးတွေ အတွက် ရွေးချယ်စရာ ဈေးဗန်းရယ် အနှိပ်ခန်းရယ် 

အလကားဝေတဲ့ ကွန်ဒုံးတွေ အလကားထင်မိတော့
အေအာရ်တီ ပြတ်သွားတဲ့အခါ .. တရားစခန်းတွေဆီ တချို့ကရောက် သွားကြ..
အဖိုးတို့ အမေတို့ ခေတ်ကို နောက်ကျတယ်ထင်မိတော့
အဖြူရောင်သက်တံ နေရာမျိုးမှာ ကူးစက်ရောဂါနဲ့ မိဘမဲ့ကလေးတွေ ပေါလာ..
ဘုရားဖူး ခရီးသွားလုပ်ငန်းတွေ များလာသလောက်
အချိန်ပိုင်း အခန်းငှားတဲ့ ဟိုတယ် တွေ မှိုလို ပေါက်လာ..
မူးယစ်ဆေးဖမ်းမိတော့ ရာထူးကြီးကြီး တွေ ရာထူးတွေ ထပ်တိုးသမျှ.
ရပ်ကွက် ထဲ ဆေးစွဲတဲ့ ကလေး လူငယ် အရေအတွက် တိုးလာ..

တိုက်တွေ အထပ် အများကြီးမြင့်လာတဲ့အခါ
လူနေမှုအဆင့်အတန်းဟာ အချိုးကျစွာ နိမ့်ပါးသွား .
အပန်းဖြေစရာ ကစားကွင်းတွေ ပျောက်ကွယ်သွားတဲ့အခါ ..
ကလေးအများ စု ဟာ လမ်းဘေးအန္တရယ်ကြားမှာဆော့ကစား..

စားသာစားရ အသီးများ အသားများ စားစရာများ သံသယ တွေနဲ့ ထိတ်လန့်တကြား ..
အန်မလေး.. မောလိုက်တာ.. တစ်ယောက်ယောက် ရေတစ်ပေါက် လောက် တိုက်ပေးပါ..။

မမသီရိ
၂၉ ဇန်ဝါရီ ၂၀၁၄

Joseph and his Love; Julia

သူ့ပါးပြင် မှာ နင် အနမ်းတွေ ချွေချတော့
ငါ လွမ်းလိုက်ရတာ..

မင်း မေတ္တာတွေ တောင်လိုပုံနေတာ တွေ့ရတာ့
ငါ လွမ်းလိုက်ရတာ ..

မေတ္တာတရားဟာ ကြည်နူးဖွယ်ရာဆိုတဲ့အကြောင်း
မင်း ပဲ သေချာ မီးမောင်းထိုးပြခဲ့ပေါ့ ဂျူလီယာ...

အချစ်ဟာ ပေးဆပ်မှုသက်သက်တော့ မဟုတ်ဖူး လို့
မင်း ပြောလိုက်မိသေးလား ဂျူလီယာ..

ဂျိုးဇက်ကိုချစ်ရတာ ကံကောင်းလို့ တဲ့လား ..
ဂျူလီယာ.. မင်းအပြုံး မှာ ကျရှုံးသွားတဲ့ ဂျိုးဇက်ရဲ့မျက်ဝန်းများ.
ငါ သိသွားတာ သူမြင်တော့ .. ရှက်သွေးလဲ့လဲ့ မင်းရဲ့ နောက်ပါး..
မင်းလက်ဖြူးဖွေးသေးသေးလေး သူ့ပါးပြင်ပေါ်ရှပ်ပြေးတော့ ..
ဂျိုးဇက်ရယ်လေ ကျေနပ်စွာ မောက်မာ နေလိုက်တာများ..

