ခေါ်သွားချင်တဲ့ နေရာတွေ..

ဆိပ်ကမ်းကို ကားရပ်တော့..မနက် ၆ နာရီထိုးခါနီးနေပြီ....အစတုန်းက အစီအစဉ် အတိုင်း ဆို..၅း၃၀ မှာ ဆိပ်ကမ်း က ခွာ ကြဘို့ ဖြစ်ပေမဲ့... ထုံးစံ အတိုင်း...လူစုရင်း..လူစောင့်ရင်း...အချိန်တွေ ကကြာ..ခဲ့ ပါသည်။ ဒီခရီး ကို သွားကြရအောင်လို့ စပြော လာသူ က သူတို့ ရဲ့ ဆရာ ဖြစ်ပါသည်။ ... ဆရာက သူ ဒီဒေသ ရောက်တာပဲ.. ၅ နှစ် ရှိခဲ့ ပြီ...ဒီဒေသ ရဲ့.. အထင်ကရ ရှေး ဟောင်း မြို့တော်ကို.. မရောက်ဖူး သေးတာမို့..သွားချင်ပါ တယ်..၀န်ထမ်းတွေ အားလုံး သွား ကြ ရအောင် စီစဉ် ပါ ဆို တာနဲ့... အလုပ်တွေ ရှုပ်ကြတဲ့ ကြား ထဲ ကပဲ..မဖြစ်..ဖြစ် အောင် စီစဉ် ခဲ့ ကြရတာပါ...။ ရုံး ပိတ်ရက် .. ၃ ရက် လောက် ဆက် တိုက်ရတာလဲ ပါ ပါ သည်။ တကယ် သွားဖို့ ဖြစ်လာတော့... ၀န်ထမ်းတွေ အားလုံးမပါ နိုင် တော့....။ ....ရုံးဝန်ထမ်း ၁၅ ယောက်၊ တစ်ချို့ ၀န်ထမ်း မိသားစု ၀င် အချို့နဲ့... အခြားရုံးက မိတ် ဆွေ တွေ တစ်ချို့ ပါ ပေါင်း လိုက် တော့ အင်အား.. ၂၀ ကျော် ၃၀ နား ကပ် သွား ခဲ့ သဖြင့် အုပ်စု အင်အား တောင့် ပါသည်။... လူတွေ အားလုးံ စုံ လို့ အဆင်သင့် ဖြစ်ပါ ပြီ ဆိုတော့... မနက် ၇ နာရီ ထိုး ပြီ...။
စုစုပေါင်း.. ဘုတ်မောင်း ချိန် ၁၀ နာရီ ကျော်ကျော် လောက် မှန်းထားတာမို့... ဘုတ်ပေါ် မှာ..မပျင်း ကြရ အောင်...အစား အသောက် မျိုး စုံ..(အရက် မပါ ပါ..) အင်တာတိန်း မင့်တွေ..အမျိုး မျိုး စီစဉ်လာခဲ့ ကြ သည်...။ တီဗွီ.. ဒီဗွီဒီ အောက်စက်..... ကာရာ အို ကေ...ဆောင်းဘော့ခ်စ်....ဖဲဝိုင်း...နောက် ဘာ ကစား ၀ိုင်း လေး လဲ မသိတဲ့ အဖွဲ့ လေးတွေ.. ကိုယ့် အဖွဲ့ နဲ့ ကိုယ်..... ဟုတ်နေကြတော့ သည်...။..
ဆရာ...သူမ နဲ့... ကပ်ရက် ရုံး က..ဂျပန်မလေး ကတော့...ထုံးစံ အတိုင်း...တွေ့သမျှ... မြင် သမျှ... ဓါတ်ပုံ ဖမ်း ရိုက် ကြ တာပေါ့...။ သူ မတို့ ၃ ယောက်လုံးက..ရုံးမှာ.. နာမည် ကြီး ပြီးသားတွေ လေ..။........(စိတ်ပုပ်တဲ့..း)....) ဒရိုင်ဘာ တစ်ချို့ ဆို... သူမတို့ နဲ့ Field မဆင်း ချင်ပါဘူး ရယ် လို့..နောက်မှာ အတင်းတုပ် ကြတာ.....။ ဟိုအနား လေး... ကား ရပ်ပါအုံး.... ဒီ အနား လေး ...ခဏ ရပ် ပါ အုံး နဲ့ ....ဓါတ်ပုံ တွေ စွတ်ရိုက်နေတော့....ခရီး မှ မတွင် တာကိုး.....း).....ခု ဘုတ်နဲ့ ဆိုတော့..ဘယ်သူ့မှ မျက်နှာပူစရာမလို တော့......။
........................................................................................
..............................................................................................................................
အမှန်တော့...ဒီမြေ က....လွန်ခဲ့ တဲ့... ဆယ်စုနှစ် ၂ ခုနီးပါး စာ ကာလ တစ်ခု ဆီ တုန်းက....အချိန် ကာ လ အတော်ကြာ...သူ မ ကျင်လည် ဖူး ခဲ့တဲ့... နေရာ လေး တစ်ခု ပါ......။ ဘ၀ မှာ ကိုယ့်ခြေထောက် ပေါ်..ကိုယ် ပထမ ဦးဆုံး ရပ်ခဲ့ တဲ့ နေရာ..... ဘ၀ က ဂျွမ်းထိုး မှောက် ခုံ ဖြစ်ခဲ့ ပြီး.....ခု ချိန် ထိ လဲ...အဲဒီ ဒဏ်ရာတွေ အကျိုး ဆက်တွေ..နဲ့.....ထွေးလုံးရစ် ပတ်ဆဲ....ဖြစ်စေခဲ့ တဲ့...နေရာ လေး ပါ...ဒီ ၁၅ နှစ် ကျော် ကာလ တစ်ခု မှာ ဘာတွေ များ ပြောင်း လဲ နေမလဲ ရယ် လို့...ရှည် လျား လှ တဲ့... ခရီး စဉ် တစ်လျှောက် မှာ... အချိန်ရ တိုင်း....စဉ်းစား နေခဲ့ မိပါ သည်.....။
သူမ နေခဲ့ တဲ့ ...ကာ လတစ်လျှောက် မှာ.. လဲ..ဒီဒေသ ရဲ့...ကာလ တိုင်းကို.. နှစ်သက်ခဲ့ တာပါ.....အထူး သဖြင့် ဆောင်းရာသီ ကာ လတွေ ကို..သူမ သဘော အကျဆုံး.....နှင်းငွေ့ တွေ... မြူ ငွေ့တွေ.. နဲ့ အမြဲ အုံ့ မှိုင်း ပြီး.. လွမ်း စရာကောင်းလှတဲ့..ဒီမြေ..ကို.......(ဒဏ်ရာတွေ ရစေခဲ့ တဲ့ တစ်ချက် ကလွဲ လို့)....သူမ မြတ်နိုးပါ သည်.....။
.......................................................................................................................
လမ်း တစ်လျှောက် မှာ... ထူးခြားတာက... ဆောင်းခို ငှက်တွေ... တစ်ကောင်တစ်လေမှ ကို... မတွေ့ ရတာပါ ပဲ.... ဟို အရင် တုန်း က ဆို....ဒီက ဆောင်း ကာ လမှာ... ဆိုက်ဘေးရီးယန်း ငန်းတွေ ရယ် လို့ နာမည် ကျော် တဲ့.... မိုင်ပေါင်းသောင်းချီ ခရီး ကနေ.. ဆောင်းခို ဘို့ ရာရောက်လာတဲ့..ငှက်တွေ က... မြစ်ကြော တစ်လျောက် ဘယ်နေရာ ကြည့်ကြည့်... အပြည့် ပါ......။ ခုတော့.. ဒေသ ခံ ငှက်ကလေးတွေ... စင်ရော်လေး တွေ ကလွဲ လို့.... မမြင် မိခဲ့.....။
..............................................................................................................................
....သူမတို့ ရဲ့... ဘုတ်ကလေး.... မြို့ ကို ၀င် တော့...ညနေ ဆည်းဆာ ရဲ့ အလှဆုံး အချိန် ဖြစ်နေခဲ့ ပြီ..... လမ်းဘေး ၀ဲယာ တစ်လျှောက် မှာ တွေ့ ရတဲ့.. ရွာကလေး တွေ... ရှု ခင်းတွေ....ပြီးတော့..တစ်မြို့လုံး လိုလို ရဲ့ မြင်ကွင်းတွေက.....ကုန်လွန်ခဲ့ သော..ကာလတွေ နဲ့... ဘာမှ ထူး မခြား နား..... မြစ်ကမ်းနားက တဲ ကုပ်ကုပ် စုတ်စုတ်လေးတွေ.... ဖြတ်သွား တဲ့... ဘုတ်တွေ..ကို.. လက် ဝှေ့ ရမ်း ပြနေတဲ့.... ကလေးလေး တွေ...က..ဟို အရင်ကအတိုင်း... ထူးခြားမှု တစ်ခုကတော့.... မြို့တွင်း နဲ့ အနီးအနား တစ်ဝိုက် မှာ.. အဆင့်မြင့် ဟိုတယ်တွေ..တည်းခို ခန်းတွေ..ရှိလာတာ ဖြစ်ပြီးတော့ ....ကမ္ဘာလှည့် ခရီးသည်နိုင်ငံ ခြားသားတွေ က..စက်ဘီးလေးတွေ နဲ့.... ဖုန်ထူထူ လမ်းလေးတွေ ပေါ်မှာ..။ ......၁၉၈၈ မတိုင်ခင် တုန်း က...မြန်မာ့ အရေး လေ့လာသူ တစ်ဦးဖြစ်တဲ့...ဒေါက်တာ ရောဘတ်တိုင်လာ... (ကျမ သိပ်မသေချာတော့ပါ...အမှန်သိသူများကျေးဇူးပြီး..ပြင် ပေး ကြပါ...)... က ...တစ်ကယ်တော့ မြန်မာပြည် ဟာ...တိုးတက်နေတဲ့ ကမ္ဘာကြီး ကို...သစ်ပင်ရိပ်လေး တစ်နေရာကနေ.. ကောင်းကင်မှာ ပျံသန်းသွားတဲ့ လေယာဉ်တစ်စီး ကို..ငြိမ်ငြိမ် လေး..ထိုင်ကြည့် နေတဲ့... ကလေးလေး တစ်ယောက် လိုပါ ပဲ......တိုးတက်ရကောင်း မှန်းမသိတဲ့... ချစ်စရာ ဓလေ့ထုံးတမ်း စဉ်လာတွေ နဲ့.. နစ်မျောနေတဲ့ နိုင်ငံ တစ်ခု ရယ် လို့...ဝေဖန်ခဲ့ ဖူး တာ ..သွား အမှတ်ရမိပါတယ်.....။ ခုချိန် ထိ ပဲ ပေါ့...။
.................................................................................
.........................................................................................................
ဒီခရီးစဉ်လေးက တော့... ကျမ ရောက်ဖူးချင်တယ် ...ဆိုလို့...။..ဓါတ်ပုံဝါသနာပါသူ..ကျမရဲ့..မိတ်ဆွေဟောင်းလေး... တစ်ယောက် က..သူ့ဆီ ရှိနေတဲ့ ပုံလေးတွေ ပို့ပေး လိုက် တာနဲ့...သူရေးလာတဲ့..မေးလ် ကို ဖတ်... အဲဒီ .. ဓါတ်ပုံတွေ ကို ကြည့် ပြီး...စိတ်ကူးနဲ့... ရူး မိလိုက်တာပါ.........................။
....................................................................................................................
.............တစ်နေ့နေ့... .........
အဲ ဒီ... တစ်နေ့နေ့... ဆိုတာ...ရှိခဲ့ ရင်.....
ကျမ ချစ်တဲ့ သူတွေ နဲ့..... အတူတကွ...သွား ချင် တဲ့ နေရာလေး တွေ...ပါ...
ကျမ ရဲ့ ချစ်သူတွေ ကို ကျမ...ခေါ်သွားချင် တဲ့ နေရာလေးတွေ ကို...ဝေမျှပေးလိုက်ပါ တယ်......။


