ဆောင်းနှောင်း ညနေ

ဘယ်လို ပြာလို့ပြာနေမှန်း တောင်
မသိတတ်တော့..
နှုတ်ဆက်ထွက်ခွာမယ်မှန်းသိရက်နဲ့
ယုယု ယယ ပုခုံးပေါ် အသာအယာမှေးတင်
ချစ်ခင်နေလိုက်တာများ.. မှုန်နေအောင် ပြာ..
မြူတွေကြောင့်လား...
ဆိုင်းနေလေ ရဲ့ ...
နွေဦး ဆောင်းကြွင်းမို့လား...
မှိုင်း မှိုင်း .. ဝေ ဝေ..
လုံမလေး ပါးပြင်.. ပုဇွန်ဆီသွေး ကြွေ
နုညက် သနပ်ခါးလေးတွေ
ဆည်းဆာနေ နဲ့.. ပြိုင်နေ..

နေမင်း ကို ဟီးလေးခို လိုက်ချင်သတဲ့ ..
ချစ်သူရှိတဲ့ အရပ်ဆီ...
ကမ္ဘာကြီး က လုံးတယ် ..လုံမ ရဲ့...
ချစ်သူက ယီးလေး ခိုစီးရင်လဲ
ရောက်လာနိုင်တာပဲ မဟုတ်လား.. လို့...

ခေါင်းခါခါ လည်ခါခါ ..ဆံပင်လေးတွေ ၀ဲဝဲ ဖြာ လို့
လုံမ ငြင်းလေတယ်ရော...
ဟင့်အင်း... လုံးဝ မစောင့်ချင်ဘူး တဲ့....
ဖြစ်နိုင်မယ် ဆိုရင်......

ဟော.........
ပြောရင်း ... ဆိုရင်း.... 
 ခပ်နီနီ ... ခပ်ဝါ၀ါ.. အဲဒီ နေမင်းဟာ...
ဘာကိုမှ အမှုလဲ မထား..
ဟန်တခွဲသားနဲ့....  ကျောခိုင်းသွား....
ပြာ မှုန်နေတဲ့.. တောင်တန်းတွေ.. လေ...
နောက်ဆုံးတော့လဲ... ထုံးစံ အတိုင်း ပါပဲ..
တိတ်တိတ် ဆိတ်ဆိတ် ငေး လို့ ကျန်....
သူ့ ပါးကလေး အသာ အယာ... လုံမ... ပွတ်ကြည့်တယ်...
သနပ်ခါးတွေ မွှေး နေတုန်း.... တဲ့..............။


မမသီရိ
၂၇ ဖေဖေါ်ဝါရီ ၂၀၁၂

ရှပ်အကျီ င်္ နီညိုစင်းကလေး

လာချင်ရင်အနီးကလေးလို့
 ပြောကြတယ် မဟုတ်ဖူးလား..
မလာချင်တာ ဘာကြောင့်လဲ လို့ မေးမနေတော့ပါဘူး..
ကျမ ရင်ခုန်စေတဲ့
ရှပ်အင်္ကျီ နီညိုစင်းကလေး ရေ.. ..
ကျမ ဖိနပ် ပါပါး ကလေးတွေ ချစ်တယ် လို့ ပြောခဲ့တဲ့ အခိုက်..
ဖိနပ်ကလေး တွေ ကိုပဲလားလို့ မေးခဲ့ ဖူးချင်တာပေါ့..
အမှတ်တမဲ့ ခိုက်ခဲ့ ဖူးတဲ့ လက်လေးတွေ..
တင်းတင်း ကြပ်ကြပ်ဆုပ်ကိုင် ထားသလိုမျိုး ခံစားချက်တွေ နဲ့..
ကျမ ရင် တွေ အကြိမ်ကြိမ် ခုန်ခဲ့ရတာ..
အင်ကြင်းပန်းဖြူဖြူ တွေ လဲ သေချာ ရိပ်မိ ...
တောင်ယာ မီးခိုးနံ့ကလေးတွေ သင်းနေတတ်တဲ့ ရှင့် ရဲ့ ကဗျာလေး..
ကျမ ခုတင်ဘေး အမှတ်တရ ကျမ ထောင်ထား..
ရှင် ခိုးခိုးကြည့်ဖူးတဲ့ ဟိုဖက်ခြံ ကစံပယ်ကလေးလဲ..
ခုလောက်ဆို အရွယ်ရောက်လောက် ပြီ...
ကျမ ရေဆာတဲ့အခါ ပုလင်းဖုံးကလေး ဖွင့်ပေးရအောင်လို့..
ဘေးနားမှာ နေပေးမယ် မဟုတ်ဖူးလား..
ပုခုံးကလေး တကယ်ပဲ မှီထားမိချင်တော့တယ်...
ဟိုတွေ ဒီတွေ ကွေ့ပတ် သွယ်ဝိုက် မနေတော့ဘူး..
ကျမ ချစ်လိုက်ရတာဆို.. ရှပ်အကျီ င်္ နီညို စင်းကလေး...
သိပ်မကြာစေနဲ့ .. သိပ်မကြာပါနဲ့တော့ ..
အမိန့် ကလေးပေးမှ.. တော်ကာကျ ..
ကျမ ရင်ခွင်နွေးနွေး အခစား.. ၀င်စေ.. ... ။

မမသီရိ
၂၂ ဖေဖေါ်ဝါရီ ၂၀၁၂

Flying...Dream ....... Freedom....