ငါ့ ကင်မရာထဲမှာ .. တကယ့်ကိုအသေအချာ

တကယ်တော့
ငါ့အလွမ်းတွေ မှာ အဆိပ်တွေ ပါသွားခဲ့ပြီ ဂျူလီယာ..
ဖုန်းမက်ဆေ့ကလေး တစ်ခုဟာ. ကမ္ဘာခြား .
ငါတို့ ဝေးသွား ကြတဲ့အခါ.. အပြင်မှာ.. နှင်း မှုန်တွေ ဝေ့၀ဲလို့ပေါ့ ဂျူလီယာ ..
သူက တစ်နေရာ.. ငါ ကလဲ တစ်နေရာ ..
ခိုလှုံရာရင်ခွင်တစ်ခုမှာ.. သူအနေသာ..
အလွမ်းတွေ ထပ်ထပ် မှာ ငါ့ နှလုံးသား ဟာ နာကျင်စွာ ..
ငါ လေ.. မင်းလိုပဲ ချစ်ဖူးလိုက်ချင်တာပေါ့ ဂျူလီယာ...
ငါ့ မီးဖိုးချောင်ကလေးမှာ ..သူဟာ ငါ့နံဘေး မှာ ကူညီလို့ ..
သူ့ကဗျာ ဝေါဟာရတွေထဲမှာ.. ငါ ဟာသက်ဆင်း ငြိမ်ဝပ်လို့..
ငါ့ ကော်ဖီတစ်ခွက်မှာ သူ့ အပြုံးတွေလဲ့ ဖြာလို့..
ငါ့ ခန်းဆီးတွေ ကူညီလျှော်ဖွပ်.. သူ့လက်မောင်းတွေဟာ သန်မာလို့..
သူ့ညနေခင်းတွေမှာ .. ငါ အမြဲ ပါလို့..
ငါ့ နံနက်ခင်းတွေ မှာ သူ အမြဲပါလို့..
ဆောင်း လေညှင်းတွေ မှာ အတူတူ ပျော်ရွှင်လို့ ..
ခုတော့..
မက်ဖူးတဲ့ အိပ်မက်တွေ အကုန်လုံး သိမ်းကြုံး 
ငါ .. အပြီး ထားခဲ့လိုက်ပြီ ဂျူလီဟာ.. ..

နင့်အပြုံး နူးညံ့ကလေးတွေ မှာ.. မိန်းမော မူးရီနေတဲ့ မျက်ဝန်းကလေး..
ဂျူလီယာ ရေ.. ဂျိုးဇက် ကို နင်ချစ်သလိုမျိုး ..
ပြန်ဆုံချစ်ခွင့်လမ်းချိုးကလေး.. အဲဒါ... နောင်ဘ၀ မှ ဖြစ်တော့မှာ..။

မမသီရိ
၂၂ ဇန်န၀ါရီ ၂၀၁၄

ချစ်သူ့စွန် -၂

ဘယ်လောက်ဝေးဝေး..
မင်း ထွက်မပြေးနိုင်..

ငါ့ ရစ်လုံး ကလေးက မှန်စာ..
မေတ္တာတွေနဲ့ သန်မာ..။

အရှိန်ကုန် ကြိုးလေး ရစ် ..
ချစ်တဲ့ မင်း က ငါ့ဘေးမှာ...။


မမသီရိ
၁၀ ဇန်န၀ါရီ ၂၀၁၄



ချစ်သူ့စွန် - ၁ ဖတ်လိုပါ က http://mamathiri.blogspot.com/2010/11/blog-post_27.html

နှင်းတို့ရဲ့မာယာ

ထန်းတစ်ဖျားလောက် နေ ဆို.
ပူစပ် ပူလောင်နဲ့ ချွေးစို မှာ သေချာနေရက်သား နဲ့..

ပြာနေအောင် ဝေနေလိုက်ပုံများ..
နှင်းတွေရဲ့မာယာ.. ငါ တကယ်ပဲ မသိနိုင်သေးဘူး ကို...။

မမသီရိ
၁၀ ဇန်န၀ါရီ ၂၀၁၄

ကလေးလေး က

ကလေးလေး က
ငှက်ကလေးတွေကို ချစ်သလား..

ဟုတ်ကဲ့ ချစ်ပါတယ် ..

ကလေးလေး က ငှက်ကလေး ဖြစ်ချင်သလား..

ဟင့်အင်း .. မဖြစ်ချင်ဘူး.
ငှက်ခတ်သမားတွေ ကြောက်တယ် ..
ပြီးတော့ ငှက်ကလေးတွေ က ရေခဲမုန့် မစားတတ်ကြဘူး 


ကလေးလေး က
ငါးကလေးတွေကို ချစ်လား

ဟုတ်ကဲ့ ချစ်ပါတယ် 

ကလေးလေး က ငါးကလေး ဖြစ်ချင်သလား..
 