မြစ်အတွင်း က ဆည်း ဆာ ချိန်.......



ပျင်းရိနေတဲ့...ဗျိုင်းလေးတွေ................။



တိတ်ဆိတ်နေတဲ့...လမ်းကလေး.......။

လွမ်းစရာ့.....မနက်ခင်း.........။

အတူခံစားချင် မိတဲ့...နေ၀င်ချိန်...............။

ရှုခင်း လှလှ.....။

...နာမည်ကြီး...ပုထိုးတော်.......။

မြူငွေ့ တွေ ကြားမှာ.........။

တိတ်ဆိတ်နေတဲ့...မနက်ခင်း ထဲ.....။

ရှေးဟောင်း...ဆင်းတုတွေ..........။

အထင်ကရ...ပုထိုးတော်ကြီး..........။

လူငယ် ဘာ ၀..............။

လွမ်းစေတီ........။

အတူလျှောက်ချင်တဲ့ လမ်း ကလေး..........။

.......ရှေး လက်ရာ.....။

အနှစ် ၂၀ ပေမဲ့..ဘာမှ မပြောင်းလဲ ပါ.....။

သူတို့..ဘယ်ကို သွား ကြ ပါလိမ့်.........။

မရိုး နိုင် တဲ့ မြင်ကွင်း..........။

ဒီ ကန်ကြီး ထဲ မှာ တော့...ဆောင်းခိုငှက်တွေ ရှိနေတယ်... တော် သေးတာပေါ့......။

ခုထိ အသုံး ၀င်ဆဲ..... ရေယာဉ်ငယ်......။

မြစ်တစ်ကြော က...ငှက်လေး တွေ.........။

မမသီရိ

ချစ်သူ့ ရင်ခွင်

..နှင်းစိုစို..

အအေးပိုတဲ့ ..ဒီလ

စောင်ခြုံတောင်.

လုံအောင် မနွေး နိုင်သမို့.

ချစ်ရိပ်ခို ရင်ခွင်နန်းကို..

လွမ်း.. တသသ..။

မမသီရိ (၂၆.၁၁.၂၀၀၈)

ကျောင်းတော်သာ

အရှေ့တံခါး...သော့ခတ်ထား တယ်..
လယ်ကွင်းစပ် က ကျောင်း ကလေး...
နောက်ဖက် ဟင်းလင်း..ညှင်းညှင်း ပြိုကျ..
ထရံစတွေ..ဟိုထိုး ဒီ ထောင်..
အလင်းရောင်တော့ ..ကောင်းကောင်း ရတယ်..
ကြည့် ကြည့်ပြီးတော့ ပြုံး မိသေး......။

နှပ်ချေး တွဲလောင်း.. ညစ်ပတ်ကောင်းတဲ့.
လေးငါး ခြောက်နှစ်..ကိုးနှစ် အရွယ်..
လူ မမယ် တွေ...
ဝလုံး တန်း နဲ့ ..တစ် တန်း လောက် မှာ ..ပြွတ် သိပ်နေ......။

နှစ်တန်း.. သုံး တန်း.. လေးတန်း ..မှာဆို..
ကျောင်းသား ဦး ရေ... တစ္ဆေ ခြောက် လောက်..
ဆရာတွေ တော့ ..သက်သာရော........။

ဘာ့ကြောင့် ခုလို...
စမ်းလို့ မရ...ဖြစ်ကြတာလဲ....
စုံစမ်း ..စပ်စု ကြည့် မိတော့...
၁၃ -- ၄ --နှစ် ..အရွယ်သစ်မှာ..
အိမ်ထောင် ကျသွား လို့ ပါ....တဲ့..................။

ဒေသ ဖွံ့ဖြိုး ...တိုးတက်မှုတွေ....
နှစ်ကမ္ဘာ လောက်...နောက် ကျနေတဲ့..
တိုင်းရင်းသားတွေ....အမြင် ရှည် ဖို့..
ကြိုးပမ်း စို့ လို့...
ဟစ်ကြွေး ဆုံးဖြတ်..အဝေး ရပ်က လာခဲ့ တဲ့ သူ..
ကူ ညီ လူ... မရှိ..... ငုံး တိတိ....
အလေး အနက် မထား တာ....
သဘာ ၀ ဖြစ် သွား ပြီ ထင် ရဲ့....
အပြစ်တွေ ...ရမယ် ဖွဲ့......
ဘယ်သူ့ ဖက် ...လှည့် ရပါ့......
ရင် နာနာ နဲ့.....
ပြန် တာပဲ... ကောင်းလေ.. မလား ရယ်လို့.........။

မမသီရိ....(၁၂.၁၂. ၁၉၈၉)

.............................................................................................

လွန်ခဲ့တဲ့..နှစ်ပေါင်း ၂၀.နီးပါး..... အရွယ်က ၂၀ စွန်းစ... ကောင်မလေး တစ်ယောက် ....ရှိခဲ့ ဖူးတယ်.... သူ့မှာ..စိတ်ကူးတောင်ပံတွေ က..မိုးလောက်ထိ မြင့်..... လွတ်လပ်ခွင့်..ဆိုတာ မြတ်နိုး.....တိုးတက်ရေး ဆိုတဲ့ စကားတွေ..လှိုင် လှိုင်ပြောလို့.....မွေး ရပ်နဲ့.. မိုင်ပေါင်း များစွာ... ဝေးကွာတဲ့ ..အင်မတန်မှ..ဂျောင် ကျ ခေါင် သီလွန်း တဲ့.. အရပ်ဒေသ တစ်ခု ဆီ မှာ ရှိနေခဲ့ ဖူး ပါတယ်...... အဲဒီ အရပ်ဒေသ ကို ရောက် ဖို့.. လေယာဉ် ခရီး.. က တစ်သွယ်... သင်္ဘော..စီးလို့ တစ်မျိုး.... ကားလေး နဲ့ တစ်ဖုံ... ဒေသ အခေါ်.. သဗ္မာန်လို့ ခေါ်တဲ့.. လှေ အိပဲ့ပဲ့ ကို.. စီးလို့..တစ်ခရီး......တစ်ဆင့်ပြီး တစ်ဆင့်သွား ခဲ့ ရတာပါ......

ကိုယ့် ကို ကိုယ် သတ္တိကောင်းလွန်းသူ ရယ် လို့ တော့ အမွှမ်း မတင်ချင်ပေမဲ့... တော်ရုံ ..မိန်းကလေး တစ်ယောက်...အတွက် တော့... သိပ်မလွယ် တဲ့ ခရီး ပါ ပဲ........

ကျမ ဘ၀ရဲ့... အစပထမ...ဘ၀ ခရီး ဆို လဲ မှား မယ် မထင်ပါဘူး.....အဲဒီက အစ ပြုလို့...ဘ၀ ပင်လယ်ထဲ မျောခဲ့ တော့ တာ.....

..........................................................................