ဟင့်အင်း မဖြစ်ချင်ဘူး 
အစာတွေရဲ့နောက်ပုန်းနေတတ်တဲ့ ငါးမျှားချိတ်တွေ ကြောက်တယ်
ပြီးတော့ သူတို့ က မွေ့ယာတွေနူးညံ့တဲ့ အကြောင်း မသိကြဘူး

ကလေးလေးက 

ကျားပေါက် ကလေးတွေ ချစ်သလား

ဟုတ်ကဲ့ ချစ်ပါတယ် 

ကလေးလေး က ကျားပေါက်ကလေး ဖြစ်ချင်သလား
 
ဟင့်အင်း မဖြစ်ချင်ဘူး 
ရက်စက်တဲ့ မုဆိုးတွေရဲ့ ရန်ကို ကြောက်တယ်
ပြီးတော့ သူတို့ က မြို့ပြ ရဲ့စကိတ်ကွင်းတွေ အကြောင်း မသိကြဘူး 

ကလေးလေး က
ပင်ဂွင်းကလေးတွေ ချစ်သလား

ဟုတ်ကဲ့ ချစ်ပါတယ်

ကလေးလေး က ပင်းဂွင်းငှက်လေး ဖြစ်ချင်သလား

ဟင့်အင်းမဖြစ်ချင်ဘူး 
သူတို့ ကို လိုက်သတ်တဲ့ ပင်လယ်ဖျံ တွေ ကြောက်တယ်
ပြီးတော့ သူတို့ က အတောင်ပံ တွေ အကြောင်း ကောင်းကောင်းမသိကြဘူး

ကလေးလေး က
ပန်ဒါကလေးတွ ကို ချစ်သလား

ဟုတ်ကဲ့ ချစ်ပါတယ်

ကလေးလေး က ပန်ဒါဝက်ဝံလေး ဖြစ်ချင်သလား

ဟင့်အင်း မဖြစ်ချင် ဘူး
လှောင်အိမ်တွေ ထဲ နေရမှာကိုကြောက်တယ် 
ပြီးတော့ သူတို့ က ပီဇာတွေ ရတဲ့ နေရာလဲ မသိကြဘူး 

'ဒီလိုဆို... ကလေးလေး က
မွေး ပွ ရုပ်ကလေးတွေ ကြိုက်သလား ..

ဟုတ်ကဲ့ ကြိုက်ပါတယ်..

ကလေးလေး က မွေးပွ ရုပ်ကလေး ဖြစ်ချင်သလား ..

ဟင့်အင်း မဖြစ်ချင်ဘူး .. 
သူ တို့ မှာ .. မေမေ မှ မရှိပဲ ကို...

ကလေး က .. မေမေ့ ကလေး ပဲ ဖြစ်ချင်တယ်
မေမေ့ ပါး မွှေး ရတာ ကြိုက်တယ်
မေမေ့ သနပ်ခါး နဲ့ ချစ်တယ်
မေမေ့ ရင်ခွင် နွေးနွေး ကြိုက်တယ်.. 
မေမေ ခွံ့ ပေးတဲ့ မန်းမန်း ကြိုက်တယ် .
မေမေ ဖျော်ပေးတဲံ.. ကိုကိုး က ကောင်းတယ်
မေမေ ရွေးပေးတဲ့ .. ကျီကျီင်္ ကလေး က လှတယ်..
မေမေ စီးပေး တဲ့ ဘတ်ဘတ် ကလေး ကြိုက်တယ်.
မေမေ လိမ်းပေးတဲ့ ခါးခါး ကမွှေးတယ်.. 
မေမေ ပန်ထားတဲ့ ပန်းပန်း က လှတယ် ..
မေမေ နဲ့ လမ်းလျှောက်ရတာ ပျော်တယ်.. 
မေမေ့ လက်မောင်း ခေါင်းအုံး ရတာ ကြိုက်တယ်.. 
မေမေ့ ခါး ဖက်ထား ရတာ ကြိုက်တယ်..

ကလေးလေးက .. မေမေ့ ကလေး ဖြစ်ရတာပဲ ကြိုက်ပါတယ်...။


မမသီရိ
ဇူလိုင် ၈၊ ၂၀၁၂
(တောင်ခြေတစ်နေရာ)

ဘိုင်ဖရီရဲ့ သူငယ်ချင်း..

တစ်သီတစ်တန်းကြီး တက်ကြွ ပြီး အပြာရောင် တွင်းနက်တွေဆီ
ကြွေးကြော် ချီတက် သွားကြတော့ ..
သူ က ဘေး ဖဲ့ ခွာထွက် .. လင်းလက်တဲ့ သင်းကွဲ ကြယ် ...

ရွှေရောင်ချစ်ခြင်းမေတ္တာတွေ ဒီကမ္ဘာမြေပေါ် ကျန်နေသေးကြောင်း
သူ ကောင်းကောင်းကြီး ရဲရင့် ပြ ခဲ့..

အခန့်သာ မသင့်ခဲ့ရင်...  .. အဲ့ကြယ်စင်ကလေး  မီးငြိမ်းမှာ..
အခန့်သာ မသင့်ခဲ့ရင် .. အဲ့ကြယ်စင်ကလေး သွေးစွန်းမှာ...
အခန့်သာမသင့်ခဲ့ရင် .. အဲ့ကြယ်စင်ကလေး
အခန့်သာ မသင့်ခဲ့ရင် ... အဲ့... ကြယ်   စင် ကလေး....

အမှန်တရား ဟာ.. စကြာဝဠာ မှာ မဆိတ်သုဉ်းဘူး...
ငြိမ်းချမ်းရေး ဟာ လူတိုင်း မကြိုက်သော်ငြား
 ကြိုက်တဲ့သူများလဲ ရှိသေးကြောင်း..
အဲ့ဒီ သင်းကွဲကြယ်ကလေး မောင်းခတ်ခဲ့  ....

လူတကာလျှောက်ဖို့ ..စိုးရွံ့ သော.. ထိုလမ်းကလေး..
သူ နွေးနွေးထွေးထွေး နဲ့ ရွေးချယ်ခဲ့တာ ..
စိမ်းကားသော မျက်ဝန်းများ သူ့ယုံကြည်ချက်နဲ့ မေ့ထား...
သူ့လက်များ ကား အေးစက်မနေခဲ့ ...

သင်းကွဲ တဲ့ ကြယ်ကလေး ရေ..
မင်း သူငယ်ချင်း ဘိုင်ဖရီ .. ဟာ..
တရား .. ဆိုတဲ့ ဓမ္မ .. မင်းပြလို့ ရအောင်...
သူ့ဘုရားသခင်က သူ့ ကိုဖန်ဆင်းမွေးဖွား...
ရောင်စုံသာယာ ဒီဘဒ္ဒကမ္ဘာမှာ
မင်း ကတော့ .. သံသရာ ဆိုတာယုံတယ် လို့ .. မှတ် လိုက်ပါရစေ..

မင်းရဲ့ မျှတ ခြင်း .. မင်း ရဲ့ အလင်း...
မင်းရဲ့ မကြောက်တရား.. မင်း ရဲ့ ချစ်ခြင်းများ အတွက်...
နှင်းဆီ အနီ တစ်ကိုင်း... တစ်နေ့ က မနက်ပိုင်း..
ကျမ ရဲ့ ဥယျာဉ် အရိုင်းကလေး မှာ ပျိုး...
အဲဒါ မင်း ကို ဂုဏ်ပြု တဲ့ ပန်းအိုးကလေး ပေါ့...
ဘိုင်ဖရီ ရဲ့ သူငယ်ချင်း.. သင်းကွဲ ပေမဲ့.. လင်းလက်တဲ့ ကြယ်ကလေး ရေ......။




မြန်မာပြည် တောင်ဖက်စွန်းမှ ကဗျာဆရာလေး မောင်ယုပိုင်အတွက် မင်္ဂလာလက်ဖွဲ့ ။

အားလုံးကို ချစ်ခင်လေးစားတဲ့

မမသီရိ
၁၈ ဒီဇင်ဘာ ၂၀၁၃

နောက်ကျနေတဲ့ ကျမ ဧည့်သည်

ရုတ်တရက်ကြီး အငိုက်ဖမ်း ရောက်လာလိမ့်မယ်လို့
ဘယ်သူတွေ က တခုတ်တရ ထင်ခဲ့မှာလဲ..

ကြည့်အုံး ..
ဒီနေ့ မနက်.. 
ကျမရှေ့ မှာ ဆိုက်ဆိုက် မြိုက်မြိုက်ကြီး..
ကျမ မယ်လေ.. ဘာလုပ်လို့ ဘာကိုင်ရမှန်းမသိ.
အပြုံးနဲ့ ကြိုရ ကောင်းနိုးနိုး..
အမုန်းနဲ့ ကြိုရကောင်း နိုးနိုး.. 
ကြာ လိုက်တာ လို့ .. ခြေဆောင့် စိတ်တိုပြလိုက်ရ ကောင်းနိုးနိ်ုး..
ကျမ လွမ်းခဲ့ရတာ ဘယ်လောက် ရှိပလဲ ..ဆိုးတယ်... 