မြို့ နယ်ပညာရေးမှူး ရုံးမှာ..ခန့်စာ ၀င်ယူပြီးတော့... တာဝန်ကျတဲ့ ..ရွာကလေး ကို ရောက်ဖို့ အတွက်..... သဘောင်္ ခရီး တစ်ခု ထပ်စီး ပြီး ...နောက် တစ်မြို့ ဆီမှာ... တစ်ည...တစ်ထောက်နား ရပါသေး တယ်... ..အဲဒီကမှ တစ်ဆင့်... လှုပ်လီ လှုပ်လဲ့ ..မြုပ် ချင်သယောင် နစ်နေတဲ့...သဗ္ဗာန်လေး...လေး စီးပြီး... မြစ်ပြင် ကျယ် တစ်ခု ကို..ပြန် ဖြတ်ရတာ ပါ.... ရေကူး မတတ်သူ ကျမ အတွက်တော့....ဘာဖြစ်နေခဲ့ မလဲ.ဆိုတာ. ခု ပြန်စဉ်းစား ရင် တောင် ..... ရင် က ထိတ်နေသေး တာ ပါ....မြစ် ကလဲ... မြစ် အ၀ မှာ ဆိုတော့.. လှိုင်းတွေ က အမြဲ လိုလို.. ရှိနေခဲ့ တယ်......ရွက်လဲ ကူ တက်လဲ ကူ ..တဲ့.. သဗ္ဗာန်လေး ကို.. ၁ နာရီ နီးပါးလောက် စီးပြီးတဲ့..အဆုံးမှာ တော့... ရေကျချိန် မို့... ကိုက် ၁၀၀ လောက် ရှိတဲ့ နုံး လတာပြင်ကို..ကြည့်ပြီး..မျက်ရည်ကျခဲ့ ရတဲ့..ကာလ တစ်ခု..... ဆရာမအသစ် ပေါက်စလေး..ကို.. ၀ိုင်းသနားနေကြတဲ့..သူ့စကား ကိုယ် နားမလည်.. ကိုယ့်စကား သူတို့ နားမလည်..ကြတဲ့.. ရွာသူ ရွာသား ခရီးသွားဖော် တစ်ချို့..ရဲ့ ကြင် နာတဲ့ မျက်ဝန်းတွေ အောက်မှာ... တစ်ဖက်တစ်ယောက် ၀ိုင်းဝန်း တွဲကူ ရင်းနဲ့... ဆိပ်ကမ်း တာရိုးကို တစ်ထောက် ရောက်ခဲ့........မဆုံးသေးဘူး ..နော် ခရီး..က................. ဆည်ပိတ်ထားတဲ့ ..ချောင်ရိုးလေး တစ်လျှောက်...နောက် ထပ် ၁ နာရီကျော် လောက်..ကနူးလှေကလေး ကို.. ထပ်စီးရသေး တာကိုး.....ရွာ..ရောက်တော့ မိုး စုပ်စုပ် ချုပ် ခဲ့ပြီ.......ရာသီက..ဆောင်း အလယ် ..... တစ်ညလုံး ..အငြိုးနဲ့ တိုက် နေတဲ့... မြောက်လေ ကြမ်း ကြောင့် အေးစိမ့် တဲ့ ဒဏ် ကိုလဲ.. ခု ထိ မမေ့နိုင် သေး............

နောက်နေ့မနက်ကျတော့.. အသစ်ရောက်လာတဲ့ ဆရာမလေး ကို....လာကြည့်ကြတဲ့ တပည့် တွေ...အိမ်ရှေ့မှာ ..အုပ်စု လိုက် ရှိနေခဲ့ တယ်...... အမြဲ လိုလို ကျောင်းတက်မမှန်တဲ့...တခြား ရွာတစ်ရွာမှာ..မိသားစု နဲ့ နေတဲ့..ကျောင်း အုပ်ဆရာကြီး လဲ ပဲ....အဲဒီ နေ့ မှာတော့.. နေသိပ်မမြင့် ခင် ရောက်လာပါ တယ်......

............................

ကလေးတွေ တစ်အုပ်ကြီး ခြံ ရံလို့..ရွာပြင် ကွင်းစပ် က ကျောင်းလေးနား ကို ရောက်တော့....အင်း... သိပ် မဆိုး ဘူး... ကျောင်းလေးက.. သွပ်မိုး..နဲ့... အရှေ့ဖက်က... သော့ခလောက်လေး ခပ်လို့........ဆရာကြီး သော့ ဖွင့်ပေးတဲ့ တံခါးမကြီး..က............ကျောင်းတွင်းထဲ ၀င် လိုက် တဲ့ အခါ မှာတော့..........

ကျမရဲ့ ကဗျာလေးကို မွေးဖွားစေခဲ့ တဲ့...ကျောင်းလေးရဲ့ ဘ၀ မှန် ကို မြင်လိုက်ရပါတော့ တယ်........

.......................................................................

ဓါတ်ပုံ ဆရာ တစ်ယောက် မျက်စိလည် လမ်းမှားပြီး ရောက်လာတဲ့ တစ်နေ့မှာ... ကျမရဲ့ ပထမ ဦး ဆုံး တပည့်တွေ နဲ့ အတူ...ကျမရေးထား တဲ့ ကဗျာလေး အတွက်..မှတ်တမ်းတင် ဓါတ်ပုံလေး ကို..ရိုက်ဖြစ်ခဲ့ ပါတယ်.... ကျောင်းရှေ့ဖက် က...မရိုက်ပဲ ...စုတ်ပြတ်နေတဲ့ ကျောင်းနောက်ဖက်မှာ..သွား ရိုက်တော့...တပည့်တွေက..မျက်နှာ မလှ ချင်ကြ...ဆရာမကလဲ...ဒီလောက် ဆိုးတဲ့ နေရာကိုမှရွေးရိုက် ရသလား တဲ့.......

........................

တိုင်းရင်းသား ပြည်သူ တစ်ရပ်..လုံး အောက်ခြေ အဆင့် က စပြီး တိုးတက်မှ..... တစ်နိုင်ငံ လုံး..တိုးတက်နိုင်မယ် လို့..ယုံ ကြည်ခဲ့ ပြီး...... ကိုယ် တတ်နိုင်တဲ့ ဖက် က...တစ်ထောင့် တစ်နေရာ က..တစ်ခုခု လုပ် ချင် ခဲ့ တဲ့.....လူငယ် ဘ၀..ကျမရဲ့.. ရည်ရွယ်ချက်တွေ ဟာ..အဲဒီ အချိန် တုန်းက ..lack of support, lack of effective assistance, lack of proper planning & proper management တွေ.. ရွှံ့ဗွက်တွေ.. အထီးကျန် ဆန်မှုတွေ.....နဲ့.... အိမ်သာ မရှိတဲ့...လူနေမှု ဘ၀ တစ်ခု အတွင်းမှာ.........ကဗျာတွေ... တစ်ပုဒ်ပြီး တစ်ပုဒ် မွေးဖွားရင်း.....ကာလအတန် ကြာ ခဲ့တယ်.....တစ်တပ်တစ်အား ဆိုတဲ့ အယူအဆ ကို.. ခုထိ ယုံကြည်ဆဲ ပေမဲ့....အဲဒီ တစ်တပ်တစ်အား.. အတွက် တွန်းအား နဲ့ ပံ့ပိးု မှုတွေ..ရှိပါမှ.... ဆိုတာ ကို.... အချိန်ကာလ အတော်ကြာမှ.... ပိုပြီး သဘောပေါက် ခဲ့ ရတာပါ..........

.................................

ဒီပို့စ်လေး ရေးဖို့ စိတ်ကူး ရမိတာက...တော့. Community Development & Social Management ကိုစိတ်ဝင်စား တယ် လို့ ခဏခဏ ပြောတတ်တဲ့..Information Technology ကြောင့် ..ရခဲ့တဲ့ ..ကျမရဲ့ သားတော်မောင် Wara .....ကျမရဲ့ ..Blog လေးကို ပထမဆုံး ကာလတွေမှာ လာလည်တဲ့...မဖွံ့ဖြိုးသေးတဲ့ ဒေသမှာ ကျောင်းဆရာ လေး လုပ်ချင်တယ် လို့.. သူ့ ရဲ့ profile လေးမှာ ရေးထားတဲ့.. မောင်ငယ် စိုးသွန်း (ဆိုးသွမ်း... လို့ မခေါ်ချင်လို့ ပါ မောင်လေး ရေ.... ပညတ်သွားရာ.. ဓါတ်သက် ပါသတဲ့..... သဘောတူရဲ့ လားတော့ မသိဘူး....း)........နဲ့... ဖွံ့ဖြိုးရေး ဆိုတာ ကို စိတ်ဝင် စား တဲ့ လူငယ် တွေ အတွက်..ပါ.......လွန်ခဲ့တဲ့ နှစ်ပါင်း ၂၀ မှ သည်...ခုလက်ရှိ ကာလ ထိ... ....ဒီအနေ အထား အတိုင်း ပဲ ရှိနေတဲ့..... မဖွံ့ ဖြိုးသေးတဲ့ ဒေသ တွေ.. မြန်မာနိုင်ငံ တနံတလျား ..အများ ကြီးရှိနေပါတယ်.......။

ပန်းကြိုက်တဲ့ ခင်

တစ်နှစ်မှာ ..တစ်ခါ..

ပင်မြင့်လွှာ အသာပွင့်..
လန်းတင့်တဲ့ ငွေ သဇင်..
...
ရနံ့ ငယ်လွင်..
မွှေးကြူစင် ထုံ ရီအေးရယ်နဲ့..
မှုံဝတ်ကာ..နံ့သာ နှစ်ကယ်..
လတ်ဆတ် ကြည်လင်..
....
လေလာတွင်..အသာနွဲ့ ပုံက..
မြင်ရသူ သည်းအူကြွ အောင်..
လှရက်သူ..ပင်ယံဦး ကိုလ..
ဆွတ်ချူငင်..ယူချင်စမ်း ပါတဲ့..
ပန်းကြိုက်သူ ခင်......။


မမသီရိ

ခြစ်ဖူးသူ နဲ့ သူမ၏ အိပ်တစ်မက်...

ကျွန်မတို့ မောင်နှမ က အတော် ထူးဆန်းတဲ့ အထဲ ပါတယ် လို့ ပြောရမယ် ထင်ပါတယ်... ပုံမှန် အားဖြင့် ဆိုရင်.. မောင် နှမ တွေ အချင်းချင်း.. ပွင့်ပွင့် လင်း လင်း ချီး မွမ်း တယ်... တစ်ယောက် ကို တစ်ယောက် အသိ အမှတ် ပြု တယ် ဆို တာ ခပ် ရှားရှား ရယ်... အသက် ကြီး လေ... ပို ဆိုး လေ ဆိုပါတော့...

ကျမ တွေ့ ဖူး သမျှ မှာ တော့.. မိုက်ကယ် ဂျက်ဆင်တို့ မောင် နှမတွေ.. တွေ့ ဖူးတယ်... သူ့ညီမ ဂျက်နက် ဂျက်ဆင် က.. အစ်ကို့ ကို.. တရားဝင် ချီးမွမ်း ခန်း ထုတ်တာလေ... သူ့ အစ်ကို .. ဂရမ်မီ ဆု ချီးမြှင့် ခံ ရတဲ့ အခမ်း အနား မှာ... အစ်ကို့ အကြောင်း စီကာ ပတ်ကုံး ချီးမွမ်း ခဲ့ တာ....

ခု ကျမ အစ်ကို က.. ကျမ ကို .. မရှိ တဲ့ ဂုဏ်ပုဒ် နဲ့.. ချီး မြှင့်နေခဲ့ တာ...သူ့ ညီမ ကို.. ပန်းချီ ဆရာမ တဲ့..

အမှန်က ကျမ ပုံဆွဲ ခဲတံ ..မကိုင် ဖြစ် ခဲ့ တာ.. နှစ်ပေါင်း ၁၀ ကျော် လို့ ၂၀ နား ကပ်တော့မှာ.....

အစ်ကို့ အတွက် ...ပေးခဲ့ တဲ့ ခရစ်စမတ် လက်ဆောင် က...ပထမဦးဆုံး... ပြန်ခြစ် ဖြစ်ခဲ့တဲ့ လက်ရာ...

ငယ်ငယ် က ၀ါသနာ ပါရုံ လေး ရှိခဲ့ တာ... သင်တန်းတွေ ဘာတွေ တက်ဖူး တာလဲ မဟုတ်...

အစ်ကို့လို.. အရောင် တွေ နိုင်နင်း တဲ့သူ လဲ မဟုတ်.... .. ခဲတံ တစ်ချောင်း နဲ့ မှတ်စု စာအုပ်တွေ ထဲ..ဟိုခြစ် ဒီ ခြစ်.......ခြစ် ခဲ့ ဖူးသူ တစ်ယောက် သာ....... အဲ... သူငယ်ချင်းတွေ ကြားထဲ တော့..လူ စွမ်းကောင်း...ဖြစ်ခဲ့ တယ်...... သူတို့ က ... လမင်း ပုံ ဆွဲ ကြရအောင် ဟေ့ ဆို ရင် တောင် ၀လုံး နဲ့ လမင်း တူ တာ မေ့ ပြီး ...မဆွဲ တတ်ပါ ဘူး ...အော်..နေကြသူတွေ .. ဆိုတော့.... ကျမ က ပန်းချီ ဆရာမ ပေါ့...း)......

ကျမ အစ်ကို နဲ့ ...ကျမ က ၀ါသနာ တူ ...စိတ်သဘောထား ချင်း လဲ ..အတော် တူ.. အကြိုက် တွေ လဲ အတော် တူ ခဲ့ ကြတာ... ... ပန်းချီ... ဂီတ... အနုပညာ... ခံစား ချက်... လွမ်းတတ်တာ...မှန်တယ် ထင် ရင် ဇွတ်တိုးတတ် တာ.. ခေါင်းမာတာ.... အဲ.....မတူတာတွေ လဲ ရှိ သပေါ့ နော်........ ကျမ က.... မကြာ ခဏ စိတ်ကောက် တတ်သူ... အစ်ကို.က. မကြာ ခဏ စိတ်တို တတ် သူ... ကျမ က.. မိန်းကလေး ဖြစ်ပေမဲ့.. ထမင်းချက် ရင်း ဘ၀ အဆုံး မခံ နိုင် ဘူး လို့ ယူ ဆပြီး... အဖေ နဲ့ အမေ ကို ၂ နှစ် လောက် ချက် ကျွေး ဖူးတာက လွဲပြီး.. တစ်သက်လုံး ထမင်း မချက် ရ အောင် ကြိုး စား ခဲ့ သူ..... အစ်ကို.. က တော့ ...အချက် အပြုတ် ၀ါသနာ ပါသူ.... ..... ကျမ က... ကျမရဲ့ စာကြည့် စားပွဲ တို့.. အလုပ် စားပွဲ တို့ မှာ...အမြဲ.. ရှုပ် ရှက် ခတ် နေ သလောက်... အစ်ကို.. ကျ တော့.....သန့် ရှင်း သပ်ရပ် စံနစ် တကျ ရှိတဲ့ သူ..

ပန်းချီ နဲ့ ကဗျာ တွေနဲ့ ပတ်သက် လာရင် .တော့.... ကျမ ကပဲ တစ်ချိန်လုံး....သူ့ ကို အား ကျနေခဲ့ ရတာ.....ပါ.. ..အစ်ကို ဆွဲ တဲ့... ပန်းချီကားတွေ က အရောင် တွေ ရဲ့ ဖွဲ့ စည်း ပုံ ကို.. ကျမ အရမ်း သဘောကျခဲ့တာ လေ.....ကိုယ် က အရောင် နဲ့ ပတ်သက် လို့... ကကြီး ခခွေး အဆင့်တောင် ရှိတာ မဟုတ်...... ခုတော့ အစ်ကို က..ကွန်ပျူ တာနဲ့ တောင်.. ဖန်တီး လို့ သူ့ ခံစား ချက်တွေ အသက် သွင်း နေခဲ့ ပြီ....

အဲဒီလောက် ညံ့ သူ..သူ့ ညီမ ကို..မှ... မြှောက် ပုံ များ...ပန်းချီ ဆရာမ တဲ့.....ငို ရ ခက် ရီ ရ ခက်...

ဒီ....အစ်ကို လုပ် ပုံ နဲ့ ကျမ ခဲ တံ ပြန် ကိုင် ရတော့ မဲ့ ပုံ....

........................................

...တစ် ကယ်တော့... ကျမ မှာ... အိပ်မက်တွေ.. က...များများ စား စား မရှိ ပါဘူး...

အဲဒီ အနည်း အကျဉ်း ထဲ က..... အပြင်း ပြဆုံး အိပ်မက် တစ်ခု ကတော့...

ကျမ တို့ မောင်နှမတွေ...တစ်စု တစ်စည်း ထဲ ..တစ်နေ့နေ့ မှာ.. ပြန် ဆုံ ကြဘို့.... ပြီးတော့.. အစ်ကို နဲ့ အတူ... လုခ်ပြတိုက်.. စမစ်ဆိုနီယန် ပြတိုက် က...ကမ္ဘာကျော် ပန်းချီ လက်ရာတွေ ကို.. အတူ ခံစားဖို့.. အမှန် က... ကျမ က မိုက်ကယ်အိန်ဂျလို နဲ့.. အိုင်းရစ် ပန်း ချီ ကျော် တွေရဲ့ လက်ရာတွေ ကို ပဲ..တစ်လျှောက် လုံး..စွဲစွဲ မြဲမြဲ.. နှစ်သက်ခဲ့ပေမဲ့... အစ်ကို သဘောကျတဲ့ .. ရေးနွား.. ဗန်ဂိုး...ပီကာဆို.. နဲ့.. ဒါဗင်ချီ တို့ လက် ရာတွေ ကို .. ကြည့် ပြီး အစ်ကိုနဲ့ ငြင်းခုံခွင့်.လေး တစ်ခုပြန်ရဘို့... အဲဒီ ခရီး မှာ ပဲ.. .အစ်ကို သိပ် စိတ် မ၀င် စားပေမဲ့.....ကျမရဲ့... အိပ်မက် မြို့တော်.. ဖလောရင့်စ်က.. မိုက်ကယ် အိန်ဂျဲလို ရဲ့... ပန်းပု လက်ရာတွေ ကို.. ဆက်ပြီး သွား ကြည့် ကြ ဖို့.......... ပြီးတော့... အစ်ကို ချစ် တဲ့ အမိ မြန်မာ ပြည် မှာ.. မိသား စုတွေ အာလုံး ဆုံ ကြပြီး..... ထန်း ရိပ်ညို ဒါမှ မဟုတ်လဲ ..လောကနတ် မှာ... အစ်ကို့ လက် ရာ ပန်းချီ ကားတွေ နဲ့... ကျမရဲ့ ခဲ ပန်း ချီ တွေ ကို.. ပြ ပွဲ တစ်ခု လုပ် ဖို့ ပါ....... ကျမဆွဲ တဲ့ ... ခဲ ပန်းချီ တစ်ချို့ ကို တော့.. အစ်ကို့ကို အတင်း ပူဆာပြီး.. အရောင်တွေ ဖြည့် ခိုင်းဘို့ လဲ.. စိတ်ကူး က ရှိသေး....း)........

...............................

အဲဒါ က...........................ကျမရဲ့ အိပ်တစ်မက်.....

............................

ခု လောလော ဆယ် တော့.... အစ်ကို ချီးမြှင့် ထား တဲ့.ဂုဏ်ပုဒ်လေး. အလကား ..မဖြစ် ရအောင်... ငယ်ငယ်က.. ခြစ် ဖူး ခဲ့ ...တဲ့..ပုံ လေး တွေထဲ က တစ်ချို့ ကို.. ပြန် လည် ဖေါ်ပြလိုက် ပါတယ်......

ဒါပေမဲ့..ပန်းချီ ဆရာမ ... တော့ ..မဟုတ်ဘူး....နော်.....

မမသီရိ

အပြစ်တစ်ခု လို့ မမှတ်စေချင်

သစ်ရွက် လှုပ်လျင်..
ရယ်ချင် တတ်သည့်..
ဆယ်ကျော် သက် ရွယ်.. မဟုတ်တော့...

ရွှေမိုး ညိုလျင်..
ငိုချင် တတ်သည့်...
ဆယ်ကျော် သက်ရွယ်.. မဟုတ်တော့...

မြင်ရာ မြင် တိုင်း...
တုန် ယင် လှိုင်း ခတ်..
ရင် ခုန် တတ် သည့်...
ဆယ် ကျော် သက် ရွယ် မဟုတ်တော့...

သို့လေ သော် လဲ..
....
နှလုံး သား ထဲ...
နစ်စွဲ ထိ ခိုက် ...
အငိုက် မိ....ရင်...
သိမမီ ခင်...
တွယ် ငင် တိုး လျှိုး...
ကြိုး တွေ ထပ်ထပ်...
ကြပ်ကြပ် ချည် နှောင်...
မှောင် မှောင် မဲမဲ ...မိုက် ရဲ သတ္တိ.
ရင် မှာ ရှိ ပြီ...
......
သစ်ရွက် လှုပ် လျင်...
ရယ် တတ် ချင် သည့်...
သက်ရွယ် ဆယ် ကျော်..မငယ် သော်လည်း...
ရင် ထဲ အချစ် ကျန် သေး သည်.......။
....
...