အဲဒီလမ်းကလေးပေါ်မှာ .. ခရေဖူး တွေ ....
သူ့အဖေါ် ကြောင့် ကြွေ ကြွေ ကျ...
ဒေလီယာတွေ က ခေါင်းမော့ လည်ခါခါ ..
မဟာဆန်သူသဇင်တွေ ကျ အိနြေ္ဒ ကြိတ်ပြုံးကလေး နဲ့
ကျမ ထက်တောင် သူတို့ရင်ခုန်ကြသလား..
လည်စီးအရောင်လှလှ ကလေးတွေ ရေ..
ကျမလည်တိုင် ဟီးလေးခိုလှည့်အုံး ..
ပုန်းရာက ပြန်ထွက်ခဲ့ ကြကွဲ့ ..
အဖြူရောင်ဆွယ်တာကလေး .. တင်းတင်း ဆွဲ စေ့လိုက်ပြီ..
ကျမ ချစ်သော ဆောင်း ပေါ့.. ကျမ ဆီ ကို .. တိုးဝင်ထွေးပွေ့ ခေါင်းဝှေ့ ကျီစယ်နေတာ ကို....။


မမသီရိ
၁၆ ဒီဇင်ဘာ ၂၀၁၃

လပြည့်၊ ခရမ်း၊ အစိမ်းနု၊ တယ်လီဖုန်း၊ အဆိပ် .. အမုန်း

တိတိကျကျ ပ နေတဲ့.. လ ဟာ.. ည ကို စိန်ခေါ် နေလိုက်ပုံ..
မတန်တဆ ပေးဆပ်ခဲ့ရသော.. အဆိပ်သင့် ဆည်းဆာများ အလွန်မှာ..
အရာရာ ကို မေ့ထားနိုင်စွမ်း အတွက်.. အဲဒီပန်းချီကား .. ခရမ်း များ နဲ့သာ ဆွဲပါရစေ..
ခြေသံတွေ တိတ်တိတ်ဆိတ်ဆိတ် ဝေးကွာ သွား....
လက်ဆွဲ တံခါးအနားမှာပဲ ကျမ တစ်ချိန်လုံး ရပ်နေခဲ့တာပါ..
အိပ်မပျော်သော ညတွေတော့ မရှိ.. အိပ်မက်ထဲ ထိ လွှမ်းမိုးထား တာ.. အစိမ်းနုရောင် သူ့မင်္ဂလာအိပ်ယာ ..
ခါးသီးစွာ ငြင်းလိုက်ချင်ပါ ရဲ့.. အဲဒီတိုက်ပုံ.. အဲဒီပုဆိုး.. အဲဒီအပြုံး.. အဲဒီ ဆံထုံး...
ထွက်သွား... ထွက်သွား.. ထွက်သွား...  ပေးပါ..
ဝဋ်ကြွေး ကို မယုံ ခဲ့မိတာ မှားပြီလား.. မုသား မှာ သာယာမိသူဟာ..
လေအေးပေးစက် ကို ယောင်ရမ်း ပိတ်မိ
အိုင်တွေ့တဲ့ အခါ ခြေဆေးပါ.. ကေတီဗွီမှာ အပန်းဖြေပါ..
နောက်ဆုံး ဘတ်စကား အမှီပြန်ပါ..
အွန်လိုင်းက အချစ်ဆုံးလေးတွေ ပျော်ပါစေ..
လကုန် ရက် သူ့အပြုံးမှာ ကျေနပ်ပါ.. ညဖက် သူ့ နဘေးမှာ ကြည်နူးပါ..
အမှောင်ထဲ သူ့နှုတ်ခမ်းမှာ နစ်မွန်းပါ..
အပြန်မမှီ ရက်များ.. ဖုန်းနားမှာ အမြဲ နေပါ..
ဝဋ်နာ ကံနာ.. မကင်းကွာ မီကလေး.. မက်ဆေ့တွေ လဲ မမျှော်လိုတော့
စေ့ထားသော တံခါးနား. ခရမ်းရောင်ပန်ချီကားထဲမှာ .. နာကျင်စွာ... ။

မမသီရိ
၂၆ နိုဝင်ဘာ ၂၀၁၃