မမသီရိ (၁၃.၁.၂၀၀၉)

သူတို့လေးတွေ..

ဒီနေ့ မနက်စောစော ကျမ လမ်းလျှောက် ထွက်တော့.. လမ်းထိပ်မှာ အဲဒီကောင်မလေး ကို တွေ့လိုက် ရပါတယ်..။ ခါတိုင်းဆို အမြဲ.... ၂ ယောက်တွေ့နေကျ..ဒီနေ့တော့ တစ်ယောက်ထဲ ပါ..။ အဲဒီ ကောင်မလေး ၂ ယောက် ကို ဒီမြို့လေးမှာ ကျမ တွေ့တွေ့ နေတာ ..အချိန်.....၃- ၄ လလောက် ကြာခဲ့ပါပြီ...။ သူတို့ ညဥ့်ငှက်မလေးတွေ ဖြစ်နိုင်တယ် လို့ လဲ တွေ့ တိုင်းမှာ ထင်မိရဲ့... ပုံစံလေးတွေ က နဲနဲထူးခြားနေတာ ကိုး။ ပုံမှန် အားဖြင့်ဆိုရင်..ဒီဒေသမှာ ဒေသခံလူမျိုးစု အမျိုသမီးငယ်တွေ...အိမ်အပြင် ကို သိပ်မထွက်ကြပါဘူး။ ကျောင်းသွား ကျောင်းပြန် ချိန်တွေ မှာ အရေ အတွက် အနည်း ငယ်သော မိန်းကလေး ငယ်တွေ ကို အစောင့် အရှောက် ဒါမှ မဟုတ်လဲ ပဲ အုပ်စုလိုက်၊ အဖော်၊ အုပ်ထိန်းသူတွေနဲ့ စသဖြင့် တွဲ လျက်သာ တွေ့ရတတ်ပါ တယ်။ လုပ် ငန်းခွင်တွေမှာ ၀င်ရောက် လုပ်ကိုင်နေတဲ့ အမျိုးသမီး အနည်းငယ် ရှိပေမဲ့ လက်ချိုး ရေတွက် လို့ ရနိုင်တာမို့.. သူတို့ ၂ ယောက် ဟာ ဒီ မြို့ မှာ ထူးခြားနေတယ် ဆိုတာ လူတိုင်း သတိပြုမိကြပါလိမ့်မယ်။

အမှန် ဆို... တခြား နယ်စပ် မြို့တွေ နဲ့ နှိုင်းစာ ရင်... ဒီမြို့လေး က အတော် ကို အေးချမ်း တာပါ... ကာရာအိုကေ ဆိုင် မရှိ... နိုက် ကလပ် မရှိ... ရှိတဲ့ စား သောက် ဆိုင် တွေက ရိုး ရိုး လေးတွေ... အနှိပ်ခန်း ဆို တာလဲ ..မရှိ......

သူ့ အသက် က ရှိလှ မှ ၁၅ ဒါမှ မဟုတ်..ကျူးကျူး လွန်လွန် ၁၆ နှစ်လောက်ပဲ ရှိမှာပါ...။ စာသင်ခန်း မှာ ပဲ ရှိနေရမဲ့.. အရွယ်လေး...။

မနက်စောစော တိုင်းလမ်းလျှောက် ထွက်တဲ့..ကျမ ကို သူလေး လဲ ပဲ မျက် မှန်းတမ်း မိပုံ ရပါ တယ်.. ကျမ ပြုံးပြ တော့... သူ့ မျက် နှာ မှာ.. အရိပ် အယောင်လေး တစ်မျိုးဖြတ်ပြေး သွား ပြီး... ကျမ နား ကို.. မ၀ံ့ မရဲ တိုး ကပ်လာပါတယ်.. စကား သံ ၀ဲဝဲ နဲ့... ဆရာမ ...လမ်း လျှောက် တာလား ဆိုတဲ့ သူ့ အမေး ကို.. ပြုံးပြ ခေါင်း ညိတ် အဖြေပေးတော့... ကျမဘေးနား က ကပ် ရက် လိုက် ပါလာပါတယ်.. ။ ကျမ သူ့ ကို.. စကားတွေ.. ပြောချင် နေမိတယ်... တစ်ခုခု ကို လဲ မေး ချင်..နေတယ်... ဒါပေမဲ့ ဘယ်နား က စ မေး ရမလဲ ..ဆို တာ.. ခေါင်းထဲ ရုတ်တရက် ရောက် မလာ နိုင်ဘူး...မေး ချင် တဲ့ အကြောင်း ကလဲ...ခပ်ခက်ခက်....... နောက်ဆုံး... မထူးတော့ ဘူး..ဆိုပြီး... မျက်နှာ ပူပူ နဲ့ ပဲ..ဒီနေ့ အလုပ် ပြီးပြီ လား ဆို တော့....ပြီးပြီ တဲ့..... မေးမိတာ တစ်ခွန်း.. ကလေးမလေး ပြန်ဖြေတာတွေ က..... သူ့ ငယ် ဘ၀ က စလို့ ...လက်ရှိ နေ့စဉ် ...လုပ်ငန်းဆောင် တာတွေ..ထိ .. တောက် လျှောက် ပြောသွားတော့ တာ.......။.....ကြည့် ရတာ.. သူ့ကို ...အရေး တယူ မေးမဲ့ သူ...သူပြောတဲ့ စကားတွေ.....အရေး တယူ နားထောင် မဲ့ သူ မရှိခဲ့ ဘူး ဆို တာ သေချာ နေပါ တယ်...သူ့ ဇာ တိက..ဒီ နယ်စပ်မြို့လေး နဲ့ အတော် အလှမ်း ကွားဝေး တဲ့... နယ် မြို့ လေး တစ်မြို့ ရဲ့ ကျေးရွာ... တစ်ရွာ ကပါ....အမေ ဆုံးသွား ခဲ့ပြီ.း.... အဖေ က နောက် မိန်းမ ယူသွား တယ်...မောင်လေး ၂ ယောက်နဲ့ ညီမလေး ၂ ယောက် ကျန်ခဲ့ တယ်.... ၀ိုင်း ကြည့် ပေးဘို့ ..တောင့်တင်း တဲ့ ဆွေ မျိုး တွေ မရှိဘူး...အား လုံး က သူ လို ကိုယ် လို တွေ...သူတို့ မောင် နှမ ၅ ယောက်ထဲ မှာ..ဘယ်သူ မှ ကျောင်း မနေဖူး ဘူး... ထမင်း မရှိ တဲ့ နေ့ ရက် တွေ များ စွာ...လွန် လာပြီး တဲ့ နောက်မှာတော့...သူလို ပဲ ဘ၀ တူ မိဘမဲ့ ကောင်မလေး တစ်ယောက်နဲ့ တွေ့ ...အဲ ဒီကောင်မလေး က... အတွေ့ အကြုံ ရှိနှင့် ပြီး နေပြီ..... စွန့်စား ရင်း.. သူတို့ အတူ ...ဒီ မြို့လေး ကို ..ရောက် လာခဲ့ ကြတာ.....

တစ်ည ကို.. customer တစ်ယောက် ဆီ က တစ်သောင်း ရတယ်.... သူ တို့ လို လုပ် နေတဲ့ သူ တွေ နောက် ထပ်... ၁၀ ယောက် ကျော် လောက် ရှိတယ်.... ဈေး နှုန်း တွေ က မတူ ပါဘူး ..တဲ့.... တစ်ည ကို... သုံးသောင်း ထိ ရတဲ့ ..ကောင်မလေး တွေ ရှိ တယ်...အဲဒီ သုံးသောင်း ဆိုတာ ပြည်မက လာကြတဲ့ ..ချောချော လေး တွေ.... ဒီဒေသခံ တွေ ထဲ မှာ တော့.... နှစ်သောင်း... တစ်သောင်း ခွဲ.... တစ်သောင်း နဲ့... ငါး ထောင်... ဆို ပြီး.. ဈေး နှုန်း တွေ ရှိ သတဲ့.... ကျမနဲ့ ပြောနေတဲ့ ကောင်မလေး က ... တစ်သောင်း တန်း က... သူ က တစ်ည ကို.. တစ်ယောက် ပဲ... လက်ခံ နိုင်ပါ သတဲ့...

ကျမ တစ်သက်မှာ.. တစ်ခါ မှ... ခု လို တိုက် ရိုက် မကြား ဖူးတဲ့..စကားတွေ ကြား နေရတာ... ရင် ထဲ ဘယ်လို တွေ့ နေသလဲ မပြော တတ်တော့ ပါဘူး... မျက်နှာတွေ နီ ရဲ..ကတုန် ကယင် နဲ့.......ကိုယောဟန်အောင် ရဲ့ အရပ်ပျက်မလေး ဆို တဲ့ ပို့စ် ကို ..သွား သတိရနေမိပါတယ်.....

ဟို အရင် လုပ်ခဲ့ဖူး တဲ့ ..၀င်ငွေတိုး INGO Project တစ်ခုမှာ တုန်း က.. ဒီအလုပ် တွေ လုပ် စား တယ် လို့ နာမည် ကျော်ပြီး တော့... အရပ် ထဲ မှာ မျက် နှာ မလှ ဖြစ်နေခဲ့ တဲ့.. ကောင် မလေး ၂ ယောက် နဲ့ ကျမ ဆုံ ခဲ့ ဖူး ပါတယ်.... ကျမတာဝန် ယူနေရ တဲ့... ၀င်ငွေ တိုး နဲ့ စွမ်း ရည် မြှင့် တင် ရေး သင် တန်း တစ်ခု မှာ .. သိသိ ကြီးနဲ့ ကျမ သူတို့ ကို.. သင် တန်း သူ တွေ အဖြစ် ရွေး တော့... ကျမ ကို ..၀ိုင်းပြီး တိုက် ခိုက် ခဲ့တဲ့ လူတွေ အများ ကြီး ရှိခဲ့ ပါတယ်...သူ တို့ တွေ ကြောင့်... Project ရဲ့ ဂုဏ် သိက္ခာ ကို ထိခိုက် နိုင်တယ်.... သူတို့ ကြောင့်.. တခြား သင်တန်း သူတွေ ပါ.. လိုက် ပါ ပျက်စီး သွား နိုင် တယ် ဆိုတဲ့ ..အယူ အဆတွေ နဲ့ ကျမ ထိုး နှက် ခံ ခဲ့ ရတာပါ.... ဒါပေမဲ့.. ကျမ ကြံ့ ကြံ့ ခံ ခဲ့ တယ်.... အဲဒီမျိုး အား လုံး က ၀ိုင်း ပယ် နေရင်... သူ တို့ ဘ၀ ပိုဆိုး သွား နိုင်တယ်.... အချိုးအကွေ့ လေး တစ်ခု သာ ရှိခဲ့ ရင်... သူ တို့ ဘ၀ လေး တွေ အပြောင်း အလဲ မရှိ လာနိုင်ဘူး.. လို့ ..ဘယ်သူ ပြော နိုင်မလဲ ဆို ပြီး... ကျမ အတိုက် အခံ .. ရင် ဆိုင် ခဲ့ ရဖူး တယ်.....အဲဒီ တုန်း က.. ကျမ ဖက်မှာ... တိုင်းရင်းသား ၀န်ထမ်း တွေ တစ်ယောက်မှ မရှိခဲ့ဘူး... အား လုံး ကန့်ကွက် သူတွေ..... ကျမရဲ့ အထက် က... ရှိနေတဲ့... ဂျပန်မလေး တစ်ယောက် က ပဲ... လေသံ ပျော့ ကလေး နဲ့... နင် ကြိုး စား ချင် ရင် ..ကြိုး စား ကြည့် လေ...တဲ့.......ကျမ မျက်စိ စုံ မှိတ် ပြီး... သူတို့ ကို တစ်နှစ် သင်တန်း တစ်ခုမှာ.. ရွေးချယ်ခဲ့ပြီး တက်စေခဲ့ တယ်....သင်တန်း ကာ လ အစ လောက် ထိ ...သူ တို့... နဂို အလုပ် ကို ...ဆက် လုပ်နေတယ်လို့ ..ကျမ သတင်း ရပေ မဲ့.... ကျမ ရဲ့ ..သင်တန်း ဆရာမ တွေ အား လုံး ကို... သိနေတဲ့ အကြောင်း.. မပြောမိစေ ဘို့... ပြောထား ပြီး... ကျမကိုယ် တိုင် လဲ ..မသိချင် ယောင် ဆောင် နေခဲ့ တယ်.... ဒါပေမဲ့... သင်တန်း ထဲ ..မှာ တော့...အမူအကျင့်ပြောင်းလဲ ခြင်း ဆိုင် ရာ အခန်း ဏ္ဍတွေ.. စိတ်ဓါတ်မြှင့်တင်ရေး...သင်ခန်းစာတွေ ကို... ခါတိုင်း ထက် အချိန်ပိုပေး ပြီး...ပို့ ချ ခဲ့ တယ်....၃ လလောက် ကြာတော့... သူတို့ ပြောင်း လဲ စပြု လာခဲ့ ပြီး....မိတ်ဆွေ တွေ ရခဲ့ ကြပြီ...... မျှော်မှန်း ချက် အသစ်တွေ နဲ့... မျက်နှာ လေး တွေ.. ၀င်း လက် လာခဲ့ တယ်.....အဲဒီ သင်တန်း ပြီး လို့ တစ်နှစ်လောက် ကြာ တဲ့ အခါ မတော့.... တစ်ယောက် က... နယ်စည်း မခြား ဆရာဝန်များ အဖွဲ့.. မှာ... HIV AIDs ပညာပေး ကွင်းဆင်း ၀န်ထမ်း အဖြစ် ထမ်းဆောင် ခွင့် ရပြီး.... သူ့ မိသားစု လေး ကို... လှလှ ပပ ပြန် လုပ်ကျွေး နေနိုင်ခဲ့ ပြီ... နောက် တစ်ယောက် ကလဲ .... တည်တည်တံ့တံ့ အိမ်ထောင်ကျ ပြီး.. ကျမ တို့ သင် တန်းက ပေး လိုက် တဲ့ သက်မွေး ပညာ နဲ့ ဘ၀သစ် တစ်ခု ကို ထူ ထောင် ခဲ့ ပြီ.....

အဲ ဒီ အတွေ့ အကြုံ အား ကိုး နဲ့.. ကျမ တစ်ယောက် ..ကိုယောဟန်အောင် ရဲ့... အရပ်ပျက်မလေး ပို့စ် ထဲ.. မှာ.. ကိုယော ကို သွား စော်ကားခဲ့ ဖူးတယ်.. ကိုယောဟန်အောင်ရေ...ကျမ ဒီနေရာက တရားဝင် တောင်းပန်ပါတယ် ရှင်..

....................................

ခုန တုန်း က လမ်းမှာတွေ့ တဲ့ ကောင်မလေး အကြောင်း ဆက်ပြောရ ရင်တော့....

ကျမသူ့ ကို.. အရဲ ကိုးပြီး မေး ကြည့်သေး တယ်... သမီး တခြား အလုပ် တစ်ခုခု လုပ် ဖို့ စိတ် မ၀င်စား ဘူးလား ဆိုတော့......ဒီ အလုပ် ကို သူ နှစ်သက် သဘောကျလွန်း လို့ လုပ်နေရတာ မဟုတ်ပေမဲ့...စာ လဲ မတတ်... အလုပ် အကိုင် အခွင့် အရေး လဲ မရှိ ..ဒီ မောင် .. တေ...ွ ညီမတွေ ..ကျွေးမွေးစောင့် ရှောက် ဖို့... ဒိထက် ၀င်ငွေကောင်း တာ.. သူ ရှာတွေ့ နိုင် မှာ ..မဟုတ်ပါဘူး တဲ့..... သူ့မှာ.. ဖောက် သည် က နေ့ တိုင်းလိုလို.. ရှိနေတော့.. အဆင်ပြေ ပါ တယ် တဲ့...........

....

ကျမ ဆက် ပြော ဘို့ ဆွံ့ အ နေခဲ့ တယ်...ဘယ်သူ့ ကိုသွား ပြီး... ဘာ အပြစ်တွေ တင် ရပါ့ မလဲ...

တရား ခံ က ဘယ်သူလဲ.... အဖေ က နောက် မိန်းမ ယူ သွား တာ ..အပြစ်လား...

အလုပ် အကိုင် အခွင့် အလမ်းတွေ နည်းပါး ပြီး တော့... ထမင်း မ၀ တာတွေ က တရားခံ လား.....

ဒီလုပ်ငန်း ရှိနေတာက ..ဒီလို ကလေးမလေး တွေ ရှိနေလို့ ..ရှိနေတာလား...

customer တွေ ကြောင့် ဒီ လိုမျိုး ကလေးမလေး တွေ ရှိနေတာလား...

ကျမ အတွေး တွေ ..မမီနိုင်တော့ ပါဘူး...

.....................

ခု ကျမ လက် ရှိလုပ် နေတဲ့.. ဌာန က..လဲ.. ပညာရေးပဲ လုပ်တာ ဆိုတော့.. လတ်တလော.. သူနဲ့ သူ့ မိသား စုအတွက် .... သူ့ အတွက်...ကျမ လုပ် ပေးနိုင်တာ.. မရှိ.....။ .. မတတ်သာတဲ့ အဆုံး... ကွန်ဒုံး သုံး ရဲ့လား...လို့.. မေးတော့... နယ်စည်းမခြား ဆရာဝန်များ အဖွဲ့က ဆက်သွယ်ပြီး.. သူတို့ လို မိန်းကလေး တွေ ကို အမြဲ ပံ့ ပိုး ပေး ပါ သတဲ့......

ကျမ သက်ပြင်း တစ်ချက် တော့ ချမိတယ်... တော်ပါသေးရဲ့... သူ့ ခမျာလေး... ဘေးကင်းပါ..စေ...လို့...

ရတဲ့ ၀င်ငွေ လေး နဲ့... မောင်..ညီမလေး တွေ ကို.... ကျောင်း ထား ပေးနော်.. ဆို တော့... ဟုတ်ကဲ့ ပါ ဆရာမ.. လာမဲ့ ကျောင်း ဖွင့် ချိန် ကျောင်းထား ဖို့ စီစဉ်ထား ပါတယ်တဲ့.....

........................

ကျမ သွားတော့ မယ် ဆရာမ လို့ သူကလေး နှုတ်ဆက် ထွက် သွား တဲ့ အချိန် မှာ တော့.....အရှေ့ ဖက် ဆီက ကောင်း ကင်မှာ.......ပုဇွန်ဆီ ရောင် က ...အတော် ရင့်နေခဲ့ ပြီ..............အပူ လှိုင်း တစ်ခု ကတော့... ရင်ထဲ ..ဖြတ် စီး လို့.............။

မမသီရိ

ကြိုး

မမြင်သာ သည်......
ရင်လွှာ တိုးဖောက်.....
တောက်လျှောက် ၀င်သွား......
ဆီးတားမရ...
ကြိုး တစ ပေါ့.....
မေ့လျော့ သတိ.. မမူမိခင်..
တစ်ပင်ချင်း စပ်... ထပ်ထပ် ငြိတွယ်...
ဖြေမလွယ်တော့....
နွယ်လို မှတ် ထင်...
ဖြတ်ချင်လဲ ရှုးံ....
နှစ်လုံးသား ထဲ က...
အနက် ရှိုင်း ဆုံး .....သံယော ဇဉ်......။

(သရုပ်ဖေါ် ဓါတ်ပုံ လေးကို... အမေ...ဘလော့ဂ်ထဲ က ယူ သုံး ထားပါတယ်...)

မမသီရိ

ကျမ ရဲ့ အမေ

ဒီကဗျာလေး.. ဖြစ် တည် ခဲ့ တာ ကြာတော့ ကြာ ခဲ့ပါပြီ..... လွန် ခဲ့ တဲ့ .. ဆယ် စုနှစ် ၂ ခု စာ လောက် တုန်း က... အမေ နဲ့ အလွန် တရာ ဝေး ကွာတဲ့ နေရာ တစ်ခု မှာ ရှိ နေခဲ့ ဖူး တယ်... အကြိမ် ပေါင်း များ စွာ... မေမေ့ အပေါ် စိတ် ကောက် .. ဆိုးခဲ့ ဖူး တယ်.... မိုင် ပေါင်း များစွား ဝေးတဲ့ နေရာ ရောက် နေခဲ့ ခါမှ..
မေမေ့ ကို တမ်းတမ်း တတ လွမ်း ခဲ့ ရတယ်.....မေမေ့ တန် ဖိုး ကို.. နားလည် ခဲ့ ရတယ်....
မေမေ့ ကို ....ပြန် ကြည့် ဘို့  အဆင်ပြေ ပြီ လို့ ထင် ခဲ့ တဲ့ ကာ လ တစ်ခု မှာ တော့....
မေမေ က လူ့ လောက ကြီး က စွန့် ခွာခဲ့ ပြီး ပြီ....... မေမေ့ နောက် ဆုံး အချိန် ကာလတွေ မှာတောင် မေမေ့ အနား ရှိ မနေနိုင်ခဲ့ တဲ့ ..ဘ၀...... မေမေ ဘယ်လောက် များ လွမ်း နေခဲ့ မလဲ ဆိုတာ...
အချိန် တွေ အတော် ကြာ .. နှောင်း ခဲ့ တဲ့ ခါမှ..ပဲ..... မျက်ရည် တွေ နဲ့... တစ်သက် လုံးမခန်း နိုင် မဲ့ မျက် ရည်တွေ နဲ့....
ဒီနေ့... ကိုယ် ရေးချင် တာ ..ရေး လို့ ရတဲ့.... ဘလော့ဂ်လေး ..တစ် ခုကို... ပိုင် ခဲ့ တဲ့ အချိန် မှာ..
အမေ များ နေ့ အမှ တ် တရ အနေ နဲ့..
ကဗျာ ဟောင်း လေး ကို.. ပြန် လည် တူး ဖော် ရင်း... မခန်း သေး တဲ့ မျက် ရည် တွေ နဲ့ .....မေမေ့ ကို..လွမ်း နေ မိပါတယ်......

ကျမ ရဲ့ အမေ

ကျမ ရဲ့ အမေ...
ကျမ ပုခက်တွင်း နေစဉ်က ..
ညင်သာ မြမြ..
သီချင်း လှလှ တွေ...သီဆို ပြလို့..
ကျမ အိပ် ပျော် အောင်..
အမေ စွမ်း ဆောင် ခဲ့ .. တယ်....။

ကျမ ရဲ့ အမေ..
စီးပွားတွေ ..ကျဆင်း လေလဲ..
သမီး အလှ..မျက် နှာ မငယ်စေရ..
သမီး လိုအပ် သမျှ..
အမြဲ ပြည့် စုံ စေခဲ့ .. တယ်....။

ဟင်း မလောက် တဲ့ ထမင်း ၀ိုင်း..
ဆုတ် ဆိုင်း လို့ စား ခဲ့ တဲ့ အမေ...
စာ ကျက် တဲ့ ကျမ အနား...
အိပ် ပျော် မသွား အောင်...စောင့် ခဲ့ တဲ့ အမေ...
သမီး အလှ... ပညာ တတ် မကြီး ဖြစ်ဖို့..
အမေ့ ခွန် အား....
မနား တမ်း စိုက် ခဲ့....

လော ကထဲ ... အမေ မြောက် များ စွာထဲ..
ဂေါ်ကီ ရဲ့ အမေ...
သိန်း ဖေမြင့် ရဲ့ အမေ...
ချစ် စံဝင်း ရဲ့ အမေ....
အမေ...
အမေ...
အမေ...
နာမည် တွေ ...ကမ္ဘာ ကျော်ခဲ့....
အမေ..
အမေ...
အမေ...
ဒီ အမေတွေ ထဲ..
ကျမ ရဲ့ အမေ...
နာမည် မကျော် လေ ပေမဲ့...
....
ခု... မေ့ သမီး လက်ထဲ..
ဖယောင်း ခဲ နဲ့.. ပန်း ဖူး လေးတွေ...
အနာ ဂတ် တိုင်းပြည် မှာ..
အသုံး ၀င်စွာ...ပွင့် ကြ ဘို့...
ပုံ သွင်း ယု ယ..
မေ့ သမီး ...ဆရာမ ဖြစ် ခဲ့ ပြီ...
....
ကဲ...
အမေ့ ရဲ့ ပုခက် လွှဲ ခဲ့တဲ့ လက်..
ကမ္ဘာ တစ်ဖက် ကိုင် လှုပ် နိုင် တော့မကွဲ့ လို့...
ကျမ ပြော ရင်...
ဘယ် သူမှ ...ငြင်း ချင် တော့ မှာ မဟုတ် ပါ ဘူး... မေမေ.....။

မမသီရိ (၁၈.၉.၁၉၉၃)

နောင်တ မဲ့သော

ပန်းကလေး
အလှမ်းမဝေးပါဘူး...
သခင်
အလိုရှိတယ် ဆိုရင်ဖြင့်..
လှမ်းဆင့်လို့ချွေ
ကမ်းလင့်လို့နေရုံနဲ့
ကြွေပါ့ မယ်..
မောင့်ခြေရင်းမှာ..
ဝပ်စင်းလို့လေ....
.......
မျိုးမမှန်..
ဖိုး မတန်တဲ့ ပန်းရယ်လို့
သခင်..
အထင်တော် လွဲပါနဲ့
..
ချစ်လွန်း လို့ပါ..
...
တစ်သက် တစ်ခါ
ပွင့်လာတဲ့ ချစ်ပန်း..
သခင် မနမ်း..
လက်မကမ်း ချင်လဲ လေ..
ဝေပါရစေ..
ရင်တွင်းမှာ နေပစေပေါ့..
သခင် ရယ်...
လွမ်း တ စွာနဲ့.....။

မမသီရိ

ချစ်သမီး အလိမ္မာ

သမီးလေး ရေ..

လွန်ခဲ့တဲ့ ၁၄ နှစ်

နှင်းတွေ နဲ့ မိုးတွေ နဲ့

ဒွေးရော ယှက်တင်.. ကမ္ဘာမြေပြင်မှာ

ရော နေတဲ့ ညနက်နက် တစ်ခုမှာ

မေ့ သမီးလေး..

မေမေ့ဆီ ရောက်ခဲ့ တာပေါ့..

....

သောက်ရှူး ကြယ်စင်လို..

လင်းလက်တဲ့ မျက်ဝန်း အစုံ နဲ့

လောကထဲ ကို ထိုးခွဲ ကြည့် ဘို့..

မေမေ့ ဘေးနား သမီးလေး ရောက်ခဲ့ တာနော်...

.......

မေမေ ပျော်ရင် ပျော်

မေမေ ငို ရင် ငို..

မေမေ မဲ့ တော့ မဲ့

မေမေ တွေ ဝေနေတဲ့ အခါမျိုး မှာလဲ

မေမေ့ ဘေးနား သမီးလေး.

အားပေးနေခဲ့တာ ပေါ့..။

...

မကြာတော့ တဲ့ ကာလ တစ်ခုမှာ

မေ့ သမီး..

လောကကြီးထဲ တိုး ၀င် ဘို့

မေမေ့ ရင်ခွင် ကို

စွန့်ခွာ သွားတော့မှာ..

မေမေ ရင် ဆိုင် ရတော့မယ် မီး ရယ်...

............

တစ်ကယ်တော့ သမီး ဟာ..

မေမေ့ ရဲ့ခွန်အား

မေမေ့ရဲ့ ထီးကလေး

မေမေ့ အပေါ် နားအလည်ဆုံး..

မေမေ့ အတွက် အရာရာ ခံ စားပေ ခဲ့ တာ..

ကျေးဇူး တင်ပါ တယ် မီး ရယ်...။

.....

မေ့ သမီးရွက် လွှင့်တော့ မယ့် ရက်တွေ အတွက်

မေမေ တင် ကြို သတ္တိတွေ မွေး နေခဲ့ ပြီ..

မေ့အနား က ခွာသွားတော့ မဲ့ မေ့ သမီး အတွက်

မေမေ ကြို တင် လွမ်း ဆွတ်နေရပြီ...

လောက အလယ် မွှေးပျံ့ လာမဲ့

မေမေ့ ပန်းပွင့် လေး အတွက် ..

မေမေ တင်ကြို ကြည် နူးနေခဲ့ပြီ..။

....

မေ့ သမီးဟာ

မေမေ့ အတွက် တော့

အဖိုးမဖြတ်နိုင်တဲ့ ရတနာ

မေမေ့ အတွက် အမြဲ လိမ္မာပေးခဲ့ တာ..

ကျေးဇူး ပါ သမီးလေး ရယ်...။

(၂၀.၁၁.၂၀၀၈ မှာ ကျရောက် တဲ့ ချစ် သမီး..`အလိမ္မာ` ရဲ့ ၁၄ နှစ်ပြည့် မွေးနေ့အတွက်..)

မမသီရိ. (၂၁.၁၁.၂၀၀၈)

သံသယ တမ်းခြင်း

တဖျောက်ဖျောက်နဲ့

အိမ်အမိုးထက်. ဆော့လျက်သက်ဆင်း

နှင်းပွင့်ခြေသံ နာခံနေရင်း

ဆုံခဲ့ တဲ့ အကြောင်းပြန်ပြောင်း စဉ်းစား

လွမ်း သင့်သလား လို့လေ.....။

တချက်ချက်နဲ့..

နာရီလက်တံ.. သန်းခေါင်ယံကို..

စည်းချက်မှန်မှန်...ဖြတ်ဆန်ကျော်သွား

...

အိပ်မပျော်ပဲ အတွေးထဲမှာ

အိပ်ပျော်နေလဲ.အိပ်မက်ထဲမှာ

...

အကြင်နာ ထဲ အရောင်တွေ ကဲ သလား

ရက်စက်မညှာ ချွေကာသွားမလား

အပျော်သဘောလား

ရိုးရိုး လားလေ..

သံသယတွေ ရင်မှောဝေဆဲ....။

ကံကြမ္မာရယ်..ဘယ်လိုကြောင့်များ

ရေစက်ကယ် ကြုံ ဆုံစေခဲ့လဲ..

ငြိုး အတေးများ ရေး မှတ်ထားသလား..

ရင်မဆန့်အောင် ပိတ်လှောင် အလွမ်း

နွမ်းလျ မပြေ ဆယ်နေ ပူကဲ

ခံစားချက်များ နှလုံးသားထဲ..

တင်းကျပ် မွန်းလျက်ပါပဲ လေ....။ ...။

မမသီရိ

တဂိုး၏ အချစ် စာစုများ

တစ်ကယ် တမ်းပြောရရင် ဒီအကြောင်းအရာနဲ့ ဒီစာစုလေးကို ဖေါ်ပြဘို့ အချိန်အတော်လေး ယူခဲ့ရပါ တယ်..။ မြန်မာ ဘလော့ဂ်ဂါ လောကလေး ကို ကျွန်မ တတ်နိုင်သလောက် လေ့လာကြည့်တော့ အများစု က တစ်ကယ့်ကို ရည်ရွယ်ချက်ကောင်း.. အတွေး အခေါ် ကောင်း.. ခံစားမှုကောင်း.. တင်ပြမှု ကောင်းလေးတွေနဲ့ ကြိုးစား ပမ်းစား ရေးသာ တင်ပြထားတာတွေ တွေ့ရတော့ ကိုယ့်ကိုကိုယ် အားငယ်မိပါတယ်..။

အချိန် အတော်ကြာ စဉ်းစားပြီး တဲ့ နောက် မှာ တော့
ဟိုမရောက် ဒီမရောက် ..ကဘောက်တိ ကဘောက်ချာ.. မတောက် တစ်ခေါက်လေး နဲ့.. မြန်မာ ဘလော့ဂါ လောကထဲ မရဲ တရဲ တိုးဝင်မိချင် တဲ့ အတွက် ဘယ်သူ ကမှ ရယ်ပွဲ မဖွဲ့ လောက်ဖူးရယ် လို့ ဇွတ် အားတင်းပြီးတော့ ..
ငယ်ငယ် တုန်းက အမြတ်တနိုး ၀ယ် ယူ သိမ်းဆည်းဖူး တဲ့ ရာဘင်ဒြာနသ်တဂိုး .. တဂိုးစာနုယဉ် ဆိုတဲ့စာအုပ်ထဲ က နှစ်သက် ခံစားမိတဲ့ စာစု တစ်ချို့ ကို ပြန်လည် မျှဝေလိုက်တာဖြစ်ပါတယ်.. ။
ကျမဆီမှာ ခုလက်ရှိနေတဲ့ စာအုပ်က စာပေလောက စာအုပ်တိုက်က ၁၉၉၈ မှာ ဆဌမ အကြိမ် ပြန်လည်ပုံနှိပ်တဲ့ ၁၉၇၆ သြဂုတ်လ က တည်းဖြတ်ထုတ်ဝေခဲ့တဲ့ စာအုပ် ပါ...။ ပါဝင် ဘာသာပြန်ဆိုသူတွေ က မိုးမိုး (အင်းလျား) ၊ မောင်ဇေ၊ မောင်မျိုးညွန့်၊ ပုသိမ်မောင်းစိမ်းသူ၊ မောင်သန့်စင်၊ တက္ကသိုလ်ညိုဝင်ေးအာင်နဲ့ တက္ကသိုလ်မိုးမိုး တို့ ဖြစ်ပါတယ်..။

သိတတ်ပါဘူး ရှင်ရယ်..

`သောကကို ဆောင်ယူလာတတ်ပေမယ့်.

မေတ္တာတရားဆိုတာ..ယုံစား အားထားသင့်ပါတယ်၊

မင်းရဲ့ အသဲတံခါးကို ပိတ်မထားလိုက်ပါနဲ့ နော်`

...

`အို.. သူငယ်ချင်းရယ်..

မင်းရဲ့ စကားတွေ က နက်နဲ လွန်းလှတယ်.၊

ကိုယ်ဖြင့် နားမလည် နိုင်အောင်ပါပဲ အချစ်ရယ်`

...

`နှလုံးသား ဆိုတာ

မျက်ရည် တစ်စက်... လင်္ကာ တစ်ပုဒ်နဲ့ အတူ.၊

ပေးဆပ်ဖို့ သက်သက် မဟုတ်လားကွယ်..`

...

`အို.. သူငယ်ချင်းရယ်..
မင်းရဲ့ စကားတွေ က နက်နဲ လွန်းလှတယ်.၊
ကိုယ်ဖြင့် နားမလည် နိုင်အောင်ပါပဲ ကွယ်`

...

`ပျော်ရွှင်မှု ဆိုတာ တဒင်္ဂပါ..၊

ရယ်မော လှုပ်ရှားလိုက်ရုံ နဲ့ ဘ၀ ချုပ်ငြိမ်းသွားတတ်တယ်တဲ့..၊

နှင်းစက်လေး တစ်ပေါက်လိုပါပဲ..၊

ဝမ်းနည်းခြင်း ဆိုတာကတော့..

တည်တံ့တယ်၊ ခိုင်မြဲတယ်..၊

သည်တော့ တမ်းတ လွမ်းဆွေး ရတတ်တဲ့

ချစ်မေတ္တာတရားကို

မင်းမျက်လုံးတွေ မှာ နိုးကြားပါစေကွယ်...`

...

`အို.. သူငယ်ချင်းရယ်..
မင်းရဲ့ စကားတွေ က နက်နဲ လွန်းလှတယ်.၊
ကိုယ်ဖြင့် နားမလည် နိုင်အောင်ပါပဲ ကွယ်..`

...

ကြာပွင့်လေးတွေ က

နေမင်းရဲ့ ရောင်ခြည်အောက်မှာ ပွင့်လန်းကြတယ်၊

သူ့မှာ ရှိသမျှ အားလုံး ဆုံး ရှူံးရတယ်..၊

ဆောင်းရာသီရဲ့ ဆုံးစ မရှိတဲ့ မြူနှင်းတွေ ကြားမှာတော့

အဖူး အငုံလေးတောင် မကျန်တော့ ဘူးတဲ့..`

....

`အို.. သူငယ်ချင်းရယ်..
မင်းရဲ့ စကားတွေ က နက်နဲ လွန်းလှတယ်.၊
ကိုယ်ဖြင့် နားမလည် နိုင်အောင်ပါပဲ ကွယ်`

မိုးမိုး (အင်းလျား)

.................................................................................................

ဝေဒနာ

ဘယ်သူမှန်း မသိဘူးကွယ်..

ကိုယ့်လက်ထဲမှာ မေတ္တာပန်း တစ်ပွင့်

တိတ်တိတ်လေး ထည့်သွားတယ်..။

...

ဘယ်သူမှန်း မသိဘူးကွယ်..

အသည်းနှလုံး ကို ခိုးသွားတယ်..

ပြီးတော့ ကောင်းကင် အနှံ့

အဝေးကို ဖြန့်ကြဲ လိုက်ပါတယ်..။

.....

သူ ဘယ်သူ လဲ ဆိုတာ သိပါပြီလား..

ဒါမှ မဟုတ် နေရာတကာမှာ

သူ့ကို ရှာနေဆဲ ပဲလား

ကိုယ် မသိပါဘူးကွယ်...

အင်း........

ကိုယ့် အတွက်..

သုခ ဝေဒနာ လေလား

ဒုက္ခ ဝေဒနာလေလား ကွယ်...။

မောင်ဇေ

ရွှေကျီး ငယ်ငယ်

မေ့ဧည့်သည်..လာလေနိုး

မျှော်ကိုးလို့..လွမ်းယောင်ယောင်

ခန်းဆောင်ပေါ် သစ်ညိုရိပ်က

ဧည့်နိမိတ်ပုံဆောင်..

...

မျှော်တော်ရောင် လွမ်းသူလေးကို..

ဖေးကူလို့ ပျော်စေအောင်..

ရွှေကျီးမောင်..အသံပေး.

လာလုငေး..မလေး..မောင်..

......

..လွမ်းရက်တာ ကြာသော်လည်း...

ပေါ်မလာ မျှော်ရှာမော လို့.

လာတဲ့ခါ လာပါလိမ့်မယ်..

မျှော်မိသူ နေမထိအောင်..

ဗေဒင်စာ မအာ စမ်းပါနဲ့..

ရွှေကျီး ငယ်ငယ်......။

မမသီရိ (၁၂.၁၁.၂၀၀၈)

ဒိုင်ယာရီ မရေးဖြစ်သော ရက်များ အကြောင်း

..... မျက်ဝန်း တံခါး ..ပိတ်လို့ ထား လဲ..

မျက်ရိပ်ရှေ့ မှာ ... သူ ၀င်လာနေ....

ရွှန်းဝေ ပီတိ...စွဲ ငြိစရာ...

မာယာ ကင်းမဲ့... ရီ ဝေလဲ့ လို့

ညှို့ မျက်ဝန်းတွေ... ဝေ့ ၀ဲ နေခဲ့..

........

.......

...ည နာရီများ...သန်းလွဲ သွားပြီ...

..အိပ် စက်ခြင်းတွေ ခိုး ယူလေတဲ့..

..အလွမ်း တစ္ဆေ စိုးမိုး နေ...

....

.......

... ရင်မှာ တင်းကြပ် ပန်း ရသတွေ..

အဖြေ မရှိ မေးမိ ပုစ္ဆာ ....

တစ်စုံ ရာ ကို....

တမ်း တနေသလို..

.. စက် လဲ မရွှင်.... အလွမ်း ရှင်ရေ....

............

မင် တံ ထိပ်ဖျား ...မှတ်တမ်း များလဲ...

အနားယူ နေ..

မျှဝေ ခံစား....

မွန်း ကျပ်မှု များ.. လွှမ်းခြုံထား တော့...

.......

........

ကဗျာ တမ်း ခြင်း... စာ ပန်းခင်းတွေ...

...ရင် ထဲ မှာပဲ လှောင်ပိတ်နေ......။

.

.

မမသီရိ